SET The Series (BL)

Episode 3 (3/4)

Title: SET The Series (BL)
Author: Moonlight04
Wattpad: jenryl04
Dreame:  Moonlight04

                          
EPISODE 3 (3/4)

THIRD PERSON

Kahit hindi pa naglalaro si Mew ay naipanalo na ng Faculty of Engineering ang mga sumunod nilang laban.

Semi-finals na ng mens' volleyball.

Ang apat na maglalaban ay ang Faculty of Science vs. Faculty of Law at ang Faculty of Engineering vs. Faculty of Medicine

Mahigpit ang labanan. Ang sinumang mananalo sa pagitan ng Faculty of Science at Faculty of Law at sa pagitan ng Faculty of Engineering at Faculty of Medicine ang siyang maglalaban para sa championship.

Tinalo ng Faculty of Law ang Faculty of Science kaya pasok na sila sa finals. Hinihintay na lamang nila ang mananalo sa pagitan ng Team Engineering at Team Medicine.

Mahigpit ang naging labanan ng Faculty of Engineering at Faculty of Medicine ngunit nanaig ang Engineering sa loob lamang ng 4 sets…. 25 – 23, 23 – 25, 25 – 22, 27 – 25.

Sobrang saya ng team Engineering lalo na nina Tom, AJ, Gab at Mew. Ngayon, masusubukan ang kanilang galing. Pag nagkataon, unang championship title nila ito sa collegiate level. At malaking bagay ito para sa kanilang career bilang manlalaro.

Isang game na lang, malalaman na kung sino ang magiging mens' volleyball champion. Todo ang insayo ng koponan ni Coach Tai. Malaki ang tiwala niya sa kaniyang mga players.

Championship game na. Inaasahan ng lahat na maging mahigpit ang laban. Babalik na si Mew sa laro matapos gumaling ang kaniyang balikat.

Set 1. Unang nakapuntos ang Faculty of Law subalit nakabawi agad ang Faculty of Engineering. Dikit ang labanan. Palitan ng lamang. Nasa set point ang Team Engineering. Dahil sa jump serve ni Tom, nagkaroon siya ng service ace dahilan para makuha nila ang unang set.

Hindi mapigilan ng mga manonood na mapasigaw. Sa bawat palo ay napapasigaw ang mga ito.

Set 2. Nakabawi ang Faculty of Law. Dahil sa mga blocks nito, nahirapang makapuntos ang mga spikers ng Team Engineering. Nanalo sila sa score na 25 – 21.

Set 3. Hindi pa rin nakakapasok ang mga hits ng Team Engineering. Nagkaka error pa sila kaya napunta ang set 3 sa kalaban sa score na 25 – 18.

Kailangang maipanalo ng Faculty of Engineering ang set 4 para ma force ang game sa set 5. Nag iba ng strategy si Gab. Pinagana niya ang mga combination plays. Sa tulong ni Korn nakakapasok na ang mga attacks nina Mew, AJ at Tom. Si Tom ay pumupuntos siya gamit ang kaniyang mga back row attack. Nagkaroon sila ng momentum at naipanalo nila ang set 4 sa score na 25 – 20.

Huling set…race to 15. Unang lumamang ang Faculty of Law ng tatlong puntos. Paunti-unti ay humahabol ang Team Engineering. Masyadong intense ang laban. 13 – 10 ang score pabor sa Faculty of Law.

Bola ng Faculty of Law. Dahil sa magandang reception  nai-set ng maayos ni Gab ang bola kay Tom. Gamit ang kaniyang outside hit, hindi napigilan ng mga blockers ang bola. Napako ang Faculty of Law sa score na 13. Naitabla ng Engineering ang score sa 13 all.

Si AJ ang nag serve. Naiangat ng kabila ang bola. Kahit malakas ang ang spike ng kalaban ay maganda naman ang digging ng libero ng Engineering kaya pagkakataon na mai-set ng maayos ni Gab ang bola. Pinuntahan niya si Mew. Hindi siya binigo ng kaibigan. Siniguro ni Mew na di na maingat ng kalaban ang bola gamit ang cross attack.

Dahil sa spike na iyon ay halos tumalon ang lahat ng supporters ng Team Engineering.

Nasa championship point na sila. Ang huling set ni Gab ay pumunta sa isang mega kill ni Korn. Panalo ang Team Engineering…15 – 13.