عاشقان بقلب واحد ( مكتملة )

الفصل العاشر ( غيرة )

في احدي الملاهي الليلية
صوفيا : عمرو ... عمرو تعالي احنا هنا
عمرو وهو يتحرك نحوهم : يا مساء الجمال علي الناس الحلوة
تامر : ايه يا عم ... نحن هنا ... هاهاهاها
عمرو : ايه يا خفة ... خليك في حالك
تامر : بما ان كده بقي ... أطير انا
عمرو وهو يجلس بجوارها : يبقي احسن برده ... ايه يا جميل مفيش وحشتني ولا حاجه
صوفيا بدلع : الله يا عمرو ما احنا كنا مع بعض امبارح
عمرو وهو يهمس في أذنها : طيب واشمعنا انتي وحشتيني
ولكنه بعد عنها فجأة وتحرك سريعا باتجاه احدي الطاولات
عمرو باستغراب : فرح ...فرح بتعملي ايه هنا
فرح وهي تحتضنه : عمرو ايه المفاجأة دي بتعمل ايه هنا ...
عمرو بضيق : والله انا الي بسأل ... وإزاي تخرجي من البيت في الوقت ده
فرح : يعني عادي خرجت اسهر مع أصحابي
عمرو بضيق : طيب يلا تعالي أوصلك البيت
فرح وهي تقترب منه كثيرا : خلينا نسهر مع بعض ... انا وانت بس
عمرو وهو يمسك ذراعها : اتظبطي شوية ... واتفضلي قدامي أوصلك علي البيت

في فيلا توفيق الهادي
توفيق وهو ينظر الي تاليا : اشمعنا ... ومتشتغليش في شركتي ليه

تاليا : بابا انت عارف ان معاك شركاء في الشركة وانت مش دايما هناك وطول الوقت في الأوتيل ... إنما هناك هيكون موجود معايا اونكل مدحت وكمان كريم

توفيق بضيق : تمام يا تاليا ... اعملي الي يريحك
كريم : متقلقش يا عمي ... هي هتكون دايما معايا
نظرت سوزان الي تاليا نظرة فهمتها جيدا وعلمت ما ورائها

حلا بضيق وهي تنظر لها : يعني ايه يا بابا الي يريحها ... وانتي متجيش تشتغلي معايا انا وادهم ليه ... ما انا دايما بتحايل عليكي
تاليا : انا آسفة يا حلا بس انا حابة أشتغل هناك
سوزان وهي تحاول ان تنهي الشجار بينهم : خلاص يا حلا ... هي حره

حلا بضيق : حره يعني ايه ... انتي ازاي تاخدي القرار لوحدك ليه مش بتحبي تاخدي رأينا في اي حاجه ... ليه يا تاليا
لم تجب عليها وظلت صامته طول الوقت
حلا وهي تقف : لو خلصت يا ادهم ... يلا بينا
ادهم بضيق وهو يقف : هستناكي في العربية
سوزان : ايه يا حلا شغل العيال ده اقعدي كملي أكلك
حلا : احنا شبعنا الحمد لله ... وبعدين عشان ألحق اجيب الولاد من عند اونكل كمال ... بعد اذنكم
سوزان : تمام يا حبيبتي ... مع السلامة

غادرت المكان وهي في قمة غضبها من اختها فهي تعلم الخلاف بين ابيها وعمها
وأيضا العداوة بينه وبين حماها وكذلك ادهم وعلي الرغم من ذلك قررت العمل عنده

بعد انتهاء العشاء
كريم وهو يقف امام سيارته وبجواره تاليا
: انتي عارفه ان شكلك بيكون حلو وانتي زعلانه ...
تاليا بضيق متصنع : لا والله بقي كده ...
كريم بحب : والله بجد ... انتي حلوة بأي حالة
نظرت اليه بحب ثم أردفت قائلة : انا عارفه ان بابا مع الوقت هيتقبل الموضوع .. بس حلا لأ حلا مش كده يا كريم مش بتنسي بسهوله ... وأنا عارفه انها مش هتسامحني
كريم : هتسامحك يا تالي صدقيني .... ولو كده اروح أكلمها انا ...
تاليا بسرعة : لا يا كريم انا هستنا كام يوم اما تهدي وبعدين اروحلها