عشقي٢ ( MY LOVE 2)

الحلقة الخامسة والستون

منزل شيفاي

غرفة روهيت

لم يغمض لها جفن فكيف لها ان تنام وهي تعلم ان شقيقها غضبان منها ... لم تأكل او تشرب شئ وعزمت امرها ان تذهب اليه حتي تنهي هذا الخلاف ...

وصلت امام باب غرفته ودقت بخفة ...

كان يجلس يطالع احد الملفات عندما سمع تلك الدقات ليتأكد انها هي ، اخته الصغيرة ... تنهد ...

روهيت : ادخل ...

فتحت الباب ووقفت علي عتبته ...

انيا : ممكن ادخل ...

روهيت : ما انا قولتلك ادخلي ...

اغلقت الباب واقتربت منه ...

انيا : ممكن اتكلم معاك ...

روهيت "بضيق" : لا ...

انيا : ليه ...

روهيت : ورايا محاضرات الصبح بدري ولازم انام ...

لتتجمع دموعها في عيناها لتكافح حتي لا يعلنوا عن انفسهم ...

انيا "بإحراج" : اسفة اني ازعجتك ...عن اذنك ...

واتجهت حتي تخرج ...

شعر بمدي سخافته وضغطته عليها ولمح دموعها ليوقفها ...

روهيت : أستنى ...

وقفت مكانها ولكنها ابت ان تلتفت اليه حتي لا يري دموعها ...

روهيت : تعالي قوليلي كنتي عايزة تتكلمي في ايه ...

وهي علي نفس وضعها ...

انيا : جيت عشان اعتذرلك ...

اقترب منها ووقف خلفها ...

روهيت : مش عايزة تبصيلي ليه ...

انيا : عشان ... عشان ...

لتدير نفسها بسرعة وترمي بنفسها في حضنه وتنهمر في البكاء ...

مسح علي راسها وقبلها ...

روهيت : طب اهدئ طيب ... انيا كفاية عياط ...

ليخرج صوتها من بين شهقاتها ...

انيا : انا ...انا اسفة ...

ابتسم علي اخته الصغيرة والتي مهما كبرت لازالت طفلة ...

اخذها واتجه الي سريره ليجلس ويجلسها امامه بعد ان ابعدها عن حضنه وامسك باحد المناديل وبدأ في مسح دموعها ...

روهيت : هديتي ...

انيا : اه ...

روهيت : طب انتي جاية تعتذري هنا في اوضتي بيني وبينك والصبح اتحديتيني قصاد المدرج كله ...

انيا : هو انت ليه واخد الموضوع ان انا كنت بتحداك ، انا فعلا كنت بدافع عن صاحبتي وعشان تبقي عارف الموقف دا لوكان مع اي دكتور والا معيد غيرك كنت برضو هقف معاها وادافع عنها يعني انا مش عملت كدا عشان انت اخويا لا انا وقفت مع الحق ...