SET The Series (BL)

Episode 2 (4/4)

Title: SET The Series (BL)
Author: Moonlight04
Wattpad: jenryl04
Dreame: Moonlight04

EPISODE 2 (4/4)

THIRD PERSON

Unang araw ng Sport's Day. Kaniya-kaniyang pakulo ang bawat faculty. Excited ang lahat. Sigawan at hiyawan. Kaniya-kaniyang suporta ang mga mag-aaral.

Napakasaya ng event na ito. Taun-taon ay inaabangan ito ng lahat ng mga estudyante.

Sa volleyball game, unang maglalaban ang Faculty of Engineering laban sa Faculty of Medicine.

Punong-puno ang buong gym. First time nangyari ang ganito. Kadalasan kasi nasa larong basketball at soccer nanonood ang mga estudyante. Subalit ngayong taon, halos magsiksikan ang mga estudyante sa loob ng gym. May ilan pang hindi na pinapasok dahil sa lahat ng upuan ay okupado.

Napuno ito dahil kina Mew at AJ. Kadalasan kasi ng mga manonood ay gusto lang nilang makita sa personal na maglaro ang dalawa. Kahit ibang faculty ay sumusuporta sa team engineering.

May apat na heartthrob sa loob ng court plus ang dating campus crush na team captain, si Korn.

Kaya naman, sobrang ingay ngayon sa loob ng gym. May mga sumisigaw. Maugong ang pangalang Mew at AJ.

Sina Gab at Tom, napapatingin na lamang sa isa't isa.

Nagsimula na ang game 1. Bahagi ng first six ang apat.

Set 1 na at ang unang puntos ay napunta sa Faculty of Medicine. Subalit nakabawi agad ang engineering sa pamamagitan ng magandang receive ng libero, set ni Gab at spike ni AJ.

Hindi magkandaugaga ang mga manonood sa sigawan, hiyawan at tilian.

Mas lalong napapasigaw ang lahat sa tuwing nakakapuntos sina AJ, Tom, at Mew.

Malakas ang team ng Faculty of Medicine subalit mas nanaig sa unang set ang Faculty of Engineering sa score na 25-21.

Set 2. Nagsimulang pumuntos si Tom. Ang lakas ng kaniyang mga palo. Front row attack at maging ang kaniyang back row attack. Dahil doon, nagsimulang mapansin si Tom ng mga manonood. May mga fans na rin ito. Si AJ ay nag ambag na rin ng mga puntos gamit ang kaniyang mga cross attacks. Di rin nagpatalo si Mew. Sa tuwing nabibigyan siya ng set ni Gab, ay sinisiguro niya na makakapuntos siya. Gamit ang malakas niyang spike, nakakakuha siya ng mga off the block points at mga down the line points. May mga combination play pa silang ginagawa. Pumupuntos din si Korn gamit ang kaniyang mga mega kill, quick attacks at running attacks.

Kaya ang set 2 ay napunta pa rin sa team engineering sa score na 25-15.

Di magiging successful ang mga atake nila kung di maganda ang sets ni Gab. Kaya sobrang hinangaan si Gab bilang setter.

Napapailing na lamang si Coach Tai at tuwang-tuwa sa ipinapakita ng kaniyang mga manlalaro.
.
"Wow!" lagi lang nitong sabi sa tuwing nakakapuntos ang kaniyang mga players.

Set 3. Isang set na  lang maipapanalo na nina Tom, Mew, Gab at AJ ang unang game nila sa collegiate level.

Mas lalong ginanahan ang mga players ng engineering sa dami ng kanilang fans. Pumuntos pa rin ang apat na rookie. Si Gab, nakakapuntos siya gamit ang one-two play at mga drop balls nito. Scoring machine si Tom. Sa taas niyang tumalon at lakas niyang pumalo, ang hirap niyang ma block. Samantalang tulungan naman sina Mew at AJ sa mga spikes at combination play.

Natapos ang set 3 sa loob ng 20 minutes sa score na 25-16. Panalo ang Faculty of Engineering...25-21, 25-15, 25-16. Tatlong sets nagtagal ang game.

Mayroong 26 excellent sets, 7 excellent receptions si Gab. Mayroon namang 15 attacks, 2 blocks at 1 ace si Tom. Samantalang mayroon namang 10 attacks at 2 aces si Mew at 11 attacks, 1 block at 1 ace si AJ.