الساعة 12 ظهر… ابراهيم اتصل علي ريم… وريم كانت جاهزة طلعت الشارع لقت ابراهيم ومعاهو ودحسين… سلمت عليهم وركبت معاهم مشو بيت دانة…
وصلو هناك ..دخلو سلمو علي الحضور… طبعا كلهن قونات ومعاهم 3 من الجماعة الطيبين…
ريم لمن سلمت علي القونات… في واحدات سلمو عليها بي طرف اصابعينهم زي ال ما طايقنها ويعاينو ليها ب اشمئزاز كدا….خصوصا في قونة قبل كدا ريم اشتغلت معاها حفلة وعلاقتهم كانت كويسة… لكن الليلة بتعاين ليها من فرق ل تحت…ريم استغربت لكن ما اخدت الموضوع ب اهمية وقالت يمكن دي جاية من بيتهم زعلانة…ما علينا….
دانة بعد اتأكدت انو الجماعة كلهم موجودين ..الي هم كل القونات المشتركات في الصندوق ومعاهم ابراهيم و ودحسين و ريم طبعا ضيفة …
دانة قالت لي واحد من الجماعة الطيبين : اقفل الباب يا لولو وتعال جيبو المشاريب…
لولو ب مياعة : حاااضر يا ستو…
لولو مشى قفل الباب ونادى معاهو واحد تاني… دخلو المطبخ وجابو ليهم طبق كبير وختوهو في النص…
الطبق فيهو قفف صغيرة "جمع قفة " واي قفة مليانة حاجة… يعني حاجات القعدة بتاعت الجبنات دي ... تسالي وفول مدمس وفول حجات ال بي قشرو وبلح ونبق وقنقليز ولالوب وحلاوة بقر وفشار و و…
وتاني رجعو المطبخ وجابو 3 حفاظات مليانة عصاير مختلفة….و ملو الكبابي ووزعوها…
وطبعا طربيزة الجبنة اساسية لمن فيها لمبات بتولع احمر واخضر واصفر… و البخور ما يديك الدرب… والشيش مدروة والقونات ينفخن سااااي ويتونسن ويضحكن…
القونة الشايلاها مع ريم… قاعدة تلف ليها في سجارة وتحدر لي ريم زي العندها معاها مشكلة…
قامت قالت للقونة الجنبها بتشرب ليها في شيشة : هاكي ولعي لي دي…
القونة التانية : بري يختي نحن ناس شيشة ساااي…
قالت ليها : قلت ليكي ولعيها ما اشربيها…
القونة : شوفي هيما ولا حسونة يولعوها ليكي…
القونة طوالي قامت وجات قعدت في يد الكرسي بين ابراهيم وريم… ومدت السجارة قالت ل ابراهيم : ولع يا هيما…
ابراهيم شال السجارة وولعها واخد ليهو كم نفس…ومداها للقونة….
القونة جرت نفس من السجارة ونفخت الدخان في ريم وقالت ليها : كيفك ياااا غزالة ؟؟؟….
ريم اتضايقت منها وما ردت عليها…
القونة : قالو امبارح كنتي شغالة للجمك…وعلمتي ليهو تقيلة… يا ما كتاااار كانو تقال وهسي بقو وزن الريشة…هههههاااي.....
ابراهيم شاف القونة بدت تطشم وتجيب خارجية ف قال ليها : قومي قومي الجبنة جاهزة امشي جيبيها لينا…
و يا ريت لو ما قال ليها كدا….
القونة رجعت ل ابراهيم السجارة وابراهيم بقى ينفخ ويمد ل ودحسين…
والقونة قامت من مكانها ومشت لي لولو وسوست ليهو في اضانو واتأخرت شوية وجات شايلة الصينية فيها تلاتة فنجان…وشالت فنجان ادتو ل رشا وقالت ليها ب ابتسامة خبيثة : دي جبنة خاصة عشانك انتي حبيبة …
ريم ببراءة شالت الفنجان وشربت الجبنة…والقونة واقفة تعاين ليها… وتاني جابت ليها فنجان تاني وريم شربتو… والقونة تتبسم سااااي…
شوية كدا وريم عيونها بدت تزغلل وتشوف طشاش طشاش…وحست ب انتعاش وجسمها بااارد…
ريم مسكت يد ابراهيم وقالت ليهو : ابراهيم…
ابراهيم عاين لي ريم لقاها مبتسمة وبتعاين ليهو ف قال ليها : اااي…
ريم : ابراهيم…هههههه…
ابراهيم حسب السطلة ضحك معاها : هههه مالك ؟؟؟…
ريم ختت يدها في خشمها وبقت تضحك….شكلها خرجت من التغطية…
ابراهيم عرف انو الجبنة رمو فيها حاجة لانو هو زاتو اتوزن… بس هو متعود علي الوزنة وما جديد علي الجبنة ال برمو فيها حبة خرشة ولا اي حبة تاني…ف قال ليها : انتي شكلك اتوزنتي يا بت قومي ارح…
ريم : لا لا ما ماشة… .هههه… انا لسة ما شفتا الدهب… امشي كيف ؟؟؟… هههه…
القونة كانت بتعاين لي ريم وشالت ليها شيشة وجات تاني قعدت في يد الكرسي بين ابراهيم وربم…ومدت ل ريم الشيشة…
ابراهيم قال ليها : لا لا ما تديها… ما قاعدة تشرب شيشة…
ريم وهي بتضحك : ههه.... الليلة بس عايزة اشرب واجرب طعمها كيف….
