عشقي٢ ( MY LOVE 2)

الحلقة الحادية والسبعون

منزل اومكارا

ايريكا "بحدة" : انتي ازاي تزقيني وتدخلي كدا من غير اذن ...

غوري "وعيناها علي اومكارا" : انا ادخل براحتي ...

ايريكا "بغضب" : براحتك ، ليه ، تطلعي مين انتي عشان تدخلي بيوت الناس من غير اذنهم بالشكل الوقح دا ...

نظرت اليها باشمئزاز واتجهت لتجلس امامه ...

غوري "ببرود" : ما ترد وتقول للهانم انا ابقي مين ...

نظر اليها ببرود والتفت الي ايريكا ...

اوم "ببرود" : ايريكا ، سيبك منها ، دي قريبتي المجنونة ...

لتفتح عيناها بصدمة ، فكيف له ان يخبر تلك المرأة المجهولة بالنسبة لها انها قريبته وليست زوجته ...

تنهدت بقوة ...

غوري : طب ما تكمل التعريف وتعرفني علي الامورة اللي بتتعامل كأن البيت بيتها ...

ليشير الي ايريكا كي تجلس بجواره ...

وعلي الرغم من تفاجئها بما فعل الا انها اتجهت وجلست بجواره ... لتتفاجئ بذراعه التي وضعت علي كتفها ...

اوم "بابتسامة" : اعرفك ، ايريكا صديقتي وقريب اوي هتكون خطيبتي ...

لتفتح عيناها بقوة ...

بينما ايريكا التي لم تكن اقل من غوري صدمة مما قال ، مالت عليه وهمست ...

ايريكا "هامستا" : ايه اللي انت قولته دا ...

اوم "هامسا وعيناه علي غوري" : اسكتي دلوقت وهفهمك بعدين ...

ايريكا "هامستا" : ماشي ...

وقبل ان تكمل وجدت من يمسكها من معصم يدها ويجذبها بعيدا عن عنه ...

التفتا ليجدا غوري ...

غوري "بعصبية" : قومي من جنبه واياك تلزقي فيه تاني ...

وقف بدوره وابعد يد غوري عنها ...

اوم "ببرود" : انتي اللي تبعدي عنها واياكي تقربلها تاني ...

نظرت اليها بغضب ثم التفتت الي ايريكا ...

غوري "بعصبية" : اسمعي انتي تخفي من وشي دلوقت حالا بدل ما اصور قتيل ...

ايريكا "برقة" : ايه الطريقة اللي بتتكلمي بيها دي ... بلدي اوي ...

غوري "صارختا" : قولها تمشي بدل ما اخرجها من هنا بطريقتي ...

اوم "ببرود ويده ممسكتا بيد ايريكا" : وتمشي ليه ، دا بيتها ...

فتحت عيناها بقوة ...

غوري : بيتها ...

اوم "ببرود" : اه بيتها ومن حقها تقعد فيه زي ما هي عايزة وانتي لو عايزة تتكلمي في اي حاجة اتفضلي اتكلمي لان انا ما بخبيش حاجة علي ايريكا واحنا الاتنين كتاب مفتوح لبعض ...