عاشقان بقلب واحد ( مكتملة )

الفصل الخامس ( تجاهل )

بعد انتهاء العشاء
في سيارة كريم
هايدي : كريم انا مش قادرة اصدق ان البنت دي تكلمني كده
كريم بغضب : هايدي دي بنت عمي لو كنتي نسيتي مش واحدة من الشارع
هايدي : آه طبعا بنت عمك وحقك متسمحش بكلمة عليها ... إنما انا فين حقي ... وبعدين قبل ما تعمل عشانها كده اعرف الأول هي عملت ايه
كريم : مش فاهم عايزه تقولي ايه
هايدي : عايزاها تعتذر مني
كريم : هايدي قولي عملت ايه
كذبت هايدي عليه فقد أخبرته بالقصة التي ألفتها
كريم بغضب واضح علي ملامحه : انت بتقولي ايه ... مستحيل تعمل كده انا عارفها كويس
هايدي : يعني مش مصدقني ... وأنا هكذب ليه
صمت كريم ولم يتحدث معها طول الطريق ثم أوصلها الي بيتها وتحرك سريعا علي فيلا عمه توفيق

في غرفة تاليا
تاليا : طيب هتعملي ايه
سارة : مش عارفة اعمل ايه ... علي متعصب وبرن عليه مش بيرد عليا .. انا بحبه يا تاليا ... بس في نفس الوقت عايزه حقي
تاليا : انا فاهماكي اكيد هيكون في حل ان شاء الله ... بكرة في الكلية نفكر مع بعض ونشوف هتعملي ايه
ساره بتنهد : ان شاء الله ... سلام
ثم اغلقت تاليا معها وفجأة فتحت والدتها الباب
سوزان بغضب : ممكن افهم ايه الي عملتيه ده
تاليا : انا معملتش حاجه انا اتخنقت وخرجت اتمشي شوية وبعد كده روحت البيت
سوزان : مش المفروض تقولي
تاليا : ماما انا ....
سوزان : انتي الايام دي مش عجباني ... والي في دماغك دا لازم تشيليه ... لان عمره ما هيتحقق
تاليا : قصدك ايه
خرجت سوزان دون ان ترد عليها وتركت الباب مفتوح
أمسكت تاليا الباب وأغلقته بعنف وارتمت علي فراشها تبكي علي حالها فهي حقا تشفق علي قلبها الذي يعشق من لا يستحق

في غرفة نوم سوزان وتوفيق
توفيق وهو يجلس علي الفراش : ها عملتي ايه مع جومانة
سوزان : هتروح عند خالتها طول فترة الفصل ... ومش عايزه اعتراض لو سمحت
توفيق بضيق : بس انا متأكد وواثق ان كله افتراء وبعدين احنا اتكلمنا وأتفقنا ان هروح بكرة الكلية وافهم ايه الي حصل
سوزان : طبعا لازم نروح ... ولازم اعرف مين الي عمل كده فيها
توفيق : بما انك متأكدة انها معملتش حاجه ... ايه لزوم العقاب
سوزان : لازم تتعاقب وتتعلم المسئولية شوية

في بيت ادهم وحلا
حلا وهي تصعد السلم : ادهم انا هروح اشوف الأولاد
ادهم : تمام يا حبيبتي
اطمئنت علي اولادها ثم توجهت الي غرفة نومهم
ادهم وهو يتحرك نحوها بسرعة ثم احتضنها بشده
حلا بابتسامة : ادهم .. ادهم مالك
ادهم بضحك : تعرفي ان بحبك اوي وانتي بتغيري عليا
حلا بدلع : امته ده انا مش بغير علي فكرة
ادهم وقد اصدر ضحكة عالية : واضح واضح
حلا : خلاص بقي يا ادهم ... الله
ادهم : انا بعشقك ... مستحيل اتخيل حياتي من غيرك ... عشقتك من اول يوم شفتك فيه ...
ثم وضح قبلة رقيقة علي جبينها ونظر بداخل عينيها ثم اردف قائلا : ايه رأيك نقضي اليوم بكرة مع بعض ... ونكون لوحدنا
حلا بابتسامة وهي تحرك يدها علي وجهه : والشغل ...
ادهم : مش مهم أنتي اهم عندي من اي حاجه
حلا بخبث وهي تتحرك باتجاه الخزانة : خلاص ... والأولاد كمان يغيروا جو
ادهم بضيق : نعم ...
التفتت حلا اليه وقالت : امال ايه يا حبيبي ... مينفعش نسيب الأولاد لوحدهم
ادهم : حبيبتي ما عايدة هانم معاهم طول اليوم