ومسكت الشيشة من القونة وجرت ليها نفس وبقت تكح : كح كح كح ....واااي حلقي ولع نار. ..
القونة : اشربي شوية شوية عشان تطفيها…
ريم بقت تجر وتكح ولسة مصرة تجر في الشيشة…
والقونة بتقول ليها : ايوة اشربي حبيبة ماشة كويس…
وطبعا الحجر مخلوط معسل بي بنقو… و ريم شربت وجسمها اتخدر ولقت الشغلة سمحة وشغالة تجر… لحد خلاااص راسها بقى تقيل واتكت في القونة… القونة زحت منها وختت ليها راسها في يد الكرسي وقالت ليها ف اضانها : كدا دخلتي معانا في الكار يا حلوة…
وقامت شالت الشيشة ومشت قعدت مع القونات ويضحكن في ريم…
ريم تتبسم وتقول : ابراهيم…هههه… ابراهيم… امسك الكرسي دا لافي بي… امسك الكرسي يا ابراهيم ما يقوم يقع بي…
ابراهيم عرف انو لو قعدو اكتر من كدا ريم ح تشرب زيادة وممكن تفقد الوعي وبعدين يدخل في مشكلة ....
ف قام ومسك ريم من يدها وقومها سندها في كتفو وقال ل ودحسين : قوم يا مان خلينا نتخارج…الجاحة دي ح تجيب لينا مصيبة…
ودحسين مشى قدامو فتح الباب وابراهيم ساند ريم وركبها في العربية بي ورا وقفل الباب عايز يجي يركب قدام جنب ود حسين…
ودحسين قال ليهو : خليك مع السانة ورا ياجاح… الشغل تااااامي عز نفسك…
ابراهيم اتردد شوية وحسب السطلة بتاعتو عاين لي ريم كدااا… شافها بتضحك براها وجسمها ما شايلها وهي خارج الشبكة والشيطان وسوس ليهو… رجع ركب معاها ورا…
ودحسين اتحرك وعاين للمراية وقال لي ابراهيم : يا جاح عز نفسك… فرصة زي دي ما بتتلقي كل يوم….
و…
####
في مكان تاني….
مجاهد اليوم داك كان شايل هم انو زينب تكلم ليهو معاوية وكدا ح يتحرج معاهو ومنظرو ح يكون جبان قدامو…
ف كان حذر جدا وذاكر لي نسيبة ومازن بكل احترام وهو بالو بعيد وكل شوية يعاين لي برا في الحوش ومترقب معاوية في اي لحظة يدخل يشاكلو…
لكن معاوية جا من حوش زينب و رقد في سريرو وانشغل بي تلفونو….واليوم عدى علي خير…
اليوم التاني كان جمعة… ومعاوية من الصباح قال لي مجاهد ارح معاي السوق…
يلا مشو السوق ومعاوية اشترى اغراض البيت من خضار ونحوه واشترى حافظة موية ورجعو البيت….
طبعا معاوية كان بتكلم ويتونس مع مجاهد عادي زي ال مافي حاجة… وهو اصلا بقول في نفسو مجاهد زول كويس ومحترم… والحافظة هو جايبها عشان زينب تاخد راحتها في البيت وتاني ما تتكلم عن مجاهد….
المهم وصلو البيت ومعاوية مشى التلاجة ملأ الحافظة موية باردة وقال لي مجاهد : الحافظة دي انا جايبها ليك عشان تكون قريبة منك لو عطشتا ولا حاجة…لانو الحافظة ال بهناك ريحتها محلبية محلبية… ياخ زينب دي عجيبة خلاص…
معاوية قال الكلام دا ل مجاهد عشان ما يتحسس ولا يقول ما عايزينو يمشي ب هناك… واصلا دا المقصود…
اها يومين تلاتة… والوضع هادي ومجاهد كان محترم نفسو وما بمشي حوش زينب لانو تاني ما عندو حجة يمشي بيها الحوش التاني…
و مجرد ما يرجع من الجامعة بكون قاعد في غرفتو لحد ما معاوية يرجع من الشغل يتغدى معاهو ...
