عشقي٢ ( MY LOVE 2)

الحلقة السابعة والسبعون

علي اليخت

اجتمع الجميع علي اليخت "عشقي" فيما عدا اومشيف وميرا وروهان وميشتي ، تناولوا وجبة الغداء في اجواءمليئة بالمرح والضحك خاصتا مع تجمع الثلاثي ارثر وانيا وروفيا معا ، فهم تولوا مسئولية اضحاك الجميع من خلال نكاتهم وحركاتهم وحكاياتهم المضحكة والتي لم تنتهي ، بينما علي جانب اخر كانت غوري جالستا بجوار انيكا متفاديتا نظرات اومكارا اليها فهي ومنذ ان علمت بتلك العزومة وهي كانت رافضتا الحضور بشدة ولكن امام اصرار كلا من انيكا وبافيا اعدلت عن رائيها وحضرت العزومة ...

كانت تتابعها لتهمس لها ...

انيكا "بهمس" : مالك يا غوغو ، ساكتة ليه؟ ...

غوري : بعود نفسي علي الصمت ...

انيكا : ليه في حاجة حصلت ...

غوري "بتنهيدة" : فيه ان انا عرفت الحقيقة يا انيكا ...

انيكا : الحقيقة ، عرفتيها ازاي ...

غوري : اومكارا اللي قالي ...

انيكا : طب دي حاجة كويسة ...

غوري : كويسة ازاي ...

انيكا : ماهومعني انه قالك حقيقة اللي حصل وانه ما كانش بيخونك يبقي كدا هو هيسامح وهترجعوا لبعض تاني ...

غوري : يسامح ونرجع لبعض ، لسة زي مانتي يا انيكا ، طيبة ... اومكارا قالي الحقيقة وبعدها فاجئني بان حكايتنا خلاص خلصت لانه مش هيقدر يسامحني ولا هيقدر يعيش معايا تاني ...

انيكا : ايه ، يعني ايه حكايتكم خلصت ...

غوري : هيطلقني اول ما نرجع دلهي وبكدا يبقي انا ماليش حاجة هنا عشان اقعد هنا وعشانكدا انا قررت اول ما ارجع هحجز تذكرة لباريس وهرجع لحياتي اللي عيشتها هناك ...

انيكا : ايه اللي انتي بتقوليه دا ، عايزة تسافري وتسبيني يا غوري ...

غوري : غصب عني يا انيكا ...

انيكا : يعني ايه غصب عنك ، غوري انتي غلطتي وانتي من جواكي معترفة بغلطك لكن السفر مش حل ، انتي كدا هتحلي الغلط بغلط اكبر ...

غوري : هو مش عايزني يا انيكا ، افهمي بقي ...

انيكا : بس انتي عايزاه ، اومكارا دا حب حياتك وانتي لازم تحاربي عشان ترجعيه ليكي ...

غوري : عايزاني ارجعه ازاي ... بقولك رافضني ، مش قادر ينسي وجعه مني ...

انيكا : تقومي انتي مستسلمة ورافعة الراية البيضا ، لا يا غوري ، انتي لازم تعافري قصاده ، اعتذري مرة واتنين وعشرة ، مهما يحاول يبعدك ما تستسلميش وعافري عشان هو يستاهل انك تعافره عشانه ، هو له حق عليكي ...

غوري : وانا فين حقي عليه ...

انيكا : غوري حاولي تفهمي ، الكل مغلطك انتي وبيلومك علي قرارك المتهور اللي بسببه هديتي كيان اسرة ...