غمووووض الأدهم

~الفصل العشرون~

          بسم الله الرحمن الرحيم
             { لَآ أَبْرَحُ حَتّٰىٓ أَبْلُغَ}

       "غموض الأدهم
                  الفصل العشرووون "

مر يومان على كتب كتابهم ، حاول أدهم تخطي مبادئه والتغلب على الشبح لمحاولة إسعاد من أنارت بحبها مصباحًا يتوهج بصدره..

كانت جالسة بين العشب مع شقيقتها تنظر للسماء الصافية ، ووهج الشمس اللطيف ...

نرمين مبتسمة : تعرفي يا نور ، إن أدهم حلو من قريب ، مع إنه مبقلناش يومين مخطوبين وكنت مترددة ومش عارفة ماما مالها لأول مرة تجبرني على حاجة ، بس حاسة إني بدأت أعجب بيه ..
بس حاساه غامض بالنسبالي كدة ، مش بفهمه ..

نور : ايه الحب ولع في الذرة .
نيالوا يا عم، ظابط ووسيم وفيلا .

نرمين : منتي عارفاني مش بهتم بالأمور دي أهم حاجة الأمان ، الحب ، الحنان ، وإنك تكوني سعيدة في حياتك مع الشخص اللي هتكملي معاه حياتك ..

نور  : اااه .معاكي حق لازم يكون حنين ..

نرمين : ايه يا عم النحنوحة ،إنتي طبيتي ولا اي ، احنا معندناش الكلام دة ..

نور بحرج : لأ مش كدة والله أنا أصلاً مشفتوش غير تلات أربع مرات مش أكتر ، بس أنا بتكلم عن الحنية ،مش بتشوفيه حنين على أخته ازي
وكان شهم معايا..

نرمين :قصدك وليد ....
شاب طيب وكويس، بس برضوا بعد الجواز حبي فيه براحتك ، وامدحي بيه للصبح..

نور :هو أدهم فين صحيح مش باين من الصبح  ..

نرمين : خرج ، يمكن راح شغله ..

رنين هاتفها برقم غريب قاطع حديثهم ...

نور : ردي ، مين بيتصل .

=رقم غريب ..

توقف عن الرنين ، ثم عاد لإزعاجها من جديد ، في كل مرة تغلق الهاتف يعود للطنين .
فأجابت .

_ألو ، السلام عليكم .

= أول مرة أعرف إن الميتين صوتهم حلو ..

=نعم ، مين حضرتك ..

_ممكن تعتبريني والد أدهم ، اللي يعرف حقيقته ..
سمعت ضحكاته البغيضة أصمت أذانها ..

نور : مين بيكلمك .

أشارت أكتافها بالرفض ..
مش هتقول أنت مين وعايز ايه قبل مقفل ..

=شرسة، عجبتك فيلا الشبح اللي قاعدة بيها دلوقتي ..

جحظت عيناها بدهشة : ب .بتقول ايه ، أنت مين وعايز ايه ، وشبح ايه اللي بتتكلم عنه ..

_كنت متأكد إنك متعرفيش ، إن أدهم هو نفسه الشبح اللي عايز يقتلك ..

صوته الخشن المزعج عاد للضحك لثواني أسقط قلبها ثم أغلق الهاتف ..