عاشقان بقلب واحد ( مكتملة )

الفصل الثاني والعشرون ( جنون الغيرة )

في الجناح
استيقظت تاليا من النوم ولم تجد كريم بجانبها أخذت تبحث عنه في الجناح ولم تجده
تاليا علي الهاتف : انت فين يا كريم
كريم : كنت بتمشي شوية ... اجهزي وانزلي نفطر في المطعم
تاليا : انت كويس ...
كريم : ايوه كويس ... يلا شوية وهكون في الأوتيل
تاليا : تمام

في شركة مدحت
نور ( السكرتيرة ) : هايدي هانم ... هايدي هانم
هايدي وهي تلتفت لها : نعم ...
نور : صباح الخير
هايدي : صباح النور
نور : في واحد جه من شوية وسأل علي حضرتك ...
هايدي باستغراب : مين ده ....
نور : مش عارفة بس ساب لحضرتك الظرف ده
هايدي وهي تمسك الظرف : تمام يا نور ... شكرا
نور : العفو بعد إذنك

دخلت هايدي المكتب وما ان فتحت الظرف انصدمت مما رأت وسريعا ما اخرجت الهاتف من الحقيبة
هايدي علي الهاتف بغضب : ايه الي عملته ده يا متخلف انت ....
سامح : متخلف مره واحدة ....... اهدي علينا يا جمييييل
هايدي بعصبية : انت ازاي تبعت الصور دي كده ... افرض حد فتح الظرف وشافهم ...
سامح بصوت عالي : وهو ده الي انا عايزه ... عشان بعد كده تفكري قبل ما تتهربي مني ... دا تحذير بسيط ليكي ... المرة الجاية الصور دي واكتر كمان هتكون علي تليفون كل شخص في الشركة ... واولهم مدحت بيه ...فكري كده مع نفسك و طبعا عارفة توصليلي ازاي .... سلام يا جميل
هايدي وهي ترمي الهاتف بعنف علي الأرض : زبااالة ... ربنا ياخدك

في الأوتيل
تاليا بابتسامة وهي تقترب من كريم : كنت فين ... قلقت اووي عليك
كريم وهو يحتضنها : انا كويس متقلقيش ...  زي ما قلتلك اتمشيت شوية
... تعالي
أمسك كريم يدها وذهب بها بإتجاه المطعم وما ان جلسوا
تاليا : كريم ... هو بابا كلمك تاني
كريم باستغراب : لا ... بتسألي ليه
تاليا : عادي ... بصراحة انا حاساك متغير من وقت ما جينا ومش عارفة ليه ... عشان خاطري متخبيش اي حاجة عليا
كريم : مفيش اي حاجة من الكلام ده يا روحي ... ايه رأيك نروح البحر بعد الفطار قالها لتغيير الحديث
تاليا بعدم تصديق : تمام ... نروح بعد الفطار

في فيلا توفيق
جومانة وهي تتحرك في الغرفة بطريقة عشوائية : ماشي يا يوسف ... براحتك ... لا براحتك ايه ... انا تعمل معايا كده ... استني بس عليا وشوف هعمل معاك ايه

بعد دقائق سمعت صوت سيارة جرت علي النافذة لتتأكد إذا كان هو وفرحت عندما وجدته ينزل من السيارة

دخل يوسف واستقبلته سوزان بترحاب
سوزان : اخبارك ايه يا حبيبي
يوسف : الحمد لله ... اخباركم ايه
سوزان : الحمد لله ... غريبه يعني بقالك كام يوم مش بتيجي ... متخانق مع جومانة ولا ايه
يوسف : لا طبعا ... انتي عارفة تجهيزات الفرح وكده ... مشغول دايما يعني
سوزان : اهاا يا روحي ... ربنا يتمم بخير

نزلت جومانة ثم نظرت اليه بطرف عينيها وما استغاظها اكثر انه لم ينظر اليه
جومانة بضيق : انا جاهزة
يوسف وهو ينظر الي سوزان : تمام ... عايزة حاجة يا سوزان هانم
سوزان : تسلم يا حبيبي ... متتأخروش ... هستناكم علي العشا
يوسف : ان شاء الله ... بعد إذنك