عاشقان بقلب واحد ( مكتملة )

الفصل الرابع عشر ( عشق )

في مكتب كريم
هايدي وهي تدخل مكتب كريم بغضب : كريم ... ممكن افهم مش بترد عليا ليه من امبارح ... علي اساس كنت هتيجي بعد الشغل ... للدرجة دي انا مش في بالك

كريم وهو يتحرك باتجاهها : ممكن تهدي عشان نعرف نتكلم
هايدي : هنتكلم في ايه يا كريم ... انت متغير ليه الايام دي ... ايه الي حصل
كريم : هايدي لو سمحتي اقعدي كده ... هايدي ... انا بصراحة ... بصي انا عارف ان ممكن متتقبليش كلامي بس انا هقولك الي في قلبي .... هايدي احنا مش هنعرف نكمل مع بعض

لفت الدنيا بها ودارت فهل ما سمعته صحيح ؟ هل يريد ان ينفصل عنها ؟ ولكن كيف ؟ ولماذا ؟ ايعقل ان يكون عرف كل شئ

هايدي بذهول : انت بتقول ايه ... مش فاهمه لا بجد مش فاهمه ... انت بتنفصل عني ... انت عايز تسيبني ... عايز تتخلي عني ... كريم انت بتقول ايه ... انت عايز تجنيني
كريم : هايدي انا اسف بس علاقتنا غلط من الأول ... انا قلت ان مع الوقت هحبك بس مش عارف ... مش عارف ابادلك الشعور ... انا فعلا اسف
هايدي بضيق : كل ده بسببها صح ... بسبب البت الحقيرة دي جات يومين الشركة قلبت كيانك صح ... لعبت عليك ... بجد شابوووه ليها
كريم بنفاذ صبر : هااايدي ... اتكلمي عنها كويس ... وهي ملهاش علاقة بالموضوع
هايدي بعصبية : لا ليها يا كريم ... وأنا مش هسمحلها تأخذك منك
كريم وهو يمسك يدها : هايدي ... تعالي نروح مكان هادي نشرب حاجه ونتكلم علي رواقة
هايدي وهي تضع يديها علي صدره : كريم انا بحبك .. مقدرش ابعد عنك .. مش هقدر ممكن اموت لو بعدت عني ... تعالي نبدأ من الأول وأنا هنسي كل الكلام الي قولته دلوقتي ... انا واثقة انك بتحبني

كريم وهو يمسك يديها ويبعدها عنه : هايدي صدقيني هتنسيني واكيد هتقابلي حد احسن مني ويستاهلك
هايدي : يعني كده يا كريم ... تمام بس هتندم ... كون متأكد من كده ... بعد إذنك

في المساء
اتي كريم الي فيلا عمه وجلس مع تاليا في الحديقة يذاكر معها
كريم : هاااا فهمتي ... ولا مش بعرف اشرح
تاليا بابتسامة ساحرة : لا فهمت ... بس ...
كريم وهو يقترب منها : بس ايه يا تالي ...
تاليا : كريم بصراحة انت طول الوقت بتبصلي وأنا بتحرج
كريم بضحكة عالية : الجميل بيتحرج ومني كمان ... يا بنتي وانتي صغيرة كنتي بتنامي في حضني
تاليا بضيق : انت قليل الأدب
كريم : انا ... ربنا يسامحك ... دا حتي نيتي خير
تاليا : آه واضح

سوزان وهي تتجه ناحيتهم : هاااا يا كريم خلصتم ولا لسا
كريم : آه خلصنا ...
سوزان : بما ان كده يلا علي العشا

تحرك كريم وخلفه تاليا وسوزان

سوزان : اتفضل يا كريم وأنا هطلع لجومانة أشوفها جهزت ولا لأ

كريم وهو ينظر الي تاليا : جهزت ... هو في مناسبة ولا حاجه
تاليا بابتسامة : لا دا عريس ...
كريم : لا والله طيب ربنا يوفق
تاليا بضحك : يارب ... لان ماما قالت لو اعترضت هتجوزهولي
نظر اليها نظرة اخافتها ثم اردف قائلا : واضح حضرتك ان مفيش عندك اعتراض
تاليا : كريم ..........
وقبل ان تكمل كلامها نزلت سوزان ومعها جومانة وبعد دقائق وصل توفيق وبعده ابتسام وعمرو
سوزان وهي تستقبلهم علي الباب وكذلك توفيق : أهلا أهلا ... ازيك يا ابتسام ...
ابتسام : ازيك يا حبيبتي ...ازيك يا توفيق بيه  اخباركم ايه ... عمرو ابني
سوزان : ازيك يا عمرو يا حبيبي
عمرو : الحمد لله ... اتشرفت بحضرتك يا سوزان هانم
توفيق : ما شاء الله والله وكبرنا يا عمرو ... ازيك يا ابني
عمرو : الحمد لله يا عمي ... ربنا يخليك
سوزان بابتسامة : اتفضلوا ....