عاشقان بقلب واحد ( مكتملة )

الفصل الثاني عشر ( مواجهة )

في سيارة كريم
كان كريم ينظر الي تاليا الجالسة بجواره بين الحين والآخر كانت شاردة تفكر في ما قاله له أحقا يعتبر نفسه ابن عمها فقط ومسئول عنها ؟ لم تقتنع بذلك
كريم : كلمتي سارة ؟
تاليا : ايوة كلمتها ... قلتلها ان انا مخنوقة وهروح بيت المزرعة وأنها تجيلي هناك
كريم : طب تمام ... وعلي ؟
تاليا : الله يا كريم انت مكلمتوش
كريم باستغراب : لا ما انتي مقولتيش أكلمه
تاليا : اكيد بتهزر ... ممكن توقف العربية وتكلمه
كريم وهو يوقف السيارة : حاضر

في فيلا ادهم
نزل ادهم سريعا من السيارة ودخل البيت وظل ينادي عليها ولكنها لم تجب وعندما دخل الغرفة الخاصة بهم
ادهم : انتي بتعملي ايه ؟
حلا ببرود : وانت مالك ؟ ... انا سألتك انت بتعمل ايه ولا بتقابل مين
ادهم :  مش فاهم ... فيه ايه يا حلا ... ممكن تسيبي الي انتي بتعمليه وتكلميني زي ما بكلمك
حلا وهي تكمل وضع ملابسها في الحقيبة : مفيش حاجه نتكلم فيها يا ادهم ... خلاص انتهي
ادهم بعصبية وهو يمسك يدها : هو ايه الي انتهي ... ايه الي حصل لكل ده ...
حلا وهي تبعد يده بعصبية : انت فاكر يا ادهم انا قلتلك ايه أول ما اتجوزنا ... لو البنت دي قربت منك تاني تنسي الي كان بينا
ادهم بضيق : لا والله بالسهولة دي ... واضح ان علاقتنا مش فارقة معاكي تكمل تنتهي مش فارقه معاكي صح ... طيب يا حلا رغم حبي وعشقي ليكي بس انا مش هبرر اي حاجه انا عملتها لان انتي اخدتي موقف وقررتي تنهي العلاقة حتي قبل ما تفهمي الي حصل تعرفي ليه لان عمرك ما حبتيني ... اعملي الي يريحك
ثم تركها وغادر المنزل بأكمله وظلت واقفه مكانها تبكي علي حالها ولا تعرف ماذا تفعل ؟ فحقا هي تسرعت في الحكم عليه ولكن ماذا تفعل فهي تخاف ان تفقده او ينظر الي غيرها وخاصة هذه ؟ فهي تعشقه ولكنها قليلا ما تخبره بذلك

في فيلا شريف ( زوج والدة كريم )
شريف : خير ... علي فين العزم ان شاء الله
كاريمان : هروح اشوف كريم ... وحشني اووووي
شريف : وهو كان بيسأل عليك ... مش انتي أمه برده ولا انا بيتهيألي
كاريمان : شريف لو سمحت متفتحش في الي فات تمام ... لان انت السبب في بعده عني
شريف وهو يقف مكانه : السبب ... السبب ازاي بقي ان شاء الله ... كان لازم يتربي عشان يعرف هو بيكلم مين
كاريمان : هو ليه أب يربيه مش انت يا شريف الي هتربيه ... بعد إذنك
غادرت البيت وهي في قمة غضبها منه علي الرغم من انه من اخطأ في حق ابنها ولكن ماذا تفعل ؟ لم تستطع ان تنفصل عنه لتجنب شره ولتبعده عن كريم

في سيارة كريم
رن هاتف كريم نظرت اليه تاليا وما ان رأت من المتصل تغيرت ملامحها الي العبوس فتدارك كريم الأمر
كريم : الووو ...
هايدي : كريم حبيبي انت فين ؟
كريم وهو ينظر الي تاليا : خرجت من الشركة وهروح لواحد صاحبي
هايدي : يعني مش هتجيلي انا محتاجاك اوووي
كريم : والله يا حبيبتي كنت هجيلك بس هو في مشكلة ولازم اقف جمبه ... أنتي كويسه
هايدي : ايوه يا روحي كويسه  ... طيب اما تخلص معاه ممكن تيجي ... انت وحشتني اووي
كريم بصوت منخفض : وانتي كمان ... تمام ان شاء الله ... سلام