غمووووض الأدهم

~الفصل التاسع عشر~

        "غموض الأدهم
                  الفصل التاسع عشر "
           "صلوا على رسول الله"

           ~الفصل التاسع عشر ~

"سبحان الله وبحمده سبحان الله العظيم"

{ وَلَوْ شَآءَ اللَّهُ لَجَعَلَكُمْ أُمَّةً وٰحِدَةً وَلٰكِن يُضِلُّ مَن يَشَآءُ وَيَهْدِى مَن يَشَآءُ ۚ وَلَتُسْـَٔلُنَّ عَمَّا كُنتُمْ تَعْمَلُونَ }
[ سورة النحل : 93 ]

      غموض الأدهم
                 بقلمي //نعيم محمد

أذيبي قسوة قلبي بقربك ، ولا ترحلي حتى تنتشلي تلك النقطة السوداء التى تخالج صدري  ، خذي بيدي لجسر العبور وحطميه من بعدي بفأسٍ كبير ..
قلبي مستعد، وعقلي مازال يحاول النهوض ، هو لا محالة يريدك ، لكن قلق يحاول الصمود ..

كلمات والدتها دون مقدمة صدمتها..
نرمين بصدمة : ايه ،يتجوزني

حاولت والدتها التفكير بروية والتحدث بهدوء ..

مالك مصدومة ليه ، متنكريش إنك مش عارفة ، كان باين عليه .

نرمين بعدم تصديق : مش أوي ، هو أنا كنت أشوفه أصلاً ..
متأكدة هو طلب إيدي .

حنان : اي رأيك ، مش هأمن عليكي مع حد غيره .

نرمين : بصراحة مش عارفة يا ماما، الظروف متسمحش ، وبعدين أنا لاغية فكرة الجواز من حياتي ، عايزة أفضل جمبك طول العمر ..

آلمت قلبها فوق ألمه ، ابتسمت بخفوت: متقلقيش يا حببتي ، هفضل جمبك لحد مموت ، وأدهم هيحافظ عليكي ..

احتضنتها : بعيد الشر عنك يا ماما ، مش عايزة أتجوز ، هفضل جمبك ، دا ردي .

حنان : الموت مش شر يا حببتي ، ربنا خلقنا وهو اللي هيردنا ليه ..
محدش هيفضل مُخلّد ..

أبتعدت عنها: أنا بقول نخلي كتب الكتاب بالليل ، خلينا نفرح بيكم قبل ميحصل حاجة ..

جحظت عيناها : بقولك مش عايزة ، تقوليلي كتب الكتاب بالليل ..

حنان : متتعبيش قلبي معاكي يا نرمين ، خليني أطمن عليكي قبل مموت ، هو هيقدر يحمكي كويس ، زي معمل معاكي قبل كدة ..

تحدثت لاوية فمها ساخرة : ميقدر يحمينا من غير جواز عادي على فكرة ..

حنان : هتغضبيني يا نرمين قبل مموت ، ريحيني ، أنا عارفة مصلحتك فين ..

_ياماما إنتي بتتكلمي كدة ليه ، هو في حاجة ،وكمان إنتي عمرك مأجبرتيني على حاجة وأنا مش مرتاحة فمصرة ليه ..

انفعلت ناهضة : يوووه ، كلامي خلص هبلغ أدهم بموافقتك ويجيب المأذون بالليل ..
جهزي نفسك ..

تركتها وعلامات الصدمة تحتل قسمات وجهها ..

يا ماما ، ماما ، هو ايه دا ، والله ميحصل