عشقي٢ ( MY LOVE 2)

الحلقة الثانية والثمانون

منزل رودرا

رودرا : مالك يا بافيا ، مش علي بعضك ليه ...

بافيا : قلبي مقبوض يا رودرا ...

رودرا : ليه ...

بافيا : غوري اتاخرت اوي ، وانا قلقانة عليها .. .

ليخرج هاتفه ليجري اتصاله علي الشخص الذي كلفه بمراقبة غوري ...

بافيا : ايه ...

رودرا : المخبر اللي انا مكلفه يراقبها مش بيرد عليا ...

بافيا : لا كدا الحكاية ما تطمنش ابدا ...

اوم : اختك فين ...

رودرا : مش عارف ...

بافيا : رودرا حاطت واحد يراقبها وبيتصل عليه ما بيردش ...

لتتشبث ميشتي بذراع والدها بقوة ...

ميشتي : اكيد مامي جرالها حاجة ...

اوم : اهدي يا ميشتي ، وانت اتصل بالراجل بتاعك تاني ...

ليجري الاتصال مرة اخري ولكن هذه المرة وجد من يجيب عليه ...

رودرا : انت فين يا زفت انت وفين مدام غوري ...

الشخص : انا مش صاحب التليفون ...

رودرا : اومال انت مين ...

الشخص : انا جار مدام غوري وانا دلوقتي ماشي وراها ...

رودرا : ماشي وراها ليه ...

الشخص : فيه واحد طلع شقتها خدرها واخدها علي عربيته وكمان خدر الاستاذ صاحب التليفون وانا ماشي وراه لانها معاه دلوقت في العربية ...

رودرا "بذعر" : ايههههههههههه ...

لينتبه الجميع ...

شيفاي : فيه ايه يا رودرا ...

اوم : اصبروا بس لما يخلص ونفهم ...

رودرا : اسمع ، انت خليك معايا علي التليفون وتبلغني بالشوارع اللي بيمشي فيها ...

الشخص : انا وراه ومش هسيبه ...

ميشتي : خالو ، مامي حصلها ايه ...

اوم : ما تنطق وتقول فيه ايه ...

رودرا : غوري اتخطفت ...

لترتسم معالم الصدمة علي وجه الجميع ...

اوم : اتخطفت ازاي والزفت اللي انت حاطه يراقبها كان فين ...

رودرا : المجرم خدره قبل ما يطلعلها ...

اوم : خدره ، هو ايه اللي حصل لرجالة الداخلية ، بقيتوا ورق ...

شيفاي : اومكارا مش وقته الكلام دا ، المهم دلوقتي غوري ...

اومشيف : انا شايف اننا لازم نتحرك دلوقت ، اسأل الراجل اللي وراهم دا هم دلوقتي فين ...