غمووووض الأدهم

~اقتبااااااااس(6)

اقتبااااااااااس (6)

لا يعلم بماذا يجيبها، حقًا صدمته بطلبها الذي لم يخطر بباله :
بس يعني مش هينفع .

حنان : مش هينفع اي .

انفكت عقدة لسانه ..
مش هينفع اتجوزها، هي يلزمها واحد أحسن مني ..

حنان باستغراب :ليه أنت مش بتحبها ..

أدهم : أكيد طبعاً، بس الموضوع مش كدة .

حنان بحرج : أنا كنت عاوزة سند لبناتي من بعدي لان أنت عارف ملناش حد وجوزي توفى من سنين
الله يرحمه .
وكمان جاتلي جلطتين بالقلب  وممكن أموت في أي لحظة وفي الفترة الأخيرة تعبت بزيادة من كتر الصدمات، مش عاوزة أسيبهم في الدنيا لوحدهم ، وحاسة إن نهايتي قريب ..
أنا آسفة أعتقد إني تسرعت في الحكم عليك .عن اذنك .

أدهم :لأ استني الحكاية مش كدة بس يعني ..مش عارف أقولك اي هو الموضوع .......

حنان بهدوء :قول يابني متتردش وأنا هتقبل اللي هتقوله لو مش موافق قول من غير إحراج .

قال بعزم بعد صمت وتفكير دام لدقائق : أنا هقولك على كل حاجة، مكنتش هقول في الوقت دة لان الظروف متسمحش ،وعارف إنك
هترفضيني وهيحصل أمور كتير جدًا ويتغير الموقف..
بس هتكلم ومتحكميش عليه من غير متسمعيني كويس للآخر ..

أومأت بالموافقة ..
نهض يتأكد من غلق الباب جيدًا وعاد ..

أخذ نفس عميق : أنا مش زي منتوا فاكرين ..

أولاً أنا مش ظابط ولا رائدأنا مجرم قناص.

جحظت عيناها تحاول إستيعاب تلك الكلمة ..

_-_-_-_--_-_-_-_-_-_-_-_-_-

عادت لمحاولة إيجاد شيئ لإعداده ،
تبحث وتبحث ، قاطعها دخول الخادمة جميلة ..

_بتدوري على حاجة يا بنتي ..

جلست بملل : لا مفيش ، إلا قوليلي وراكي حاجة ..

جلست بجوارها : أفضالك يا حببتي، بس ليه

نرمين : لينا فترة هنا ومحصليش الشرف اني أتعرف عليكي كويس ..

=الشرف ليا يا بنتي, اسمي جميلة ، بعمر والدتك تقريبًا ، ممكن تعتبريني زيها ، متجوزة وعندي 4 عيال ، ياسر ثانية جامعة ،  كارما ثانوي ، مصطفى اعدادي ، مروة ابتدائي ..
جوزي بيشتغل فراش في شركة ..
وادينا عايشين ..

نرمين : ربنا يخلهملك يارب ..

أخذت تفاحة شهية موضوعة أمامها
تلوكها في فمها ..

طيب ، وليكي قد ايه بتشتغلي هنا.

توترت ملامحها لذكره : ليا سنين ، كنت بفيلته التانية ، وجابني هنا لما جيتوا .

بلعت ما في حلقها مستفسرة باستغراب : فيلا تانية ، هو أدهم باشا ليه فيلا تانية ..

نظرت على الباب وأومأت بنعم ..

نرمين : طيب وجايبك هنا ليه ، مفيش غيرك .

_لا مفيش غيري ، ومش بيحب يكون فيه غيري ..
أنا اشتغلت عنده ومش بسأل، ليا بشغلي وبس ..

التفتت حولها بقلق مترددة ..

نرمين بإستغراب : مالك مش على بعضك يا دادة ..

أجابتها هامسة : أدهم باشا يعني..هو ..يعني مش ..

نرمين بدهشة مصطنعة : هو طلع مش ..يانهار ألوان ..طلع مش ، كنت فاكراه لبن..

هزت رأسها بقلة صبر : مش القصد .
قصدي خدي بالك كويس أوي يا بنتي ، مش دايمًا اللي ظاهر هو الحقيقة..
معلش هروح أشوف ورايا ايه.

تركتها حائرة تنادي عليها وصعدت لتكمل عملها ، وضعت ما بيدها تفكر بحديثها ..
يا ترى قصدها ايه بكلامها ده ..

_-_-_-_-_._._._._._..

حملق فى سقف مكتبه يفكر بمن ملكت قلبه ، بمن خطفت روحه من نظرة واحدة ، أسقطته في غيابات عشقها ...
قاطعه دخول عاصف لمدير الشركة
ورجال الشرطة خلفه، قفز بفزع لتفاجأه ..

وقف يطالعهم مندهشًا من وجودهم في مكتبه ، تتنقل نظراته بينهم باستفسار قلق ..

_حضرتك المهندس وليد رأفت عبد البادي ..

=أيوة ، في اي يا حضرة المدير ..

طالعه بأسف : خاب ظني بيك للأسف .

أجابه الظابط : أنت مطلوب القبض عليك بتهمة سرق مواد بناء من الشركة ..

طالعه بصدمة وعدم تصديق ماذا يهذي هذا ..

_لو سمحت تفضل معانا من غير شوشرة ..

احم احم (اقتباس من فصل بكرة لبعض الأحداث الشيقة اللي فيه)

هوالمفروض مفيش اقتباس النهاردة لاني بحرق الأحداث كدة، لكن أعمل ايه مقدرش أرفضلكم طلب 😍