عشقي٢ ( MY LOVE 2)

الحلقة الستون

كولكاتا

كان الظلام يعم المنزل ، فجميع من به نيام ... كانوا يتجولون ببطئ شديد حتي اقتربوا من باب الغرفة التي يريدوها ... فتحا الباب ودخلا ...

وجداه ينام بجوار زوجته ، ابتسم بشر واشار لرجاله ليرفعا الكاشفات التي معهم ليسلطوها علي وجوههم ...

شعر بالضوء يضرب عيناه ... فتح عيناه وحاول تجنب الضوء المسلط عليه حتي استطاع ان يصل بيده الي مفتاح النور الذي بجانبه ليضئ الغرفة ليفتح عيناه علي وسعهما ما ان راءه امامه ...

كان يحاول ان يتكلم ولكن نظرة احد الرجال الي زوجته التي تنام بجواره جعلته ينتبه ويحاول ان يدثرها لتنتبه وتفيق وما ان فتحت عيناها ووجدت هؤلاء الرجال امامها انتفضت من مكانها وصرخت وهي تجذب الغطاء علي جسدها لتداري به نفسها من اعينهم ...

احمد "بغضب": ايه الجنان دا ، انت ازاي تتجرأ وتدخلي بيتي وكمان اوضة نومي بالشكل دا ...

كانت عيناه مسلطة علي تلك التي تجلس بجواره ...

داكش"باستفزاز" : هو من ناحية الجرأة فانت اكتر واحد عارفني وعارف اني جرئي وما بخافش من حاجة والا نسيت يا ابو حميد ...

احمد : لا ما نسيتش ... بس برضو البيوت ليها حرمة ...

داكش : مش عندي ... انا ادخل المكان اللي انا عايزه وبالطريقة اللي انا عايزها ...

لاحظ نظراته لزوجته ...

احمد : صحيح هنتظر ايه من واحد مجرم زيك ... خليك معايا انا وقولي عايز مني ايه ...

داكش : اللي انا عايزه انت عارفه ...

احمد : واللي انت عايزه مش موجود هنا ...

داكش : ليه ... وديتها فين ...

احمد : عند حبيبك ... شيفاي اوبروي ...

فتح عيناه بقوة ...

داكش : بتقول مين ...

احمد : معقولة تكون نسيته والا نسيت اللي عمله فيك زمان ...

داكش "صارخا" : لا ما نسيتش ... انا فاكر كل حاجة وهعرف اخد حقي منكم كلكم ...

احمد : اديك عرفت مكانها تقدر تمشي زي ما جيت ...

داكش : انا فعلا همشي بس مش قبل ما اعاقبك ...

احمد : تعاقبني ... ليه ... عشان حمتها منك ومن اللي هتعمله فيها ...

داكش : عارف يا احمد ، انت عملت زى ما جدها عمل زمان ... لما اخد انيكا وراح لشيفاي اوبروي وجوزهاله وهو برضو فكر زيك كدا ان انا مش هقدر اوصلها وانت اكيد فاكر ان انا وصلت لانيكا وخطفتها ...

احمد : اه انت خطفتها بس بعدها بنص ساعة شيفاي كان فوق راسك واخدك انت وابوك وحبسكم شهور منتظرين رحمته عليكم ...