عشقي٢ ( MY LOVE 2)

الحلقة مائة واحدي عشر

منزل اومكارا

كان يجلس امامه منذ ان آتي والصمت هو السائد بينهما ...

اوم : ما هو انت مش مقعدني كل دا قصادك عشان تفضل قاعد ساكت ...

ارثر : ما انا لو اتكلمت هتزعل ...

اوم "مستغربا" : وانا ايه اللي يزعلني ...

ارثر : الهانم رفضتني ...

فتح عيناه بقوة ...

اوم : نعممممممممم ، رفضتك ...

ارثر : اه رفضتني ، طلعت وانا قاعد مع ابوها وقالتهالي في وشي ...

اوم "وهو يكتم ضحكته" : ورفضتك ليه ، اكيد فيه سبب ...

ارثر "بضيق" : حمارة بعيد عنك ...

اوم : طب يا ريت تلم لسانك اللي عايز قطعه دا وما تشتمهاش قصادي ...

ارثر : اعمل ايه خرجتني عن شعوري ونرفزتني بغبائها وعنادها ...

اوم : ماشي ، بس برضو هي رفضتك ليه ، وماتقوليش عشان حمارة والا غبية والا الكلام دا ، انا عايز اعرف السبب ...

ارثر : السبب دا حاجة تخصني انا وهي ومش هينفع اقولهولك ...

اوم : ومادام السبب حاجة بينك وبينها ، جايلي ليه ، جاي تقرفني وتوجعلي دماغي ، قوم يا ابن شيفاي امشي بدل ما احدفك من البلكونة ...

ارثر : ما تهدي انت كمان عليا ، مش كفاية اللي الغبية دي عملاه فيا ...

ريهان : هو مش بابا قالك ما تشتمش ، ليه مش بتسمع الكلام ...

التفتا اليه ...

ارثر : انت هنا من امتي ...

ليقترب منه وهو ينظر اليه بقوة وبغضب طفولي ...

ريهان : من ساعة ما طبيت علينا وقعدت تشتم في كراميلا ....

ليمسك به من ملابسه ويقربه منه ...

ارثر "وهو يجز علي اسنانه" : واد انت ، حسك عنيك اسمعك تقولها كراميلا دي تاني ، انت فاهم ...

ريهان "بتحدي" : لا هقول وانت مش هتعرف تعملي حاجة ...

لينظر الي اومكارا الذي كان يتابع المشهد الذي يحدث امامه وهو يضحك ...

ارثر : انت قاعد تضحك بدل ما تقوله عيب ...

اوم : واقوله عيب ليه والواد ما غلطش ، انت اللي معصب نفسك علي الفاضي ...

ارثر : طب اتفضل خليه يدخل اوضته عشان عايزك في موضوع ما ينفعش اقوله قدامه ...

ريهان : ليه موضوع للكبار فقط ...

اوم "ضاحكا" : ريهان حبيب بابا يلا ادخل نام عشان تعرف تقوم بدري عشان نروح المكان اللي قولتلك عليه ...