والبرنامج من بعد المغرب بكون مذاكرة… يلا هو بعمل نفسو قاعد يذاكر وبفتح الكتاب وبخت تلفونو في نص الكتاب ويقعد يشاهد….ومرات بذاكر لي نسيبة ومازن…
يلا امتحانات نسيبة ومازن خلاص قربت وبدو يكثفو المذاكرة…
بيمشو ل زينب عشان تراجع ليهم… لكن زينب بكون عندها مسلسلات ما حضرتها بالنهار لانو الكهرباء كانت قاطعة… ف بتقول ليهم : امشو ل ابوكم بهناك يراجع ليكم…
ف بتطردهم عشان ما يعملو ليها ازعاج وتقعد تحضر مسلسلاتها ب مزاج…
ومعاوية كمان لمن نسيبة ومازن يجوهو… بينهرهم ويطردهم ويقول ليهم امشو ل مجاهد خلي يراجع ليكم…
ومجاهد بقعد معاهم في البرندة يراجع ليهم ومعاوية بمشي بهناك ل زينب يتونس معاها ويحضر معاها المسلسل ويرجع ينوم طوالي في سريرو…
اها مجاهد بعد ما عرف انو الوضع مطمن ومعاوية وزينب ما اتكلمو معاهو… رجع تاني ل افكارو الشيطانية…ولمن الجو يكون هادي ومعاوية بهناك مع زينب او لمن معاوية يرجع ينوم ومجاهد يسمعو بيشخر…
مجاهد طوالي برجع لي حركاتو الشيطانية ويقعد يمزح مع نسيبة… وفي الحقيقة هو بتحرش بيها…
والمشكلة كل يوم مجاهد بيزيد ويتمادى في التحرش…
لحدي ما يوم الشيطان وسوس ليهو … و…
اهااااا… .
####
في مكان تاني…
رشا شالت العصير من بكري ولمحت عزالدين شافتو صاري وشو وقاعد يحمر ليها…
عملت نفسها كأنها ما شافتو وشربت من عصير بكري وضربتو في كتفو ب حنية وقال ليهو ب دلع : اخص عليك يا بيكو ليه ما قلت لي عصير الموز باللبن احلى من عصير البرتقال ؟؟؟…
بكري ب هبالة : انتي براكي قلتي عايزة برتقال…
رشا بدلع : خلاص تاني كل مرة جيب لي معاك عصير موز باللبن….
بكري : حااااضر ولا يهمك….
طبعا عزالدين نسى موضوع نسرين ونسى نضال القاعدة معاهو وقعد يعاين لي رشا وبكري ويتنفس جاز جاز…
ورشا لاحظت ليهو منتبه معاهم و ما قاعد يتونس مع نضال… ف طلعت كيس الشوكولاثة من شنطتها وطلعت اتنين ادتهم ل عزالدين ونضال وقالت ل عزالدين : امسك طعم خشمك… .
وطلعت شوكولاتين وادتهم ل بكري وقالت ليهو : انت شيل وحدة وافتح لي وحدة…
بكري فتح ليها الشوكولاتة واداها ليها ..رشا قالت ليهو : مرسي يا بيكو…
ولمحت عزالدين لقتو محنبك عايز يطق…
ف قالت لي بكري : بيكو عندك ليدو في تلفونك ؟؟؟…
بكري : لا لا ما عندي… لكن لو عايزة هسي بنزلو ليكي…
رشا : اااي عليك الله نزلو خلينا نلعب… اصلا مافي موضوع…
بكري نزل الليدو ب سرعة خيالية وزمن قياسي…سرعة زي دي زاتو في شبكتنا مافي…يعني في اقل من دقيقة فتح ليها الليدو وقال ليها امسكي التلفون…
رشا : لا لا ختو في رجلك هنا خلينا نلعب…
وبقو يلعبو الاتنين…
رشا طلعت كلابها "كلاب الليدو " وبقت تكتل كلاب بكري وتمشي تجح… لكن بكري ما بكتل كلاب رشا… لحدي ما باقي لي رشا كلب واحد وبكري كلابو ما حجج فيهم ولا واحد… وكلب رشا قاعد في راس بيتها وعايز يدخل يحج… وبكري لعب وجاب عدد قدر البكتل كلب رشا….وعاين ليها وابتسم عايز يلمس الكلب البكتلها…
رشا بقت تضرب بكري بي دلع وقالت ليهو ب صوت حنييييين : واااااااااي… عليك الله يا بيكو ما تكتلني ..عليك الله ما تكلني…
ياخ قالت الكلام دا بطريقة حنينة حنينة حنيييييينة… وانا متأكد لو هي محكومة اعدام وقالت الكلام دا للزول العايز ينفذ فيها الاعدام ح يخليها وحيكتل نفسو بدلها…
بكري رقد دكوة لمن جسمو نمل… ف خلاها ولعب ب كلب تاني…
رشا لعبت وحجت وبقت تصفق فرحانة وقالت ل بكري : وييييي غلبتك وييي غلبك… يلا ح تجيب لي شنو ؟؟؟…
بكري : انتي تطلبي العايزاهو…
رشا : يلا تعال قوم معاي…
رشا مسكت بكري من يدو وقامو عايزين يمشو الكفتريا…
عزالدين خلاص بقى يتنفس شرار شرار وما قدر يتحمل اكتر من كدا… ووقف علي حيلو وكورك لي رشا : رشااا…
…
..
.
في رعاية الله…
.
..
…
بعد دا ح ندخل في الاحداث مباشرة ونعرف الحصل شنو للكل…
..
.
يتبع
