عاشقان بقلب واحد ( مكتملة )

الفصل العشرون ( حبك اغلي ما ليا )

في مكتب عمرو
طرقت جومانة علي باب مكتبه وما ان إذن لها فتحت الباب ثم أردفت قائلة : ممكن ادخل ....
عمرو وهو يقف : ايه ده بجد ... تعالي
جومانة وهي تقترب منه بابتسامة : اخبارك ايه ...
عمرو وهو يقف أمامها : الحمد لله ... ايه المفاجأة دي ...
جومانة : بصراحة كنت عايزه أتكلم معاك في موضوع كده ....
عمرو وهو يجلس علي الكرسي : مفيش مشكلة ... اتفضلي اقعدي ...
جلست جومانة علي الكرسي المقابل له ثم أردفت قائلة بتوتر : عمرو ... انا بصراحة مش عارفة أصارحك ازاي ... بس في حاجة لازم تعرفها
عمرو : مش فاهم ....
جومانة : بصراحة انا كنت بحب زميل ليا في الجامعة  ... بس هو سافر ومكنتش اعرف عنه حاجة ... انا فقدت الأمل ان ممكن نرجع لبعض ... وبعدين ....
عمرو سريعا : وبعدين رجع ... صح
جومانة : عمرو انا اسفه ... انا بجد فكرت اني نسيته ... بس اما شفته ... عرفت انا مش هحب غيره
عمرو : طيب وأنا ... والكلام الي بينا ... الحب الي حسيته منك
جومانة : صدقني ... لو مكنش رجع ... كنت ....
عمرو وهو يقف : عايزاني اعمل ايه
جومانة : عمرو ...
عمرو : خلاص يا جومانة ... انتهي ... هكلم باباكي النهارده ...
جومانة : انا بجد بجد اسفة ....
ثم خرجت من مكتبه وهو يقف مكانه في حالة ذهول فكيف تفعل هذا به ؟ وهو قد عشقها

بعد شهر

يقف كريم ينتظر خروج تاليا بقلق من الكلية فهذا اخر امتحان لها وبعد دقائق خرجت تاليا ومعها سارة وما ان رأت كريم ابتسمت وجرت عليه واحتضنته

كريم : عملتي ايه يا حبيبتي ...
تاليا : الحمد لله ... كان سهل جدا ...
كريم : طب الحمد لله ... هااا نروح نتغدي في اي مكان ....
تاليا : تمام ... هكلم سارة وهجيلك
ثم ذهبت باتجاه سارة وعلي ثم أردفت قائلة : سارة ... انا هروح مع كريم نتغدي بره ... تيجوا معانا
علي : لا يا حبيبتي مع نفسكوا ... عندنا بروجرام خاص بينا
سارة بضحك : خلاص يا علي بقي ... روحي انتي يا قلبي ... تاليا ...
اقتربت سارة منها ثم أردفت قائلة : متزعليش كريم عمل عشانك كتير متنسيش كده ... تمام
تاليا بابتسامة : حاضر ... يلا سلام
ثم ركبت السيارة مع كريم وتوجهوا الي احدي المطاعم

في فيلا توفيق
سوزان : عشان خاطري يا توفيق ... عشان خاطري ... اعزمهم بكرة عندنا
توفيق : لا يا سوزان ... مش هيحصل
سوزان : ليه يا توفيق ... ليه ... كريم حاول يراضيك كتير وانت مفيش خالص ... ليه كده ... يا حبيبي دي تاليا .. ايه نسيتها
توفيق بعصبية : عشان دي تاليا ... مستحيل اقبل بالجواز ده ... عايزه تراضيني ... معناها تبعد عن كريم
ثم غادر الفيلا وتوجه الي الأوتيل وهو في قمة غضبه

في المطعم
كريم بضحك : تحبي اطلبك حاجة كمان يا روحي ....
تاليا بضيق مزيف : كريم الله ... انا علي فكرة مش باكل كتير كده ... بس عشان فرحانة باكل كتير
كريم بخبث : طيب لو زعلانه بقي ....
تاليا بضحكة عاليه : باكل كتير برده ...
نظر كريم اليها بحب ثم اردف قائلا : هااا.... طبعا خلصتي ... هنسافر بقي زي ما اتفقنا
تاليا : بس .....
كريم : مفيش بس ... هنسافر يعني هنسافر
تاليا : طيب علي فين ...
كريم : اما نروح البيت ونتفق ...