عشقي٢ ( MY LOVE 2)

الحلقة التاسعة والتسعون

مكتب ليزا

كانت تنظر اليها مستغربتا تواجدها في مكتبها ...

انيكا "باسمتا" : طبعا مستغربة وجودي هنا ...

ليزا : قولتي انك عايزة تتكلمي وانا قولتلك مش عايزة يبقي مالوش لازمة وجودك ...

انيكا : بس انا شايفة انه له لازمة ...

ليزا : ليه ...

انيكا : عشان انا جيت لحد هنا عشان اعتذر ...

ليزا : تعتذري ...

انيكا : ايوة ، اعتذر بالنيابة عن ابني ...

ليزا : ابنك ، ابنك دا انسان مش محترم وشكله كدا مالاقاش اللي يربيه ...

انيكا : عارفة ، انتي المفروض تحمدي ربك ان انا اللي قاعدة قصادك ومش حد تاني ، وان انا اللي سمعت كلامك واهانتك لابني ومع اني اقدر ارد عليكي وبنفس طريقتك لكن انا مش هعمل كدا ، عارفة ليه ، عشان انا عذراكي ، انتي اكيد زعلتي من روهان ابني بسبب الكلام اللي قالهولك ، بس هو كمان معذور ، روهان ما كانش في وعيه بسبب قلقه وخوفه علي مراته ، وعشان كدا اتعصب عليكي ...

ليزا "بسخرية" : مين دا اللي قلقان وخايف علي مراته ، انتي اكيد بيتهيئلك ...

انيكا "مستغربتا" : انا مش فاهمة انتي ليه بتتكلم كدا ، انتي تعرفي روهان ابني قبل كدا ...

ليزا "بعصبية" : لا طبعا ما اعرفهوش وما يشرفنيش اني اعرفه ...

انيكا : اومال ليه بتستهزئي من خوفه علي مراته ...

ليزا "بعصبية" : عشان هو راجل ، وزيه زي اي راجل ، هيكون ايه غير كداب ومنافق ومخادع و ...

انيكا "بصدمة" : علي فكرة انتي واخدة فكرة غلط عن الرجالة ، صوابعك مش زي بعضها يا دكتورة ، وزي ما في راجل وحش فيه رجالة كتير كويسين وولاد حلال ويعرفوا يصون الست اللي معاهم كويس اوي ، بالضبط زي ما فيه ستات مش كويسة وفيه برضو ستات كويسة ومحترمة وتعرف ازاي تصون بيتها وجوزها ...

ليزا : يمكن يكون كلامك صح لكن انا متاكدة من اللي بقوله ، مفيش راجل وفي ، وكل الرجالة زي بعض ، خاينين ومخادعين...

انيكا : بس انا كلامي صح لان انا بتكلم بناءا عن تجربة شخصية ، انا اتعاملت مع النوعين الوحش والكويس ومش معني انك حبيتي انسان وانخدعني فيه وانه طلع مش كويس انك تحكمي علي الرجالة كلها انهم مش كويسين ...

ليزا : حبيت ، انا الحمد لله لا حبيت ولا ناوية احب ، انا بسيبهم يحبوني لكن انا قافلة قلبي ومش ناوية افتحه ...

انيكا : وما دام ما حبتيش ولا خوضتي اي تجربة يبقي بتتكلمي علي اي اساس...

وعلي غير عادتها وجدت نفسها تخرج ما بقلبها وهذا مالم تفعله حتي مع خالتها ...