عاشقان بقلب واحد ( مكتملة )

الفصل الثلاثون ( من اجلك افعل المستحيل )

في فيلا ادهم
تحرك ادهم باتجاه الباب عندما سمع صوت الجرس
ادهم بعد ان فتح باستغراب  : عمرو ...
عمرو : ازيك يا ادهم ...
لم يرد عليه ادهم دليل علي شدة غضبه منه
ثم اردف عمرو قائلا : انا عارف انك مستغرب اني جيت بعد الي عملته .... بس انا حابب تسمعني ... لو سمحت
أشار له ادهم بالدخول . دخل عمرو وادهم وجلس كل منهم علي كرسي ثم اردف عمرو قائلا : هي حلا مش هنا ولا ايه
ادهم : لا عند مامتها هي الأولاد
عمرو : ادهم ... انا اسف ... انا فعلا دمرت نفسي بس صدقني مش بإيدي ... ايوه انا حبتها ودي اول مره احب حد كده ... ده خلاني مجنون ... بس انا عارف انك فاهمني لان انت صاحبي وعشرت عمري ... وعارف كمان انك هتسامحني ... انا خلاص هرجع الشركة تاني طبعا لو انا وافقت وهبدأ من اول وجديد ... وفرح .....
ادهم بغضب وهو يشير له بإصبعه : عمرو ... انا مش هسمحلك تستغل اختي ... فااااااااااهم ... فاهم
عمرو : طيب اسمعني الأول ... انا والله اتعلقت بفرح ... وأتمني ....
ادهم وهو يقف : عمرو كلمة تانيه ... وهتشوف حاجة مش هتعجبك
عمرو وهو يقف أمامه : صدقني انا مش بستغلها ولا اي حاجة ... انا عايز اتجوزها ... عايز ابدأ حياتي معاها ... لو سمحت يا ادهم متحكمش عليا بالطريقة دي ... انت عارف ان مستحيل اقل بيك او اعمل حاجة من غير موافقتك  ... هااا قلت ايه
ادهم بعد تفكير: هكلم بابا وهعرفك ....
عمرو بابتسامة : وياريت لو النهاردة ... عشان لو كده انا وماما نيجي بكره بالليل نطلب أيديها
ادهم : بالسرعة دي ... تمام يا صاحبي
عمرو وهو يحتضنه : حبيبي يا كبير ... بس انت مروحتش مع حلا ليه
ادهم : متخانقين زي العادة ....
عمرو: مش عارف امته بقي انت هتعقل ...
ادهم : نفسي مره تعترف بحبها ... نفسي تهتم بمشاعري ... الفترة الأخيرة مش بتيجي الشركة ... مش عارف مالها ... هتجنيني
عمرو : حلا بتحبك وانت عارف كده ...
ادهم بتنهيدة : ايوه عارف ....
رن هاتف ادهم وجدها حلا فتح الخط ثم اردف قائلا : ايوه يا حلا ... مالك ... ايييه... طيب اهدي كده ... اهدي ... وقوليلي انتوا في اي مستشفي

في احدي المستشفيات
سوزان ببكاء وهي تحدث توفيق ومدحت : خلاص بقي ... خلاااااص  حرام عليكم ... انا عايزه بنتي .... حرام عليكم بقي
توفيق وهو يحتضنها : هترجع يا حبيبتي ان شاء الله ... هترجع ...
غادر مدحت المكان دون ان يطمئن علي ابنه وبعد دقائق خرج الدكتور
توفيق : خير يا دكتور ... كريم كويس
الدكتور : اه كويس الحمد لله ... طبعا اتعرض للضرب عشان كده جسمه فيه إصابات خفيفة بس عالجناها ... حمدالله علي سلامته

في فيلا مهدي
مهدي : يااااااااه وأخيرا ... نورتي يا تاليا هانم
تاليا ببكاء : انت مين وعايز مني ايه .... ارجوك انا حامل سبني امشي
مهدي وهو يقف مقابلها : نعم تمشي ... هو دخول الحمام زي خروجه ... بس متخافيش انا مش هأذيكي يعني دلوقتي إنما بعد كده جوزك الي هيقرر ... خدوها ....
تاليا وهي تحاول ان تخلص يدها من يد احد رجاله : حرام عليك بقي ... سبني الله يخليك ... سبني يا حيوان انت .... يا كريييييييم
اخذها الي الغرفة محكمة الغلق ودفعها علي السرير وخرج واغلق الباب ورائه بالقفل