* عارف انك كسرتني انت كسرت حجات كتيرة جواي كسرت الحب والاحترام البينا عمري م ح اسامحك ولا ح انسى خيانتك لي عارف اني ولا ف الخيال م اتخيلت انك تعمل كدا لأنك الوحيد الحبيتو من قلبي انت الإنسان الوحيد القدر يدخل قلبي وف النهاية عملت شنو؟؟ خنتني وعملت الشي الحلفت انك م تعملو انت دمرتني ي سراج وهقول ليك ببساطة طلقني صدقني الكلمة دي طالعة من قلبي 💔
- طلاق؟ سمر انتي مجنونة كيف قدرتي تنطقيها اصلا؟!
* زي م انت قدرت تخوني من حقي اطلب الطلاق طلقني ي سراج 💔
- خلي عندك عقل نحن بيناتنا رابط فكري في الاولاد ديل ذنبهم شنو يتربو واهلهم بعيدين عن بعض؟!
*انت لي م فكرت فيهم قبل م تعمل كدا لي م فكرت انو عندك اولاد قبل م تخونهم يعني وقفت علي مثلا؟ انت خنتنا كلنا وم ح اخلي اولادي يتربو مع خاين
- انا م قنعان منكم ولا عندي غيركم الله يخليك ي سمر افهميني انا عملت كدا مجبور م بيدي
* ماف راجل بجبروهو يغلط مع واحدة غير مرتو ويعرسها كمان افهم اني م طايقاك نهائي وبقرف بمجرد اتزكر اني مرتك وجايبة منك ولد وبنت
- اسمعي ...
* سراج كفاية انا م دايرة اسمع منك شي انت م فرقت من ابوي بي حاجة مع انك عارف كل شي عني وبرضو كررت نفس غلط ابوي الما قادرة اتجاوزو للان نحن انتهينا وفي البيت دا م قاعدة ليك
- سمر انا بحبك وانتي عارفة اني م بقدر بلاك كيف ح تحرميني منك ومن اولادنا الله يخليك سامحيني وخلينا نبدا صفحة جديدة مستعد اطلقها الليلة دي بس سامحيني
* كلامي أنتهى وخلي في بالك اني مستحيل اسامحك بس منتظرة الصباح يجي عشان انهي كل شي واطلع من حياتك وبالنسبة للاولاد م بحرمك منهم وقت م داير تعال ليهم لحدي م يكبروا ويقرروا حياتهم معاي او معاك 💔
- بسس...
* ولا بس ولا بطيخ تصبح على خير
دلفت الى غرفة اطفالها واغلقتها ومن ثم نظرت إلى وجوههم البريئة اخذت تتحدث مع نفسها ...
موقفهم هيكون شنو لمن يكبروا ويعرفوا ابوهم خانهم هيقدروا يسامحوهو؟! سراج كيف م فكر فينا كيف قدر يخوني طيب اقول لي خالتو شنو؟ راجلي خاني وعرس فيني خاني انا واولادو الما تمو تلاتة شهور احيييييااا من الوجعة الجاتك يا سمر يا الله برد حشاي 💔
جلست في الكرسي وهي تنظر إلى توأمها خالد وخلود واعينها تذرف الدموع إلى أن غلبها النعاس ...
#الخيانة💔
من أسوأ الحجات الممكن تحصل معانا في حياتنا بنكون م متوقعنها نهائي خصوصا لو كانت من اكتر انسان بنحبو كمية الألم والوخز البنحس بيهو كافي انو يخلينا نعيش أسوأ لحظات عايشين في جحيم وماف أسوأ من الجحيم بنموت من جوا بنكرهه نفسنا وحياتنا انسان واحد ممكن يقلب حياتنا فوق تحت وممكن ندخل مرحلة الاكتئاب وعادي نوصل للجنون 💔
طيب سؤال ...
نحن لي بنخون؟ لي بندخل في العلاقة لو نحن م مستعدين ليها ولا جادين فيها سواء كانت صداقة أو حب أو غيرهم ؟ لي بنعشم فينا الناس وبعدين نكسر ثقتهم فينا وفي كل الحوليهم وحتى في نفسهم؟ لي م بنفكر ف الح يحصل ليهم واحساسهم شنو ؟
يجماعة الخيانة م بتتغفر ولا بتتنسي ف شنو عليكم الله لو عارفين نفسكم م هتكملوا معانا م تدخلوا حياتنا عشان الأثر الح تخلوهو بعدين ماف شي ف الدنيا بمحيهو💔
_____
