عاشقان بقلب واحد ( مكتملة )

الفصل الخامس والعشرون ( حبك يكبر بداخلي )

في شركة مدحت
كريم بغضب : هايدي في مكتبها
نور ( السكرتيرة ) : لا يا كريم بيه ... هي في مكتب حسام بيه
كريم : طيب

في مكتب حسام
حسام وهو يناولها العصير : اشربي عصير الليمون ده اكيد هيهديكي
هايدي : شكرا يا حسام
حسام : هايدي انا نفسي تشاركيني مشكلتك ... ممكن اقدر أساعدك
هايدي بتوتر : لا .. مفيش مشكلة أصلا ولا حاجة ... انا كويسة خااالص
حسام بترقب : طيب مين الي كان عندك ده .....
هايدي بتردد واضح : دا واحد قريب واحده صاحبتي كانت طلبت مني اشفله شغل في الشركة وكده
حسام : علي الرغم ان مش مقتنع ... بس تمام ... المهم انا موجود ومستعد اسمعك في اي وقت
لم تجب عليه واكتفت بهز رأسها دليل علي الموافقة
دخل كريم بغضب مكتب حسام دون ان يستأذن ثم اردف قائلا : مستنيكي في مكتبي ... بسرررعة
حسام : فيه ايه يا كريم مش تستأذن الأول ... وبعدين ايه الدخلة دي
كاد كريم ان يرد عليه ولكن أسرعت هايدي قائلة : خلاص يا حسام ... انا اسفة ...
حسام بضيق : هايدي .....
هايدي سريعا : معلش ... شكرا علي العصير ... بعد إذنك

خرجت مع كريم وذهبت الي مكتبه وهي معه وما ان دخلا قفل كريم الباب بعنف ثم اردف قائلا : بقي انتي تعملي فيا انا كده ... اناااا يا هايدي اناااا ... ايه بتستغفليني
هايدي : مش فاهمة حاجة يا كريم انا عملت ايه
كريم بضحك مزيف : عملتي ايه ! قولي معملتيش ايه
هايدي : طيب فهمني بس ... ايه الي حصل
كريم بصوت عالي : انتي مفكرة اما تبعتي صور ليا معاكي ... وانتي عارفه انها مش حقيقية لمراتي هسيبها او حتي هسمحلها تسيبني او حتي هسمحلك توقعي بنا
هايدي باستغراب : بس انا معملتش حاجة ... وصور ايه ... انا والله مش فاهمة اي حاجة
كريم : انتي بتضحكي علي مين .... ااااه بتضحكي علي مين يا هايدي ...
هايدي وهي تقترب منه : ايوه انا بحبك ... بس والله ماعملت كده ولا افكر اعمل كده ... انا بحبك يا كريم لدرجة مقدرش اشوفك زعلان
كريم : والصور دي ... ازاي ... صورنا يوم ما كنت عندك ...
هايدي : صور ... وفي شقتي ... بس مفيش كاميرات في شقتي يبقي هبعت ازاي ... وبعدين محصلش حاجة بنا ...
كريم : ماشي يا هايدي ... بس صدقيني اخرك معايا قرب
وما ان خرج أخذت تفكر كيف هذا ؟ ومن فعل هذا ؟ وفورا فهمت كل شئ
هايدي علي الهاتف : هستناك النهارده في شقتي ... متتأخرش

في شقة سارة
سارة : هااا هتعملي ايه ... هتقولي لكريم
تاليا : لا مش هقول ... اما أتأكد الأول ... وبعدين انا لسه مسمحتوش علي الي عمله ....
سارة : مش هو قالك ان محصلش بينهم حاجة ....
تاليا بغضب : هو أصلا مش فاكر حاجة لانه كان شارب ... وبعدين هو يروحلها ليه من الأساس ...
سارة : بصراحة يا تاليا ... حتي لو هو شارب انا متأكده ان محصلش بينهم حاجة .....
تاليا بضيق : يعني بتحامي عنه ....
سارة : لا والله مش كده ... بس فكري فيها كده .... لو حصل حاجة بينهم كانت بعتت الصور دي بس ... لا كانت بعتت كل حاجة ... فاهماني !
تاليا : فاهمة ... بس برده مش هرتاح الا لما تخرج من حياتنا ... انا بقيت خايفة طول الوقت ان تاخده مني ... انا تعبت جداااا
سارة : طيب خلاص روقي كده ... وأنا هكلم الدكتوره اخد ميعاد ... هااا تمام
تاليا : تمام ... بس بلاش متأخر عشان كريم ...
سارة : تمام يا توتي