عاشقان بقلب واحد ( مكتملة )

الفصل الثالث عشر ( اعتراف )

خرجت تاليا مع كريم جلست علي الكرسي ووقف كريم بعيدا عنها ظلت تنظر اليه بين الحين والآخر الي ان فجأة وقف أمامها وامسك يدها وذهب بها بعيدا

تاليا : انت بتعمل ايه يا كريم ... سيب ايدي ... انت واخدني علي فين
كريم وهو يقف أمامها قائلا بصوت عالي : خلاص ... خلااااص مش هقدر ... مش هستحمل فاهمة ... مش هستحمل اشوفك مع حد تاني ... اقتله واقتلك أنتي فاهمه ... اقتلك
تاليا بابتسامة : يعني افهم من كدة ايه ... آه كريم انت .... انت ... مش فاهمة .... قولها عشان خاطري ... قولها

وضع كريم قبلة بجانب شفتيها ثم همس في أذنها بطريقة عشقتها : بحبك ... بحبك بجنووون ... مش ههرب اكتر من كده ... ثم بعد عنها وقال وهو ينظر اليها : بحبببببببك ... بحبك يا تالي
ارتمت تاليا في احضانه سريعا وأخذت تبكي بشدة حاول تهدئتها فأردف قائلا بابتسامة : خلاص بقي ... خلاص انا اسف انا مش بحبك ياستي

بعدت عنه سريعا وضربته في صدره بخفة واردفت قائلة بتذمر: لا انت بتحبني وأنا عارفة كده
اقترب منها كريم كثيرا وثم قال بهمس : عارفه ازاي بقي ...
تاليا بابتسامة وهي تنظر الي الأرض : يعني قلبي قالي كده ... ان انت بتحبني
كريم بخبث وهو يقترب من شفتيها : طيب قالك انا عايز ايه دلوقتي ....
ابتعدت عنه سريعا ثم أردفت قائلة بضحك : انا هروح اشوف سارة وعلي ليكون قتلوا بعض
كريم بصوت عالي : اهربي اهربي ... بس هتروحي مني فين

في الداخل عند سارة وعلي
علي : عملتي ايه مع ابن عمك ده
سارة وهي لا تنظر له : لسه معملتش حاجه
علي : يعني ايه ....
سارة بغضب : يعني لسه يا علي مش عارفه اعمل ايه ... مش عارفة اراضيك ولا أراضي نفسي ... اروح واخد حقي منهم ولا مروحش ... عشان.... انا مقدرش ابعد عنك
وقف علي وأخذها في حضنه ثم اردف قائلا : انا اسف يا سارة ... اسف ... انا عارف ان أسلوبي مكنش كويس بس صدقيني من حبي ليكي ... انا مقدرش اشوفك قريبة من حد غيري ... مش بخنقك ولا حاجه انا بس بغير عليكي
سارة وهي في حضنه : انا آسفة يا علي .... خلاص لو هيرضيك ان مروحش .. خلاص مش هروح ... المهم متزعلنيش تاني ... انت عارف لو زعلتني تاني هعمل فيك ايه ......
علي بضحك وهو ينظر اليها : هااا هتعملي ايه ...
سارة وهي تضع يدها علي رقبته : هخنقك كده ....
علي بتصنع وهو يجلس علي الأريكة : هتموتيني يا مجنونه ... ااااه
سارة بخوف : علي ... علي انت كويس
لم يجب عليها وشعرت بالخوف عليه فكادت ان تبكي الي ان قال علي : هاااا هتفكري تخنقيني تاني ....
سارة وهي ترتمي في احضانه : انت عارف انك رخم ودمك تقييييل
علي : عارف ... بس بتحبيني

في بيت كمال
عليا : فرح علي فين كده
فرح : هيكون فين يعني ... هسهر مع أصحابي
عليا : انتي شكلك اتجننتي ... انتي عارفه لو اخوكي عرف هيعمل ايه
فرح بلامبالاة : هيعمل ايه يعني ... قلتلكوا مليووون مره انا حره ... بعد إذنك بقي
عليا : فرح .... فرح آه منك ... ربنا يستر واخوكي ميعرفش