عشقي٢ ( MY LOVE 2)

الحلقة مائة وتسعة عشر

قبل الاحداث ببعض ساعات

منزل شيفاي

غرفة المكتب

كان الصمت سيد الموقف عندما نهضت انيكا من مكانها وطلبت من ابنائها ان تتركهم ، ليخرج الابناء بالفعل ، لتظل هي وزوجها ...

نظر اليها عاقدا حاجبيه ...

شيفاي : مالك يا انيكا فيه ايه ، خرجتي الولاد ليه ...

انيكا "بقلب منقبض" : قلبي مش مرتاح يا شيفاي ، حاسة ان ابني روهان مش كويس ، تعبان ، مش عارفة ...

شيفاي "متنهدا" : انا نفسي افهم هتبطلي امتي الجنان ده ، ابنك كبر وماعادش صغير زي زمان عشان تخافي وتقلقي عليه بالشكل دا ، وبعدين ما انتي عارفة ان شغله خطر لو حتي قاعد في البيت برضو بيكون معرض للخطر ، يبقي ايه لازمة القلق و حرقة الاعصاب والتوتر ، كفياكي يا انيكا ، انتي خلاص هتتجنني من الرعب اللي معيشة نفسك فيه بسبب خوفك عليا وعلي العيال ، وبعدين روهان ومن قبله اومكارا قالوهالك الف مرة وانا كمان بقولهالك يا انيكا ، ابنك راجل مش عيل ، ابنك بقي مسئول يا انيكا ، اهدئ بقي وشيلي افكارك دي بقي من دماغك ...

لتدمع عيناها وهي تنظر له نظرة عتاب ...

انيكا : انت بتقول ايه ، بتحاسبني علي ايه ،علي حبي ليك وخوفي عليك ، والا علي حبي وخوفي علي ابني ، انا أم يا شيفاي وزوجة ، دي فطرة ربنا خلقنا بيها ، لو ماخوفناش واتوجعنا علي اللي بنحبهم وواللي هم حته مننا هنخاف علي مين ، واه انا عارفة ان ولادي رجالة وعارفة طبيعة شغلهم والخطر اللي بيكونوا معرضين له دايما لو نايمين في حضن مراتتهم...

لتبكي بقوة ...

انيكا : بس انا معذورة ، انا أم وخايفة علي ولادها واكتر حاجة بتخوفني وتخليني ابقي زي المجنونة زي ما انت قولت ، لما بفكر ان ممكن في يوم من الايام اتحرم من حد فيهم من غير ما اودعهم ...

شيفاي : ايه اللي بتقوليه دا بس يا انيكا ...

انيكا : بقولك الحقيقة ، بقولك اللي جوايا يا شيفاي ، انا ممكن اتحمل ان حد منكم يروح مني بس يكون قاعد جنبي ، اكون واخداه في حضني اودعه وابص في عينه ولو لاخر مرة....

ليشعر بتأنيب الضمير خاصتا لانه كان حادا في كلامه معها وعتابه لها ، فكيف لاي رجل بالعالم ان يقنع زوجة وأم بالا تخاف او تقلق علي زوجها وابنائها ...

نهض من مكانه واقترب منها ليجذبها اليه ، ليجلس ويجلسها في حضنه ...

شيفاي : انا اسف ، صدقيني ما كانش قصدي اوجعك ولا الومك انا بس خايف عليكي يا ملكة قلبي من التوتر وحرقة الدم وعايزك تهدي مش اكتر..

انيكا "بوجع ودموع" : عارف كل مرة بتخرج فيها انت والا الولاد ، قلبي بيتخطف معاكم ، شيفاي ، انا قلبي مش جامد زيكم ، انا قلبي ضعيف ، وبيضعف اكتر بيكم ، وعشان كدا دايما بدعي ربنا انه لو كاتبلي اشوف موت حد فيكم بطلب ان دا يحصل وهو في حضني وجنب قلبي ...