عاشقان بقلب واحد ( مكتملة )

الفصل السادس عشر ( زواج )

في غرفة جومانة
عمرو وهو يجلس علي الأريكة وينظر الي جومانة بحب التي تقف امام المرآة تنظر الي نفسها فقد كانت ترتدي فستان احمر لفوق الركبة و بكم واحد ثم نظرت الي عمرو الذي اردف قائلا : لو مش عايزة تنزلي ... مفيش مشكلة ... انا هنزل وأتكلم مع والدك وننهي الموضوع
جومانة وهي تلتفت اليه : لأ ... لأ يا عمرو ... انا عايزة ندي لنفسنا فرصة نقرب من بعض ... بس لو مش عايز انا ......
عمرو سريعا وهو يمسك يدها : عايز ... عايز كده والله ... من اول مرة شفتك فيها وأنتي شاغلة كل تفكيري ... وعايز تكوني لياااا
جومانة بابتسامة رقيقة : خلينا ننزل بقي ... الكل مستنينا
عمرو : يلا بينا
ثم امسك يدها ونزلوا الي الحفل واستقبلهم الجميع بالتصفيق

علي احدي الطاولات
هايدي وهي تنظر هنا وهناك : كريم مش هنا ... مشفتوش يا حسام
حسام : لأ ... طيب وتاليا
هايدي بضيق : ما هو لو لقينا كريم بالعقل كده هنلاقي تاليا
حسام : طيب هنعمل ايه
هايدي : استني هنا ... شوية وجايه

توجهت هايدي الي جومانة لتبارك لها
هايدي : الف مبروك يا جومانة ... الف مبروك يا عمرو
جومانة وعمرو : الله يبارك فيكي
جومانة : عقبالك فرحك يارب
هايدي : حبيبتي ربنا يخليكي ... بقولك ايه متعرفيش كريم فين
جومانة وهي تنظر حولها : لا مشفتوش ... خير فيه حاجه
هايدي : لا يا حبيبتي ...

توجهت سوزان الي طاولة حلا وادهم
سوزان : حلا متعرفيش أختك فين .....
حلا : تاليا ... لا مش عارفة ... ممكن تكون في اوضتها
سوزان : طيب اطلعي شوفيها
حلا : حاضر يا ماما

توجهت ليلي الي طاولة جومانة ومعها مصطفي
ليلي : جومانة ... بجد اما عرفت فرحت جدا ... الف مبروووك يا جيجي
جومانة باستغراب : ليلي ... الله يبارك فيكي
ليلي : اعرفك ابن عمي ... مصطفي
جومانة : انت يا حقير ... يعني انتي ورا كل ده ... انا هوديكوا في داهية

ليلي : لأ .. لأ مش كده ... مش خايفة خطيبك يسمع ... وقتها هنقوله ايه ... يعني اعتقد انه ميعرفش حاجه ... ولا ايه

جومانة بصوت منخفض : ابعدي عني بقي ... انتي عايزه ايه تاني ... مش انتقمتي مني ... سبيني في حالي لو سمحتي

ليلي : لا بجد زعلت منك ... دا انا حتي معملتش اي حاجه ... بس تعرفي مصطفي اعجب بيكي اوووي

جومانة : انتي واحدة زبالة

ليلي بخبث : علي العموم الف مبروك يا روحي ... وان شاء الله ايامك الجاية كلها سعادة
واكتفي مصطفي بابتسامة خبيثة

ثم التفتت الي عمرو الذي كان يتحدث مع ادهم واردفت قائلة : الف مبروك يا عمرو ...
عمرو وهو ينظر الي جومانة  : الله يبارك فيكي ...
ليلي : انا ليلي صاحبة جومانة الروح بالروح ... ودا مصطفي صاحبنا برده ولا ايه يا جومانة
عمرو : مش فاهم ....
ليلي : طيب همشي انا بقي ... بعد اذنكم