غمووووض الأدهم

~الفصل الثلاثون والأخير ~

     ~الفصل الثلاثون والأخير ~
              »غموض الأدهم«
  ^~^ {بقلم الكاتب _نعيم محمد}^~^

شاق عليّة شوق الحبيب..
فشقش شوقه لي ..
تبادلنا الشوق لكنّ الغضب شاق بيني وبين شوق اللّبيب، فشق قلبي صدري يبث شوقه من قريب
لعلّ شوقُ قلبه ينبض من جديد ..

التهمت قدماه درجات السُلم يعدو قافزًا ، يلاحقه صديقه لاهثًا صدى كلماته تصرخ بأن يتوقف ..
يحاول مجاراته ،لكن هيهات بأن تسابق الفهد ..

طرق بعنف باب شقتهم ، ففتحت نرمين التى كانت ترحب بعمها وابنه اللذان مازالا يقفان قرب الباب ..

نرمين : أدهم ...في ايه هتكسر الباب
مش قولتلك لو شوفتك تاني .ح...

لم تكمل كلماتها دفعها برفق جانبًا وأمسك محمود من تلابيبه بعنف ..

هو دا اللي فرحانة بيه ، عايزة تتجوزيه

نرمين : أدهم سيبه ، في اي مالك ..

حاول محمود حلّ وثاق يديه : نزّل ايدك قبل معملك كفتة ..

سند وليد على الباب يلهث : أدهم .
سيبه ، طب فهمني في ايه الأول ..
أخذ شهيقًا وزفيرًا متتابعين : يا أدهم ، سيب الراجل وفهمني ..

خرجن الفتيات على صراخهم ، يقفن بقلق ورعب من منظر ذاك الوحش ..
لأول مرة يرونه بهذا الغضب ..

تيسير : سيب ابني يا مجنون أنت ..

لم يستمع لأحد بل لكمه لكمة، تقافزت الدماء من فهمه منثورة على وجهه ، تقطر على الأرض ..

صرخت به نرمين : أدهم إبعد عنه ..
عملك ايه ، محموق إني عايزة أتجوزه ..بكرهك يا أخي إفهم بقا ..

التفت لها : لا ...عشان دا اللي فرحانة بيه وبتكرهيني عشانه ..
نصاب وحرامي وأبوه دا  قتل مراته.
عشان أنا عملت كل حاجة عشان تحبيني ، وفي الآخر اي ولا حاجة ..

جحظت عيناها بعدم إستيعاب : قاتل !! ونصاب ..
لا أنت أكيد كذاب ..
الكلام دا صح يا عمي .

شهقت الفتاتان ، تضع كل واحدة يدها على فاهها الصغير ..
توترا كلاهما ، لكن أدهم لم يدع له مجال للتبرير كانت اللكمة الثانية ترسم أصابعها على وجهه ..

أمسكه وليد محاولاً السيطرة عليه ..

تيسير : كذاب ، بتقول كدة عشان فضلّت إبني عليك ..

اقترب منه وليد : الكلام دا صحيح
يا أدهم ، جبته منين ..

_أيوة ، مطلوب القبض عليهم وهربانين جايين يستخبوا هنا ..

حاول محمود الوقوف لرد لكمته ..
هدفعك الثمن غالي..
لكن دفعه أدهم بقدمه سقط ثانية ..
يده على قفصه الصدري الذي انقبض
تيسير : الكلام دا مش حقيقي ..
ومفيش دليل عليه ..
أنت اللي عامل مصيبة ، مراتك عايزة تبلغ عنك عشانها ..