عاشقان بقلب واحد ( مكتملة )

الفصل الحادي عشر ( جنون )

في احدي الفنادق التابعة لتوفيق الهادي
هايدي وهي تتوجه الي احدي الطاولات : انت اتجننت انت ازاي تجيبني هنا ... انت عارف المكان ده بتاع مين
سامح ببرود : مفيش ازيك يا حبيبي وحشتني ولا اي حاجه كده يا حلوة
هايدي : سامح بلاش استفزاز ... انت حابب تلعب معايا صح ... معناها انت لسه متعرفنيش كويس
سامح : اهدي علينا يا حلوة كده واقعدي عشان نتفاهم
هايدي : انا مش هعد انا لازم امشي قبل ما حد يشوفني
سامح وهو يقف أمامها : وأما انتي خايفة كده جيتي ليه ... أحسنلك تقعدي وإلا انتي عارفه ممكن اعمل ايه
هايدي بخوف وهي تنظر حولها : طيب علي الأقل نروح مكان تاني ... انا خايفه عم كريم يشوفنا مع بعض وهتبقي مشكلة
سامح بابتسامة مستفزه : متخافيش يا دودي محدش هيشوفك لان كده كده مش هنكمل قعدة هنا
هايدي : طيب انا هخرج استناك .....
سامح سريعا وهو يشير الي الطاولة : ده رقم الاوضة الي هنكمل فيها كلامنا ... تطلعي بعدي بشوية عشان محدش يشوفك
هايدي بتوتر : لا يا سامح مش هعرف ... مش هعرف
سامح : قدامك ربع ساعة وتكوني في الاوضه وإلا هتخسري حبيب القلب ومش كده وبس هتخسري كل حاجه ... سلااااام

جلست علي الطاولة وظلت تفكر كيف تتصرف ؟ كيف تزيحه من حياتها التي قلبها رأسا علي عقبا ؟ ولكن ليس بيدها شئ سوي ان تسمع كلامه حتي تجد الطريقة المناسبة
وبعد دقائق توجهت الي الاسانسير لتصعد الغرفة وما ان فتح الاسانسير وجدت أمامها توفيق
توفيق باستغراب : هايدي ....
هايدي بتوتر : ازيك يا اونكل توفيق
توفيق : الحمد لله ... بتعملي ايه هنا كريم معاكي هنا
هايدي بخوف : لا مش معايا ... يعني ... انا جيت هنا عشان اشوف واحدة صاحبتي
توفيق : مين صاحبتك دي عشان نعملها الواجب
هايدي : لا ... قصدي مفيش داعي لان هي هتسيب الأوتيل النهارده ... هترجع بلدها يعني
توفيق : آه تمام ... طيب معلش لازم امشي ولو احتاجتي اي حاجه انتي عارفة انا فين ... وسلميلي علي كريم
هايدي : حاضر ... بعد إذنك
انتظرت الي ان غادر حتي ذهبت سريعا الي الغرفة وأغلقتها ورائها بخوف

في مكتب كريم
ظل كريم يقترب منها وهي تبتعد حتي التصقت بالجدار فحاوطها بكلتا ذراعيه
كريم : هااااا هتروحي لبابا ولا لأ
تاليا بتوتر : لا مش هروح ... ومش هسيب حسام
كريم بغضب وهو يلكم الجدار بجانب أذنها بطريقة اخافتها : بطلي تقولي هسيب الزفت ده انتي فاهمه ... انتي فاهمه
تاليا بخوف : لا مش فاهمه هتعمل ايه يعني ...
تمالك كريم أعصابه واقترب منها اكثر وثم همس في أذنها : هعمل كتير أوي يا تالي ... تحبي تشوفي
حاولت ان تبعده عنها ولكنها لم تستطع
تاليا : كريم عشان خاطري ابعد عني بقي ..
كريم ببرود : مش هبعد قبل ما اسمع الي انا عايزه
تاليا وهي تراه يقترب اكثر : خلاص .. خلاص حاضر هعمل الي انت عايزه
ابتعد كريم عنها وهو يضحك : انتي عارفة انك بتكوني حلوة اوي اوي وانتي خايفة
تاليا بعصبية : وانت عارف انك واحد مجنون ومستفز وكمان ....
وقبل ان تكمل كلامها نظر اليها نظرة ارعبتها فتوجهت سريعا نحو الباب ثم أردفت قائلة : افتح الباب
كريم وهو يقترب منها : اسمها افتح الباب
تاليا بضيق : ممكن تفتح الباب يا كريم بيه
كريم بضحك : تحت امرك يا تاليا هانم