Unicode
ညကတစ်ယောက်တည်းအိပ်စက်ခဲ့ရလို့လားမသိ။အိပ်ပျော်တစ်ဝက် မပျော်တစ်ဝက်နဲ့ ဟိုလှည့် ဒီလှည့်ပါပဲ။အဲ့လို အချိန်မှာ ကြားရတဲ့ အသံကတော့ ထန်ကုန်းကုန်းရဲ့ ခေါ်သံပါပဲ။
"ဒေါက်.....ဒေါက်.....ရှောင်းသခင်လေး။နိုးပြီလားမသိဘူး။"
"အင်းထန်ကုန်းကုန်းဝင်ခဲ့လေ။"
"ဒီနေ့မှာဝမ်ဘုရင်မင်းမြတ်ကကြင်ယာတော်နဲ့လက်ဆက်မယ်နေ့ပါ။နေရာက ဒီနန်းတော်မှာလုပ်မှာမဟုတ်ပဲ သူသွားနေကျ ဂူပိတ်လေ့ကျင့်နေကျ နေရာမှာပဲ စီစဥ်ထားတာ။ သူက သွားနှင့်နေပါပြီ။ခုမနက်ထဲက တရားထိုင်နေမှာ။ ခုသခင်လေးကို အကူညီတောင်းရမှာက ဒီဆေးဗူးကျန်ခဲ့လို့ပါ။ နောက်ရက်တွေ ဆက်သောက်ရမှာကိုခုမပါသွားတော့ ရိုးရိုး မြင်းနဲ့ဆို ရက်က ကြာသွားမှာ။ဘုရင်မင်းမြတ်မြင်းဖြူနဲ့မှအမြန်ရောက်ပြီးအချိန်မှီရောက်အောင် သခင်လေးမြင်းဖြူနဲ့သွားပို့ပေးပါလား။ မြင်းဖြူက ဘုရင်မင်းမြတ်ကို ပို့ပြီးတာနဲ့ နန်းတော်ထဲ ပြန်ရောက်နေပါပြီ။သူ့နားကပ်ရဲတာဆိုလို့ သခင်လေးတစ်ယောက်တည်းရှိလို့။ ကူညီပါ သခင်လေးရယ်။"
"အော်သူရွေးထားပြီးပြီပေါ့။ကြင်ယာတော်နဲ့ နေမယ်ဆိုတာ။ ကောင်းပါတယ်။ ကောင်းပြီ။ခဏစောင့်။ကျွန်တော်အဲ့ကို သွားပြီးပေးပေးပါ့မယ်ဟုတ်ပြီလား"
"ကျေးဇူးတင်ပါတယ် သခင်လေး"
ငါမင်း သူများနဲ့မနေခင် တစ်ခါလောက်တော့တွေ့ချင်ပါသေးတယ်။ငါမင်းဆီလာခဲ့မယ်ရိပေါ်။
.............
တောတောင်ထဲရောက်ချိန်မှာတော့ ညနေခင်းအချိန်လောက်ကို ဖြစ်သွားမိတယ်။ ဒါတောင် မြင်းပျံနဲ့လာတာမို့လို့။အရင်တစ်ခေါက် သူတို့နန်းတော်ပြန်တုန်းကတောင်မှ၂ရက် ၃ရက်ကို ဒုန်းစိုင်းပြေးကြရတာလေ။ ခုတော့နည်းနည်းတော့မြန်သွားတာပေါ့။တမင်သက်သက်ကိုဒီလိုချိန်ရောက်အောင်လာသလားတော့ ထင်ရတယ်။သူရောက်သွားချိန်မြင်ရတဲ့ မြင်ကွင်းတွေက ရှင်းလင်းလို့နေတယ်။ ထန်ကုန်းကုန်းက ပြောပါတယ်။မင်းကြီးက ကြင်ယာတော်နဲ့ လွတ်လွတ် လပ်လပ်နေချင်လို့ ဘယ်သူမှကို မလာခိုင်းရဘူးလို့ ပြောထားတယ်တဲ့။ ရှောင်းသခင်လေးတောင်ဆေးမေ့ကျန်ခဲ့မိလို့ လိုက်ပေးခိုင်းမိတာကို သိများသိရင်အဆူခံရအုံးမလားမသိဘူးတဲ့။ဆူကြည့်ပါလား ဟွန့်။ဘာပဲဖြစ်ဖြစ်အရင် ဘေးပတ်ဝန်းကျင်ကို လိုက်ရှာမိတယ်။အခိုင်းအစေတို့ တပည့်တလေမှ မရှိဘူးဆိုရင်တောင်မှ သူ့ရွေးထားခဲ့တဲ့ကြင်ယာတော်ချောချောတော့ရှိမှာပေါ့နော်။ဟေ့ တစ်မျိုးမတွေးကြနဲ့နော်။ငါကြင်ယာတော်ကိုတွေ့ချင်လို့မဟုတ်ဘူး။ဝမ်ရိပေါ်ကို သွားပေးရမှာ မျက်နှာပူလို့။ဘေးပတ်ပတ်လည် လိုက်ရှာပေမယ့် လူရိပ် တစ်ရိပ်တောင်ကိုမှ မတွေ့မိသလို အသံတစ်သံမှ မကြားရပေ။ ဒီလိုဆို အထဲဝင်ပေးရမှာလား။ဒီလိုကျတော့လည်း နည်းနည်းလေးတော့တွေဝေမိပြန်နေတယ်။အခပ်မသင့်ရင်သူများသာယာနေချိန်မှာ ဝင်နှောင့်ယှက်မိမှာလည်း ဆိုးမိတယ်လေ။ အဲ့လိုမှ မဟုတ်လို့အော်ခေါ်ဝင်ဖို့ကြတော့လည်းအကယ်၍ရိပေါ် ကအတွင်းအားကျင့်နေတယ်ဆို သူက အနှောင့်ယှက်တစ်ခု ဖြစ်သွားမှာပေါ့လို့။မထူးပါဘူး လေတိတ်တိတ်လေးဝင်ထားပြီးပြန်ထွက်တာပေါ့။
