عشقي٢ ( MY LOVE 2)

الحلقة مائة وثمانية

مشفي هيليوس الالمانية

غرفة الرعاية المركزة

ما ان وصل الي غرفة الرعاية المركزة ، بدأت احدي الممرضات في تعقيمه ليلبس بعدها اللبس المعقم الخاص بالعاملين بالرعاية ...

شيفاي : انا مش عارف ايه لزمة كل دا ...

سيف : يا باشا ، الرعاية معقمة وما ينفعش انك تدخل فيها بلبسك العادي ، لان دا ممكن يكون مصدر تلوث والهانم حاليا ضعيفة ومناعتها في اضعف حالتها ، فاي فيروس او ميكروب ممكن يأذيها ودا احنا مش عايزينه ...

شيفاي : ماشي ، ممكن ادخلها بقي...

ليومئ له براسه ...

ليدخل شيفاي بهدوء وبداءبخطي متثاقلة يقترب منها ليجدها بالفعل في اضعف حالتها وعلي وجهها تظهر علامات الارهاق الشديد ...

شيفاي "وهو ينظر اليها" : مش عارف احزن والا افرح ، احزن لاني شايفك في الحالة اللي انتي فيها دي وانا عاجز مش قادر اعملك حاجة ، والا افرح لانك رجعتيلي بالسلامة وحبنا فاز علي القدر وعلي المرض ...

لينظر الي الاجهزة التي تم توصيلها عليها وهذا المحلول المركب في يدها ، ليغمض عيناه بألم وهو يجلس بجوارها ممسكا يدها بحنان ليقبلها لتخونه دموعه لتسقط علي يدها

شيفاي "باكيا": انا مش عارف ليه حظي معاندني ولتاني مرة اقعد القعدة دي قصادك وقلبي بيتقطع عليكي ، فاكرة لما لما داكش خطفك وشممك المخدر وكنتي هتروحي مني لما دخلت ولقيتك واقعة الدم بيخرج من راسك ، كنت شايفك قصاد عيني ودمك بيتصفي وانا واقف مشلول مش قادر انقذك ، والنهاردة اديني قاعد قصادك وجوايا نفس الاحساس ، احساس الحيرة والعجز ، انا صحيح عملت كل اللي اقدر عليه بس مش في ايديا حاجة تانية غير اني ادعيلك انك تفوقي وتعدي المرحلة دي...

ليصمت وهو ينظر اليها ما ان شعر بحركة ضعيفة منها الا انه وجدها كما هي ، ليتنهد ويكمل ...

شيفاي : انا حاسس ان الناس حاسدني عليكي ، صعبان عليهم يشوفوني سعيد معاك ، هعدي كام اختبار عشان يصدقوا اني بحبك ومش عايز غيرك ، انا ليه مبتلي في حبك بالشكل ده ، خلاص يا انيكا ، مرضك دا هدني وكسرني ، مابقتش قادر اكون بالقوة والتماسك زي زمان ، عارف انك هتزعلي لما تعرفي اللي قولته بس غصب عني ، مش قادر اكون قوي قصاد مرضك وضعفك ، صدقيني حاولت ، حاولت كتير وفشلت ، وحياتي عندك يا انيكا قاومي ، قاومي ضعفك دا وفوقي بسرعة ، فتحي عيونك و رجعي الحياة لقلبي تاني ، قلبي اللي دقاته سكتت ومش سامعلها صوت ، عافري علي قد ما تقدري يا انيكا ، ارجعيلي يا روحي ، الدنيا وحشة من غيرك ، الدقائق والساعات بتمر ببطئ رهيب وانتي غايبة عني ، انا بقيت حاسس ان الوقت بقي واقف ضدي وحالف يعذبني ويحسسني انك مش جنبي ...

ليدفن وجهه بين راحة يديه ليدعو ربه ان يمر الوقت سريعا ليرتاح قلبه ...

بعد مرور ساعتان