عشقي٢ ( MY LOVE 2)

الحلقة الثامنة والسبعون

خارج غرفة اومكيرا

ما ان خطت خارج الغرفة حتي اصطدمت بروهيت امامها ...

روهيت : كنتي بتعملي ايه في اوضة اخويا ...

توترت للحظات بعدها بدأت تبكي دموع التماسيح ...

مونيكا : كنت بقوله يبعد عني ...

روهيت : يبغد عنك ...

مونيكا : اه ، اومكارا طول الوقت بيبصلي بطريقة مش حلوة خالص وكل ما اروح مكان القيه ورايا وانا تعبت من عمايله دي ، تخيل لما اتاكد ان مفيش حد في البيت غيري انا وهو ، اخدني ودخلني اوضته غصب عني وقالي انه بيحبني بس انا ما سكتش ، بهدلته وعرفته مقامه ، اه ، وعرفته ان انا بعتبره اخ ليا وان انا بحبك انت وبس ...

روهيت "بصدمة" : اومكارا اخويا انا قالك كدا ...

مونيكا "بدموع التماسيح" : ايوة ، اومكارا اخوك قالي كل اللي قولتهولك دا ...

روهيت : اخويا انا يعمل مع خطيبة اخوه كدا ...

مونيكا : اخوك مش محترمك وعايز يخوض في شرفك ... مش انا ابقي شرفك برضو يا روهيت ...

روهيت : فعلا شرفي ...

ليقترب منها بهدوء بينما هي تبتسم بشر من داخلها فرحتا بانتصارها في جعل روهيت يصدق روايتها ...

لتتحول فرحتها الي صدمة ما ان تلقت صفعة قوية علي وجهها بيده ...

وضعت يدها علي خدها ونظرت اليه وعيناها تطلقان الشرر ...

مونيكا : انت ايه اللي عملته دا ، انت بتضربني انا ...

روهيت : انا ضربتك بالقلم علي وشك مع اني كنت عايز اضربك بالجزمة بس للاسف مش هقبل اوسخ جزمتي لما تلمس واحدة زيك ...

مونيكا : انت اتجننت ، انت المفروض تدخل تضرب اخوك ، تضربني انا ...

ليجذبها من شعرها بالقوة ...

روهيت : ايوة كدا ، اظهري علي حقيقتك ، بقي انتي يا بتاعة انت فاكرة انك لما تنزلي دمعتين وتألفي حكايتك القذرة دي انا هصدقك واروح اتخانق مع اخويا ، "ليشد علي خصلاتها التي بين يديه بقوة اكبر" ، اومكارا دا اخويا ، فاهمة يعني ايه اخويا ، اخويا الكبير المحترم ، تربية ابويا شيفاي اوبروي وعمي اومكارا اوبروي اللي عمر تربيتهم ما تكون بالاخلاق الزبالة دي ، اخويا اللي لما انا اتولدت وفتحت عيني كان هو اللي جنبي ، اول خطوة ليا كان هو اللي ماسك ايدي ، اخويا اللي لما كنت هقع كان اول واحد يمدلي ايده ويمسكني ، اخويا اللي اعرفه قبل ما اعرفك ، اخويا اللي كان عارف حقيقتك القذرة ومن حبه وخوفه عليا كان رافض ارتباطي بيكي ، اخويا اللي حذرني منك بس انا للاسف كنت غبي ومخدوع فيكي ومش شايفك علي حقيقتك ، حقيقتك القذرة ...