عشقي٢ ( MY LOVE 2)

الحلقة الثانية والتسعون

في احد المناطق الزراعية

كان يحاول ان يستشف مكانه عن طريق جهاز الجي بي اس الا انه تفاجئ به قد توقف عن العمل وبعدها توقفت السيارة ...

ليزفر بقوة ...

ارثر : دا ايه النحس دا يا ربي ، هو انا كنت ناقص ...

رفعت راسها ونظرت اليه ...

كارما : ايه خلاص هنموت ...

ارثر : لا ، البنزين خلص والعربية مش هتتحرك من هنا ...

كارما : يعني هنموت ، اه يا كارما ياللي لسة صغيرة علي الموت ، اه ياللي مش هتلحقي تشوفي ابوكي وامك واخواتك ولا حتي تودعيهم ، ااااااااه ...

ارثر "مقاطعا" : بس بس ، ايه المناحة اللي فتحتيها دي كلها ...

كارما : مش هنموت لازم انوح ، مش هم بيعملوا كدا ...

ارثر : تنوحي ، بقي بذمتك فيه دكتورة تقول انوح ، وبعدين هم مين دول اللي بيعملوا كدا ...

كارما : اللي بينوحوا ...

ارثر "ضاحكا" : وربنا انتي نكتة ، وبعدين هو انتي يا بنتي انتي معندكيش سيرة غير سيرة الموت ...

كارما : اومال عايزني اقول ايه واحنا بيضرب علينا نار ...

ارثر "بضيق" : ماتقوليش حاجة يا كارما ، انا غلطانلك ...

كارما : كويس انك اعترفت انك غلطان ، هتعمل ايه بقي دلوقت عشان تصلح غلطتك ...

ارثر "بمكر" : هعمل ايه يعني ، هتجوزك وامري لله ...

كارما "بصدمة" : تتجوزي ، ليه ...

ارثر : عشان اصلح غلطتي ...

وغمز لها ...

لتشهق بصوت عالي ...

ارثر : ايه ، فيه ايه ...

كارما : يعني ايه تتجوزني عشان تصلح غلطتك ، هو انا غلطت معاك ...

ارثر : يالهوي يا كراميلا باللوز انتي نسيتي والا ايه ...

كارما : نسيت ايه ...

ارثر : نسيتي الشيوكلاتة والبيبسي اللي جبتهوملك يا خانية ، نسيتي اننا نمنا في مكتبي مع بعض و ...

كارما "ببوادر بكاء" : بس ، انت كنت حاطتلي ايه وفين ، البيبسي والا الشوكولاتة ، انت ازاي تسمح لنفسك تعمل حاجة زي دي ، انت ...

ليقاطعها ...

ارثر : اكتمي انتي ايه ما بتفصليش ، بس عارفة انا ما كنتش متخيل انك هتصدقي بسرعة كدا ...

كارما : يعني انت كنت بتضحك عليا ...

ليضربها علي راسها بخفة مداعبا اياها ...

ارثر : طبعا ، يعني بذمتك انتي ، ابقي مستلمك من ابوكي بعد ما وعدته اني ارجعك زي ما اخدتك وبعدين اطلع عيل يعني...