عاشقان بقلب واحد ( مكتملة )

الفصل الخامس عشر ( اعتراض )

بعد أسبوع

وصل كريم فيلا عمه بانتظار تاليا ليوصلها الي الكلية مثل كل يوم ولكنه هاتفها كثيرا ولم تجب عليه وبعد قليل خرجت سوزان
سوزان : كريم ... ازيك
كريم : الحمد لله بخير ... ازي حضرتك
سوزان : الحمد لله ... تعالي ادخل تفطر معانا
كريم : لا انا جاي بس عشان أوصل تاليا الكلية ... هي لسه مجهزتش
سوزان : لا ما هي مش هتروح الكلية
كريم : ليه ... هي تعبانة
قالها بخوف شديد عليها
سوزان : لا هي كويسه ... بس دا عقاب ليها ... تعرف يا كريم انها بقالها بالظبط أسبوع مش بتروح الكلية ... غريبة صح
كريم بتعجب : نعم .. ازاي يعني مبتروحش ... انا بوصلها كل يوم لباب الكلية
سوزان : بصراحة وأنا كمان استغربت الموضوع ... بس برأيك تهرب ليه ... بتحب حد مثلا و.....
كريم سريعا بضيق : مفيش حاجه من الكلام ده يا سوزان هانم
سوزان بغضب : كريم ... انا هقفل الموضوع دلوقتي طبعا انت عارف خطوبة جومانة النهارده ومش عايزة اي حاجه تضايقنا ... بس صدقني مش هعديه كده بسهولة

تركته سوزان ودخلت البيت بينما ظل كريم مكانه يفكر كيف ؟ كيف هذا ؟ فهو يوصلها الي البوابة احضر هاتفه واخد يرن عليها ولكنها لم تجب عليه

في شركة ادهم
ادهم يجلس في مكتبه ومعه حلا وعمرو
حلا بضحك : بقي يطلع منك كل ده يا عمرو ... انت تقدر تقنع جومانة بالجواز ... بجد مش مصدقة لحد الآن
ادهم : بصراحة ولا انا .... يعني جومانة وعمرو مش راكبة خااااااص
.... هاهاهاهاهاهاها
عمرو بضيق : ايوة ايوة اضحكوا اوي ... إنتوا أصلا أعداء النجاح ... بعدين جومانة أختك مش شبهك خالص ...
حلا باستغراب : ازاي بقي ... من اي اتجاه
عمرو : يعني بحس انها مش بتحب تتكلم مع حد غريب ... رقيقة وكيوت
ضحك ادهم وحلا بصوت عالي علي كلامه
حلا : انت بتقول ايه يا بني ... جومانة مش بتتكلم .. دا جومانة مصاحبة الجامعة كلها ... وكمان كيوت شكلك واقع علي شوشتك
عمرو : بجد ... امال بتعاملني كده ليه ... كلامها قليل اوي معايا ....
حلا : شوية بس اما تاخد عليك وهتزهقك في عيشتك
ادهم باستفزاز : خلاص بقي اقفلوا الموضوع ... ونشوف شغلنا عشان العريس يلحق يجهز ..
عمرو : ماشي يا خفيف ...

في الجامعة
خرج علي وسارة من المدرج بعد انتهاء المحاضرة
سارة : علي انا هروح اشوف تاليا .. برن عليها مش بترد
علي : متقلقيش كده ... ممكن مشغولة في التجهيزات ولا حاجه ... مش خطوبة اختها النهارده
سارة : ايوة بس ....
علي : ولا بس ولا حاجه ... خلينا مع بعض النهارده ونروح الخطوبة مع بعض ... قولتي ايه
سارة برقة : هقول ايه ... موافقة طبعا
علي وهو يمسك يدها : بحبك .....

في مكان اخر
ليلي : انت بتقول ايه ... يعني بجد خطوبتها النهاردة
مصطفي : ايوة ومتأكد كمان ...
ليلي : طيب معناها لازم الليلة تبوظ ... وانت هتكون معايا
مصطفي : طب ليه مش كنتي عايزاها تبعد عن حبيبك وخلاص .. وجاتلك الفرصة لحد عندك وهو اكيد اما يعرف مش هيطيق يبص في وشها
ليلي : انت مش عارف حاجه ... هو مش لازم يعرف .. لو عرف اكيد هينزل مصر ... ولازم انتقم منها الأول ... انا مستحيل انسي الي عملته معايا ... هاااا هتساعدني .....
مصطفي : هنعمل ايه ..........