TWO BODIES, ONE GOODBYE 1 (COMPLETED)

TBOG 9: PAEPAL SI KYLE

Terry's POV

Lahat ginawa ko na para lang mapatawad ng binatang ito. Nakakainis naman e! Bakit ba ang hirap-hirap niyang magpatawad?

Kasalanan ko bang hindi ko alam ang ce-cellphone ba yun? Basta! Cellphone ata yun. Sabi niya 'Terry patayin mo!' edi pinatay oh. Oh diba? Sira? Nakakayamot naman e.

"Mama Aida?" Kagigising ko pa lang at naabutan ko si Mommyla sa bakuran kaya lumapit ako sa kanya para humingi ng tulong.

"Yes Terry? Mukhang pagod na pagod ka ah?" puna nito sa 'kin habang nagdidilig.

"Opo e! Si Theo kasi ayaw pa akong patawarin. Lahat naman ginawa ko na para lang manghingi ng tawad pero wala!" nakayuko kong tugon.

Ang hirap naman kasing habulin ang isang yun. Alam kong nagkamali ako pero diba lahat naman natutoto sa kasalanan?

"Alam mo Terry? Mapapatawad ka din niyan. Mahalaga lang talaga ang cellphone niya sa kanya. Guys ang girls can't leave without their phone in this century. Kaya hindi na ako magtataka kung ba't siya galit na galit!" Sa panahon nga namin. Tamang laro lang sa kalsada ang aming libangan. Walang masyadong teknolohiya at masarap pa mamuhay.

"Pano po ba ako makakabawi?" Tumingin sa 'kin si Mama Aida na para bang may naiisip na paraan. Agad siyang pumasok sa silid at parang may kukunin. Kaya hinintay ko nalang siya muna.

"Here Terry! This is my Card, may lamang pera yan. You can spend it to buy a new cellphone for Theo! And after that, you can buy some dress or clothings or even something you wanted to buy..." Card? Inikot-ikot ko ang munting matigas na bagay na iyon pero wala akong nahanap na pera. Pinagloloko ba ako ni Mama Aida?

"You're definitely finding for a money, Right?" Dahan-dahan lang ako tumango.

"I see. C'mon, tatawagan ko nalang si Rex para samahan ka!" Rex? Wag si Rex! Hindi kami ganon kalapit sa isa't isa.

"Mama Aida? S-si Kyle nalang po! Wag na si Rex.... Hindi ho kami malapit e...." Pilit akong ngumiti at tumango naman siya.

"Excuse me. I just have to call him, okay?" Ngumiti lang ako at tumango.

Lumayo siya sa 'kin ng bahagya at nagsimula na siyang makipag-usap gamit ang telepono.

Kakaiba na talaga. Sa aming panahon, tanging telegrama lamang ang aming ginagamit tapos may bayad pa kada letrang isusulat kaya wala kang ibang magawa kundi ang paliitin ang mga salita na gagamitin mo tulad ng 'kmsta n kau dyan?' para lang hindi lumaki ang babayaran mo.

"Sabi ni Kyle, pupunta na siya! Just wait for him, Terry!" Tumango lang ako at nagpasalamat sa kanya. Agad akong nagtungo sa silid upang upang makapagbihis.

Hinintay ko lang siya sa sala at tamang-tama ang pag-gising ni Theo. Hindi ko muna sasabihin na bibili ako ng cellphone.

"Theo!" Daretsahan lang siyang naglakad at hindi lang ako pinansin.

"Ang daya mo talaga!" Sigaw ko dito at hindi na naman pinansin kaya tumigil na ako at hinintay nalang si Kyle, napakatagal din ng lalaking yun.

"Terry? Nandyan na si Sir Kyle sa labas!" Napadako ako ng tingin kay Ate Susan bago ako naglakad palabas.

"San kayo pupunta?" nagulat ako ng magtanong si Theo.

"S-sa labas..." sagot ko

"Malamang! Alangan ka namang sa loob?" Pilosopo nga talaga 'to.

"A-ahm. Aalis kami ni Kyle. Kahit saan, anong tawag sa inyo no'n? D-Date? Oo Tama! Magdidate kami! Sige... Una na ako sayo!" Nirolyo niya lang ang mga mata niya at nagpatuloy nalang ako sa paglalakad.