عاشقان بقلب واحد ( مكتملة )

الفصل الواحد والثلاثون ( انهيار )

في الصباح
في فيلا مهدي
الحارس وهو يفتح الباب : اصحي ... خدي الأكل ده
تاليا : مش عايزه حاجة ....
الحارس وهو يقفل الباب : انتي حره ....

مهدي : هاااا أخبارها ايه
الحارس : مش عايزه تأكل .... بس سبتلها الأكل عندها
مهدي : طيب تعالي ....

فتح الحارس الباب ودخل مهدي وجدها تجلس علي الفراش وتضم قدميها اليها بخوف

مهدي : اخبارك ايه
تاليا : عايز ايه ... هتعمل فيا ايه ... أبوس ايدك انا خايفة علي ابني ...
مهدي بضيق : خايفه علي ابنك ! ... انا برده كان عندي حفيدي ... بس تعرفي عرفت غلاوته اما سبني ... وتعرفي كمان من الي اخده مني وحرمني منه .... حماكي العزيز ....
تاليا بخوف : هو معملش كده صدقني ... والله هو الي قالي ....
مهدي بصوت عالي : وانتي صدقتي ... دا انتي طيبه اوووي ... كلي لو مش عشانك عشان ابنك

ثم تركها ودخل غرفة اخري وفيها الكثير من الصور لابنه وعائلته المعلقة في أنحاء الغرفة اخد يلمس العديد من الصور وهو يبكي ثم انهار علي الأرض

في فيلا توفيق
سوزان : باباكي فين يا حلا ....
حلا : مع كريم في أوضة المكتب ...
سوزان : طيب ... مفيش اخبار عن اختك ....
حلا وهي تحتضنها : هي كويسه يا ماما والله ... كريم كلمها امبارح وبيقول انها بخير
سوزان : يارب

في غرفة المكتب
توفيق : انت متأكد يا كريم .... واثق انه مش هيعملها حاجة ...
كريم : ايوه متأكد ... هو عايز بابا بس ... يعني حسابه معاه هو ....
توفيق : وأبوك هيسلم نفسه بالسهولة دي .... معتقدش
كريم : مفيش قدامه حل تاني .... لازم حتي لو كان برئ ... لازم يحلها بأي شكل

في شقة سارة
علي : قومي البسي وتعالي نروح لسوزان هانم وتكوني معاهم
سارة بانهيار و بكاء   : خلاص يا علي انا مش هخرج من هنا قبل ما تاليا ترجع ... ممكن تسبني لواحدي ...
علي : طيب انتي مأكلتيش حاجة ... اجبلك حاجة خفيفة تاكليها
سارة : مش عايزه يا علي ... مش عايزة ... سيبني بقي
خرج علي من الغرفة ارتمت سارة علي الفراش مره اخري وأخذت تبكي بشدة وتدعي الله ان تعود صديقتها ورفيقة عمرها بخير

في فيلا كمال
فرح : بجد يا ماما ... طيب ومين الي خطفها
عليا : مش عارفه ... اخوكي مش بيقولي حاجة ما انتي عارفه ... هو جه امبارح جاب الأولاد ومعاه عمرو ورجعوا هناك تاني
فرح : عمرو كان معاه .... طيب انا لازم اروح لحلا وأكون جمبها ....
عليا باستغراب : نعم ... من امته الحب ده ...
فرح : يلا ..... سلام يا ماما
عليا : استني يابنتي ... يا فرح ....

في فيلا مدحت
مدحت : جهزت كل حاجة ...
الحارس : ايوه يا مدحت بيه ... كله جاهز

أخذ مدحت الكثير من الرجال المدربين ومعهم أسلحة وتوجهوا الي فيلا مهدي

في فيلا مهدي
مهدي : انت بتقول ايه ... طيب خدها من هنا وديها المزرعة واخرج من ورا بسرعة ... وقولهم يفضلوا وراهم ... اما نشوف مدحت بيه ناوي علي ايه
الحارس : حاضر يا بيه ...