عاشقان بقلب واحد ( مكتملة )

الفصل الواحد والعشرون ( تملك )

في غرفة كريم
كريم وهو يتقلب علي الاريكة : هو فيه ايه ... ايه الكنبة دي ... بجد ضهري اتدمر
يتحدث مع نفسه وتاليا النائمة علي السرير تضحك بصوت منخفض فهي تعلم نيته
كريم : تاليا ... نمتي ؟ 
تاليا : لا ... فيه حاجة
كريم : ينفع انام جمبك ... لان ضهري اتشنج ومش عارف انام هنا
تاليا : تعالي يا حبيبي ....
كريم وهو لا يستوعب : أجي ... بجد .. انا سمعت صح
تاليا وهي تجلس علي السرير: آه بجد تعالي ... بس دول هيكونوا بينا
قالتها وهي تضع المخدات كحاجز بينهما ثم نامت

تحرك كريم وهو في قمة غصبه نحوها نظر اليها وهي نائمة قليلا ثم القي نفسه بتنهد علي الفراش

في الصباح
في بيت هايدي
استيقظت من نومها علي صوت الهاتف وما ان رآت اسم المتصل تنهدت واعتدلت علي الفراش وهي تمسك الهاتف
هايدي : الووو ......
يسرا : تعاليلي فورا ....
هايدي : خير يا ماما ... انا تعبانه شوية ومش هقدر أجي
يسرا : ساعة وتكوني عندي ... ومش عايزة نقاش
القت هايدي الهاتف بضيق علي الفراش وما ان خرجت من الغرفة سمعت صوت جرس الباب
هايدي بعد ان فتحت الباب : حسااام ...
حسام : ادخل ولا ....
هايدي : لا طبعا ... اتفضل
دخل حسام وجلس علي احدي الكراسي ثم اردف قائلا : انا اسف طبعا اني جيت كده فجأة من غير ميعاد
هايدي : لا متقولش كده ... عادي ... اخبارك ايه
حسام : الحمد لله بخير ... بصراحة انا حبيت اطمن عليكي ... يعني مش بتيجي الشركة بانتظام ... وأنا قلقت عليكي
هايدي بابتسامة : انا كويسة متقلقش ... اخدت اجازه كده من نفسي ... عايزه ارتاح شوية ... وانسي الي جرالي
حسام : مفيش بإيدك حاجة تعمليها ... هما اتجوزوا والموضوع انتهي
هايدي : آه صح ... ربنا يسعدهم

فرح حسام من حديثها فهي قد تقبلت الموضوع ولكن هذا ما تظهره ولا يعلم ما يدور بداخلها فهي لن تهدأ الي ان يعود اليها كريم

حسام : طيب انا همشي بقي ... اشوفك بكره في الشركة ... وطبعا لو احتاجتي اي حاجة كلميني
هايدي : اكيد طبعا ... متحرمش منك يا حسام ... وشكرا علي الزيارة الجميلة دي

في غرفة كريم وتاليا
استيقظ كريم من نومه وجد تاليا نائمة في حضنه ضحك بخفه ثم اشتد في احتضانها مما آفاقها
تاليا وهي تفتح عينيها : صباح الخير ... هي الساعة كام دلوقتي
كريم بابتسامة خبيثة وهو يعلم انها لم تفيق بعد : صباح النور يا كل عمري ... بجد اجمل ليلة قضيتها في حياتي ... وأنا عايز ايه غير تكوني في حضني دايما
تاليا وهي تبتعد عنه سريعا : كريم ... انا بعمل ايه في حضنك
كريم بضحك وهو ينظر الي حالها : وأنا هعرف منين انتي الي رميتي المخدات وجيتي في حضني
تاليا : كريم متهزرش ... انت كذاب... انت اكيد الي عملت كده صح
كريم وهو يعتدل في الفراش : وفيها ايه يا روحي ... المفروض ده مكانك ... هنا في حضني
تاليا بضيق : بس بقي يا كريم ... متعملش كده تاني
كريم بضحك : انا مش عارف عملت ايه غلط بس حاضر ... المهم انا عرفت هنسافر فين
تاليا : فين .....
كريم : ايه رأيك في فرنسا ....
تاليا : لا روحتها قبل كده ... وبعدين خلينا هنا في مصر
كريم : خلاص تمام ... نروح شرم
تاليا : موافقة ...
كريم وهو يعيدها الي حضنه مره اخري : معناها اتفقنا ... هحجز كل حاجة النهارده وبكرة نسافر ان شاء الله