Unicode
.....
Part 3
...........
အေဒီစဥ်းစားထားသည်က ဒီနေ့တော့ canteen မှာ ထမင်းစားဖို့အဖော်ရပြီဟူ၍။အတန်းခေါင်းဆောင်နဲ့ရင်းနှီးအောင်လုပ်မယ်စဥ်းစားရင်း စားပွဲတွေဘက်တစ်ချက်ကြည့်မိတော့ အေဒီ စိတ်ပျက်မိသွားသည်။
အတန်းခေါင်းဆောင်စားနေတဲ့စားပွဲမှာ ထည်ဝါမင်းရယ် စာတော်တဲ့နှင်းစက်ဆိုတဲ့ကောင်မလေးရယ် တခြားအေဒီ့ကိုလှောင်တဲ့ကောင်တွေရယ်က တူတူစားနေကြလေ၏။အတန်းခေါင်းဆောင်က မဆိုသလောက်အဆင်ပြေသော်လည်း ကျန်လူတွေနှင့်အေဒီသိပ်မပေါင်းချင်။
!မသွားတာပဲကောင်းပါတယ်!
ဒီနေ့လည်း အေဒီတစ်ယောက်ထဲ ထောင့်စွန်းစားပွဲနားမှာသွားစားနေလိုက်မိတော့သည်။
XxxxxxX
ကျောင်းဆင်းတော့
Shopping mall ထဲလျှောက်ကြည့်ရင်း အေဒီတော်တော်ပျော်လို့နေမိသည်။ ကျောင်းမှာစိတ်ညစ်လာတာတွေတောင်ပျောက်ကုန်သလားထင်မိ၏။
"အေဒီရေ တီလေးညောင်းလာပြီ ကြက်ကြော်ဆိုင်မှာစားမယ်မလား"
"imm တီလေး ခဏပဲခဏပဲ ဟိုအရုပ်ဆိုင်ထဲခဏဝင်မယ်နော်"
"ဝင်ဦးမှာလားလို့ I'm so tired"
"သားဘာမှမဝယ်ရသေးဘူးလေ တီလေးဘာသာ ဂါဝန်တွေလျှောက်ပတ်ဝယ်နေတာကို"
တူဖြစ်သူပြောလည်းပြောချင်စရာပင်။ မေရီတစ်ယောက် အလှအပသိပ်မက်တော့ အဝတ်အစားတွေ လှည့်ပတ်ဝယ်လာသည်။
ဒေါ်ခိုင်လေးကတော့ အောက်ထပ်မှာ မီးဖိုချောင်သုံးပစ္စည်းတန်းတွင်လျှောက်ရွေးကာ KFC ထဲစောင့်နေမည်ဟုပြောထားသည်။
အရုပ်လှလှလေးတွေရှိရာဆိုင်ထဲဝင်လာတော့ ကလေးသဘာဝ အေဒီ့မျက်လုံးတွေအရောင်တောက်လာလေသည်။
အမွှေးပွပွအရုပ်မျိုးစုံ ၊ကော်ပတ်ရုပ်မျိုးစုံ ၊ကားစက်ရုပ်၊ LEGO ၊ Barbie ရုပ်များ အစုံရှိသောအရုပ်ဆိုင်ပင်ဖြစ်သည်။
အေဒီ toy story ထဲက Buzz light year အရုပ်လေးကို ယူလာကာ နောက်ထပ်လျှောက်ရွေးနေလိုက်၏။
"ဟာ ဟို စတော်ဘယ်ရီအနီရောင် အရုပ်လေးကလှလိုက်တာ"
စတော်ဘယ်ရီအလုံးပုံစံ နီနီစိုစိုခေါင်းအုံးအရုပ်လေးကိုမော့ကြည့်ပြီး အေဒီသဘောကျလို့ နေသည်။
