عاشقان بقلب واحد ( مكتملة )

الفصل التاسع عشر ( سر )

وصلت جومانة الي الشاطئ وجدته يقف شارد الذهن ينظر الي البحر وكأنه يعاتبه
جومانة : يوسف ... ......
يوسف وهو يلتفت اليها : وحشتيني ......
جومانة وعيونها تلمع : وانت وحشتني اووي ... وحشتني يا يوسف

ظل ينظر اليها بحب ليشبع نظراته منها فقد اشتاق اليها كثيرا ثم تحرك نحوها ببطء وما ان اقترب جرت اليه واحتضنته بشده وظلوا كذلك عدة دقائق ثم جلسوا علي الشاطئ وهي في حضنه

جومانة : متسبنيش تاني يا يوسف ... انا كنت تايهه من غيرك
يوسف : مش هسيبك تاني ... المرة دي هنسافر مع بعض
جومانة : يوسف ... انا حصلي حاجات كتير في بعدك عنك ...
يوسف : انا عرفت كل حاجة عملتها فيكي ليلي ... انا هحسبها علي كل حاجة ... وطبعا بعدها حسابي معاكي
جومانة بخوف : يوسف انا ......
يوسف وهو يقف : تروحي وتقولي لباباكي انك مش عايزه خطيبك وتنهي الموضوع ده النهارده ... وإلا انتي عارفه ممكن اعمل ايه
جومانة وهي تقف أمامه : عشان خاطري يا يوسف سيبني فترة بس وأنا هعمل كده بس اما ألاقي سبب مقنع
يوسف بغضب : انا قلت النهارده ... انتي مفكره اني هعديها ... لأ .... ايه كنتي مفكره اني مش هرجع تاني صح ....
جومانة : لا مش كده والله ... انا عملت كدة لان لو اعترضت ماما كانت ممكن تسافرني عند خالتي ... انا اسفه يا يوسف

في فيلا مدحت
كريم وهو يجلس بجوار مدحت : بابا ممكن افهم بتعامل تاليا كده ليه ......
مدحت : عايزني اعملها ايه مش فاهم .....
كريم : بابا انت حتي محاولتش تكلمها ......
مدحت : متنساش ان انا كمان باباها ... ولازم اعاقبها
كريم : بس مش ذنبها لوحدها .... انا الي أجبرتها علي كده .....
مدحت : كريم متشغلش نفسك بالكلام ده ...
كريم : بس يا بابا .....
مدحت : خلاص يا كريم ... روح نادي مراتك عشان تفطروا

علي المائدة
تجلس تاليا بجوار كريم وتعبث بالطبق الموضوع أمامها ولا تأكل شئ وقد لاحظ كريم وكان ينظر اليها بين الحين والآخر

كريم وهو يضع يده علي يدها : حبيبتي لو الأكل مش عاجبك أقولهم يحضرولك حاجة تانية ...
تاليا : لأ ... انا اساسا شبعت الحمد لله ... بعد اذنكم

وقبل ان تغادر جاءت الخادمة وأخبرتها ان سارة قد وصلت وطلبت منها ان تدخلها الغرفة الخاصة بها

في الغرفة
تاليا وهي تحتضن سارة : سارة وحشتيني اووي ...
سارة : آه واضح اووي ... تعملي كده من غير حتي متقوليلي ... ليه يا تاليا احنا مش اخوات ... ولا خوفتي أقنعك متعمليش كده
تاليا وهي تجلس علي الفراش : والله يا سارة كله كان بسرعة ... كريم حتي مسبنيش افكر ....
سارة : بس ده ميمنعش ان الي عملتيه غلط ... وغلط كبير كمان
تاليا : عارفة والله ... ماما أخبارها ايه
سارة : الحمد لله ... كلمتني من شوية وأنا قلتلها اني جاية عندك
تاليا : يعني عرفت ان انا عند اونكل مدحت
سارة : آه ... ليكون عملت حاجة غلط
تاليا : لا عادي ... دلوقتي ولا بعدين اكيد هيعرفوا ... المهم فين المحاضرات
سارة : اتفضلي المحاضرات ... طبعا فاكرة الامتحان بعد بكره
تاليا : ايوة فاكرة ... ربنا يستر