عاشقان بقلب واحد ( مكتملة )

الفصل الرابع والعشرون ( خيانة )

ذهبت تاليا وحلا بجانب جومانة علي الإستدج وبعد دقائق نظرت تاليا الي كريم وجدت هايدي تقف معه وتضحك بطريقة مستفزة أسرعت باتجاههم وما ان رآتها هايدي تحركت باتجاهها وهي تبتسم بخبث
تاليا بغضب واضح : كريم دي كانت معاك بتعمل ايه ...
كريم : مفيش يا حبيبتي ... كانت بتسألني عن حاجة في الشغل
تاليا بضيق : كريم انا مش عايزه نتخانق هنا ... اما نروح هنتكلم
كريم وهو يحاوط خصرها بيده : حبيبتي بلاش الوش ده بقي ... هاااا هنمشي
تاليا : نمشي ايه يا كريم ... لسه بدري ... الله يا كريم انا بحب الأغنية دي اووي ... تعالي نرقص اسلو
كريم بحب : متخليها في البيت واحنا لوحدنا
تاليا بتذمروهي تمسك يده : يلا بقي يا كريم بلاش هزار

علي طاولة هايدي
حسام : مالك سرحانه في ايه
هايدي بضيق : مفيش ... انا هروح التواليت
حسام وهو يمسك يدها : هايدي ... خلينا نرقص مع بعض ... لو تسمحي يعني
هايدي وهي تبعد يده : لا يا حسام ... بلاش تقرب مني لو سمحت ... مش عايزه اجرحك تاني ... انا همشي لان بصراحة مخنوقة من هنا ... سلااام

في شقة كريم
تاليا وهي تلقي بنفسها علي الفراش : آاه يا كريم بجد كانت ليلة جميلة
كريم وهو ينام بجانبها وينظر اليها بعشق  : عقبالنا ...
تاليا بعدم فهم : عقبالنا ازاي يعني ...ليه احنا مش متجوزين
كريم : متجوزين صح ... بس انا هعملك احلي فرح ... انا بس عايز اشوفك فرحانة دايما
تاليا وهي تحتضنه : بحبك اووي يا كريم ... بحبك اوووي

في فيلا ادهم
حلا : ادهم انا هنيم الأولاد
ادهم : ماشي يا حبيبتي

في غرفة ادهم وحلا
ادهم وهو يجلس علي الفراش : هااا ... ناموا
حلا : اه ناموا الحمد لله ... تعبوا اوي النهارده
ادهم : صح كلنا تعبنا ... تعالي
حلا وهي بين احضانه : ادهم ... كنت عايزه أسألك علي حاجة
ادهم : اسألي .....
حلا : في حنة جومانة فرح اختك جات ... وبعدين باركتلها وكده ... بس قالت حاجة كده غريبه
ادهم : قالت ايه ....
حلا : قالت ان هي وعمرو بيحبوا بعض وهيتجوزوا قريب
ادهم وهو يعتدل في الفراش : نعم ... انتي بتقولي ايه ... فرح قالت كده
حلا : اه والله جومانة الي قالتلي .... وأنا هكذب ليه
تمالك ادهم نفسه وأخذ حلا في حضنه مره اخري ثم اردف قائلا : فرح دايما كده ... متفهميش هي عايزه ايه ... بس لازم افهم الموضوع ... متشغليش بالك انتي يا حبيبتي
حلا : طيب ....

في الجناح
يوسف بعد ان دخلت جومانة واغلق الباب اردف قائلا : اتفضلي ادخلي نامي ... انا هنام هنا
جومانة بضحك : بتقول ايه يا يوسف ... بلاش هزار
يوسف ببرود وهو يجلس علي الاريكة : ومين الي قال اني بهزر ... يلا اتفضلي ومش عايز كلام كتير
جومانة : لا ده شكله بجد ... انت اكيد اتجننت
يوسف وهو يتحرك باتجاهها سريعا ويشير لها بإصبعه : مره تانيه هتتكلمي  معايا كده هتزعلي ... وبلاش تجربيني
جومانة وهي تبكي : يوسف ... انت بتعمل معايا كده ليه ... انا عملت فيك ايه
يوسف بضحك : عملتي ايه ... انتي مفكره ان ممكن انسي انك اتخطبتي لواحد تاني ... لا وخروجات وسهر وكلام طول الليل ... ايه أتفاجئتي .... تحبي تشوفي صورك وانتي معاه ... انا كنت عارف كل خطوة انتي بتخطيها .... وده من سوء حظك
جومانة ببكاء مرير : والله يا يوسف انا بحبك ... وبعدين انت الي بعدت ... ومكنتش بتكلمني ولا كنت اعرف عنك حاجة ولا عارفة أوصلك ... بس انت دايما معايا في قلبي ... عشان خاطري انسي
يوسف وهو يتحرك باتجاه النافذة : انا قلت الي عندي ... اتفضلي .... اه صح محدش هيعرف حاجة وإلا .....
قالها وهو ينظر اليها نطره اخافتها بشده فتحركت سريعا باتجاه الغرفة وارتمت علي الفراش تبكي الي ان اخذها النوم