غمووووض الأدهم

~الفصل الثامن والعشرون~

     
       ~الفصل الثامن والعشرون~
   غموض الأدهم
                  الكاتب /نعيم محمد

{ رَبَّنَآ إِنَّكَ تَعْلَمُ مَا نُخْفِى وَمَا نُعْلِنُ ۗ وَمَا يَخْفٰى عَلَى اللَّهِ مِن شَىْءٍ فِى الْأَرْضِ وَلَا فِى السَّمَآءِ }
[ سورة إبراهيم : 38 ]

قمرٌ يطالع نفسه في المرآة ..
يتوسد رحم السماء ،بين نهر النجوم
الملبدة بالقطعن الأبيض ، والشمس انقشعت لمضجعها فحان وقت النوم
والقمر راسمًا على فاهه بسمةً إثر نكات ألقتها النجوم ..
يحتضنهم الأزرق بروية مثبهم بأحضانه ..
يستمتع بصحبتهم مع بعض الكواكب بعدما طرد نيزكًا قال نكتة سخيفة أنغصت حفلتهم فتركه في الفضاء يحوم ..

فتحت عيناها بتدريج ،مستنشقة عبق النسيم الذي داعب أنفها ، رفعت يداها تتحسس ذرات الهواء البارد ..
ناظرة للقمر وتبتسم عندما استحضرت نكتة النجم الصغير الشقي المجنون ...
حال بين تخيلها صوت مرام :

_يا نور ، اقفلي البلكونة وتعالي خلينا ننام شوية ، عندنا شغل الصبح

زفرت بضيق ودخلت بعدما أنغصت عليها تأملها الساكن ..
أغلقت باب الشرفة ، واحتلت سريرها جانب صديقتها ..

_مش عارفة تسيبيني شوية أعيش اللحظة ، دنتي غلسة ..

مرام: يابنتي عندنا شغل الصبح بدري ، مش عايزة أفضل أصحي فيكي ساعة بحالها زي مبارح ..
جثة متحنطة مش وحدة نايمة خالص ..
تقوليش في غيبوبة ، دنتي متعبة ..

رفعت حاجبها وفمها مفتوح قليلاً، والتفت لها جالسة فوق السرير ..

_أنا برضو اللي غيبوبة ، لا حوش اللي منبه ، بج بن نايمة جمبي ..
مش هي اللي بتأخرني أصلاً
نايمة ولا سبات الحلزونة ..

مرام : أنا أول مرة أشوف صرصور ليل بيتكلم ، سنفونية طول الليل يختي ، والله معارف أخوية حب فيكي اي ....فقر .

صكت على أسنانها: يا بت ، يا بت هضربك ..

ثم أمسكت وسادتها وقذفتها بها ، وحملتها مرة أخرى وتقاتلتا بالوسائد، حتى قاطعهما صوت هاتف نور ..
أمسكت هاتفها تنظر لإسم المتصل بإستغراب ..

_مين بيتصل في نص الليل وكمان رقم غريب ..

مرام : حيوانة ، بوظتي شعري ..
معرفش يختي ، ألاهي تبقا عصابة تخطفك ويبقوا عايزين فدية ..

نور : يطلبوا فدية !!! ويخطفوني !!
وأنا قاعدة جمبك ، وبيتصلوا على موبايلي !!

مرام: اه صح، يطلبوا فدية ازاي قبل الخطف ..
وبعدين هيتصلوا بيكي يبلغوكي إنهم خطفوكي !! وعايزين فلوسك منك!!!

نور: هو مين بيودي على فين ..
بصي ..اخرسي أحسن ..
هرد على الموبايل يمكن بكرة إجازة ونخلص من أم الغم دا ،
وأكرشك من هنا ،وأنام براحتي ..