عشقي٢ ( MY LOVE 2)

الحلقة الحادية والثمانون

منزل شيفاي

غرفة الصالون

ما ان عادوا من المنزل ....

روهان : منور يا حمايا العزيز ...

اوم : دا انت قديم طحن ... فيه حد الايام دي بيقول حمايا والكلام دا ...

روهان : بص ابويا ما كانش عنده حما قولي انت بقي كنت بتقول لحماك ايه ...

اوم : عادي كنت بقوله يا حمايا ، يا عمي ، كدا يعني ...

روهان : يعني انا ما غلطتش لما قولتلك يا حمايا ... والا تكونش زعلت من كلمة منور ...

اوم : بقولك ايه ما تقوم تشفولك حاجة تعملها احسن ...

روهان : طب ما انا بعمل اهو ...

اوم : بتعمل ايه ، بتقرفني ...

روهان "ضاحكا" : لا ، بوتضت العلاقات ...

اوم : بتوتضت العلاقات ، ليه ، ايش حال ما انا اللي مربيك ...

روهان : في دي معاك حق بس دلوقتي العلاقة بينا اتغيرت وانا هبقي جوز بنتك وكمان هعيش معاك في نفس البيت فتخيل بقي هتتصبح وتتمسي وتتعشي بيا ...

اوم : انا اللي جبته لنفسي ...

روهان : ليه بس دا انت حبيبي ...

اوم : حبك برص ، واد انت قوم من قدامي بدل ما والله ارجع في كلامي ...

ليضرب علي صدره بيده ويشهق ...

روهان : اخص عليك يا دوما ، اهون عليك تكسر قلبي وانا شايف بنتك بترجعلي الدبلة ...

ارثر : ايه اللي سمعته دا ... بجد يا دوما هتفركشها ، طول عمري بقول عليك انت اللي فيهم ...

روهان : انت شرفت ، يلا ولعها ما هي ناقصة ...

شيفاي : ايه مالكم ...

اوم : شيفاي خلي ابنك يبعد عني بدل ما ارجع في كلامي ...

شيفاي : ايه يا عم انت كل كلامك تهديد ، اسمع انا ما بتهددش وانت عارف وبعدين روهان بيهزر معاك فكها بقي وبلاش تعيش دور ام العروسة دا عشان مش لايق عليك ...

اوم : اهو انا كدا بقي واذا كان عاجبكم ...

روهان : وربنا علي قلبي زي العسل ...

ليقترب منه ويقبله ...

ابعده عنه ...

اوم : امشي يا هبل يا ...

شيفاي : يا ايه ...

اوم : ولا حاجة ...

شيفاي : ايوة كدا ، اسمع طبعا انت عارف ان احنا كان المفروض نروح بكرا نخطب لروهيت بس ...

اوم : عارف ، اجلتها بسببي ...

شيفاي : بسببك وسبب رودرا ...