غمووووض الأدهم

~الفصل السادس عشر~

        "غموض الأدهم
               الفصل الخامس عشر"
._-_-_-_-_-_-_-_-_-_

الحمد لله الذي علي كل شئ عظيم.
الحمد لله الذي خلق الإنسن في أحسن تقويم ..
الحمد لله الذي أنزل علينا قرآنه الكريم ...

{ قُل لَّن يُصِيبَنَآ إِلَّا مَا كَتَبَ اللَّهُ لَنَا هُوَ مَوْلٰانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ}
[ سورة التوبة : 51 ]

     ~ الفصل السادس عشر~

مع إشراقة صباح يوم جديد مع تغريد العصافير وإعتدال الطقس.. على طاولة الطعام لأول مرة يجتمع الجميع لطعام الإفطار ..
جو خالي من الكلمات سوا صوت حركة الأطباق والأفواه تلوك الطعام .
قاطع صمتهم ..

نرمين بهدوء :أدهم باشا، حضرتك أنا بكرة رايحة الشغل وهنرجع بيتنا كفاية هروب لحد كدة، واللي يحصل يحصل ..

نظر لها نظرات مطولة ثم عاد لطبقه.

اغتاظت من رد فعله فقالت ببرود : أنا بقولك من باب العلم بالشيئ يعني بما إنك الظابط اللي ماسك القضية وقاعدين في بيتك

_وأنا مرديتش لإنه مفيش كلام يترد عليه ..
وحدة في نظر الكل ميتة وخبرها نزل الجرايد، هتروح الشغل إزاي والخطر لسة موجود ..

نرمين : معرفش ...أنا زهقت ،احنا هنقعد هنا طول العمر ولا ايه ..
مش شايفة لا خطر ولا حاجة ..
وحياتي تدمرت وخسرت شغلي ..
عايزة أموت في بيتي، كفاية لحد كدة نفسيتي تعبت ..
لا بنخرج ولا بنتحرك حتى بيتنا مدخلنهوش ..

أدهم : لما تعرفي كل حاجة هتقدري اللي بعمله عشانكم ..
لحد منحل القضية مفيش خروج ..

أزاح كرسيه وخرج ...

حنان : عيب كدة يا نرمين كتر خيره بيقوم بشغله وموجودين ضيوف عنده ، نقعد هنا إن شاء الله شهر، بس تفضلوا بأمان ، أنا مش مستعدة أخسر حد فيكم ..

أزاحت كرسيها هي الأخرى وصعدت للأعلى ...

نور : نرمين إنت فعلاً غلطتي والمفروض تقدري إنه خايف علينا .

نرمين : يعني أنا دلوقتي اللي غلطانة ..احنا لينا عشر أيام في الفيلا مخرجناش شفنا الشارع
ومبيقعدش في الفيلا أطلب منه إني أخرج، والفيلا مليانة حراسة في كل مكان حاسة نفسي مخنوقة .

نور : والله حاسة بكدة برضو وعاوزة أرجع حياتي الطبيعية ، بس نعمل ايه لازم نصبر ، لحد متبقي بأمان .
والله حتى إني كنت عاوزة أقوله إني عاوزة أروح البيت أجيب شوية هدوم دي زهقتها ومجبتش
معايا كتير أصلاً ؛ بس إتكسفت ..
بس بعد اللي حصل دلوقتي لا خلاص مش عايزة .

نرمين : وأنا كمان مجبتش هدوم كفاية .
اسمعي احنا لازم نخرج حتى لو من وراه ،مش حيمشي رأيه علينا .