ဂူနားကပ်လာပြီးလို့ အပေါက်ဝ ရောက်တဲ့ ထိ အင်း...ဘာသံမှ မကြားရသေးဘူး။ဒီထိတော့ အခြေအနေကောင်းသေးတယ်။နောက်တဆင့်တက်ပြီး အထဲဝင်မိတော့ လူအရိပ်ရောင်ကို အပြေးရှာမိတယ်။အခန်းရဲ့ ထောင့်စွန်းနားက ပုလ္လင်ပေါ်မှာအကျအနထိုင်ပြီးအတွင်းအားနဲ့ ဆေးလည်ပတ်နေအောင်လုပ်နေတဲ့ ရိပေါ်ကိုပဲတွေ့ရတယ်။ ရိပေါ်ကို သူနောက်ဆုံးအနေနဲ့ လှန်းကြည့်မိလိုက်တယ်။တော်တော်လေးကို မှပဲကြည့်လို့ ကောင်းပါတယ် ရိပေါ်။ငါမင်းကိုနှုတ်ဆက်ခဲ့ပါတယ်။ငါ အရာရာတွေအတွက်ကျေးဇူးပါ။ ရိပေါ်အပြင် အခန်းထဲ ဝေ့ကြည့်တော့ သက်ရှိဆိုလို့ ဘာအကောင် ဘာတစ်မြှီးမှမတွေ့မိရပေ။ ဒါသူအတွက် အရေးမကြီးပါဘူး။ရိပေါ်က ဒီမနက်မှ ဆေးသောက်ထားရင် နောက်မနက်လောက်မှပဲ ဆေးအစွမ်းပြမှာဆိုတော့ခုရိပေါ်မနိုးလာခင်ကိုသူနည်းနည်းလှည့်ပတ်ကြည့်ဖို့ကိုအချိန်ရပါသေးတယ်။ဟိုကြင်ယာဆိုတဲ့သူရောက်မလာခင်မြန်မြန်ကြည့်မှ။အခန်းတွင်းလှည့်ပတ်ကြည့်တော့အရင်အခါနဲ့မတူစွာပဲ အလွန်လှတဲ့ အပြင်အဆင်တွေကို တွေ့လိုက်ရတယ်။အေးလေ သူများမဂ်လာဦးဆိုတော့အဲ့လောက်ရှိမှာပေါ့အတွေးဝင်လာတဲ့အမျှ မျက်ရည်လေးက ကျလို့ကျချင်ဖြစ်လာတယ်။အခန်းတွင်းအနီရောင်တွေဆင်မြန်းလို့သာထားတဲ့အပြင်မှ ကုတင် ပန်းတွေနဲ့ ရိပေါ်ကအစအကုန်ကုန်အနီနီတွေပဲ။နောက်ရေချိုးစည်တောင် အနီရောင် ဖဲကြိုးတွေ ပတ်ထားတယ်။ထူးဆန်းတာက ဘာလို့ ရေစည် ၃စည်ဖြစ်ပြီး အခြားအချို့ အသုံးအဆောင်တွေက အစ၃မျိုး၃စုံမျိုးနဲ့ပြင်ဆင်ထားပုံက ထူးဆန်းနေပြန်တယ်။ကဲပါ ရှောင်းကျန့် မတွေးချင်လို့ ခေါင်းခါရမ်းကာ ကုတင်ဘေးက စားပွဲပေါ်မှာ ဆေးပုလင်းကို ထားပြီး ပြန်ထွက်တော့မယ်ရှိသေး ဂျိမ်းဆိုတဲ့ အသံနဲ့အတူ အနောက်ကနေ ထွက်ပေါ်လာတဲ့အသံကတော့သူ့ရဲ့အသက်ရှူသံတွေကိုပင်ရပ်တန့်သွားစေသလိုခံစားလိုက်ရတယ်။
"ဂျိမ်း ..... ဒုန်း..."
ESTÁS LEYENDO
ရန်သူ. စစ်သား. ကြင်ယာတော် (Completed)
Fanficမင်းအတွက် သေရမယ်ဆိုရင်တောင် ပြုံးပြုံးကြီး သေပေးရဲတယ်။ Wangyibo & Xiaozhan yizhan zawgyi & unicode Credit for all photo .............. မင္းအတြက္ ေသရမယ္ဆိုရင္ေတာင္ ၿပဳံးၿပဳံးႀကီး ေသေပးရဲတယ္။ Wangyibo & Xiaozhan yizhan zawgyi & unicode
