عاشقان بقلب واحد ( مكتملة )

الفصل الثالث ( لقاء )

في سيارة ادهم حيث تجلس حلا بجانبه
أدهم : طيب يعني ايه المشكلة بالضبط
حلا بتوتر : والله مش عارفة ... سالي صاحبتها كلمتني وقالت لازم أجي ضروري لان جومانة في مشكلة كبيرة عند عميد الكلية وبعدها الخط قطع
أدهم : متقلقيش يا حبيبتي ... خير ان شاء الله
حلا : يااااارب

عند كريم
اثناء تناوله الفطار دق جرس الباب توجه كريم ليفتح الباب
هايدي بابتسامة : حيااااااتي
كريم : أهلا
هايدي وهي تتوجه اليه وتحتضنه : أهلا ... بس كده من غير يا حبيبتي ولا روحي ولا اي حاجه
كريم بلامبالاة : أهلا يا حبيبتي
هايدي وهي تغلق الباب : كنت بتعمل ايه يا كوكي
كريم بضيق : هاااايدي
هايدي : خلاااص خلاص يا روحي مش هقول كوكي تاني ... رغم اني حبيتها
كريم بضيق : استغفر الله .....
هايدي : هاااا ... خطتك ايه النهارده
كريم : مفيش هلبس وأروح علي الشركة
انتي مش هتروحي الشركة ولا ايه
هايدي وهي تتوجه لتجلس علي الأريكة : لا ما احنا مش هنروح انا  استأذنت من مدحت بيه وهو وافق
كريم بغضب : انتي ازاي تعملي كده من غير ما تقولي
هايدي بغضب مزيف : فيه ايه يا كريم ... مالك كده انت متغير اوي معايا ... انا عملت حاجه تزعلك
كريم : انا اسف يا هايدي .. انا مش عارف فيه ايه ... بجد اسف
هايدي وهي تقترب منه : خلاص يا حبيبي مفيش مشكله ... ممكن تجهز بقي عشان نخرج
كريم : علي فين ...
هايدي وهي تضع قبله علي وجبته : مفاجأة يا قلبي
كريم : تمام ... خمس دقايق وأكون جاهز

في جامعة جومانة
جومانة وهي تقف أمام مكتب عميد الكليه : انا والله ماعملت حاجه انا كنت في المدرج وفجأة الباب اتففل ودا كان موجود وهي تشير علي شاب من نفس عمرها تقريبا ثم أكملت : حتي انا معرفوش ... بجد والله ما اعرفه ولا عمري شوفته ... ما تتكلم قول اي حاجه
الشاب : أقول ايه يا جومانة يعني عمري ماتوقعت انك تعملي معايا كده
جومانة بعصبية : انت اتجننت انت بتقول ايه ... انا اعرفك منين ... والله معرفوش
العميد : خلاص مش عايز كلام ...إنتوا مفصولين من الجامعة لمدة شهر
جومانة بانهيار : حرام والله ما عملت حاجه حتي اسأل صحباتي ... والله ما عملت حاجه
العميد : اتفضلوا ...
خرج الشاب وبعده جومانة ولكنه اختفي من المكان كأنه لم يكن موجود فيه
وهي تبحث عنه وجدت اختها قادمة اتجهت نحوها واحتضنتها وبكت بشدة
حلا : خلاص يا حبيبتي اهدي ... جومانة خلاص بقي
جومانة ببكاء : حلا .. حلا والله ما عملت حاجه مش عارفه دا عمل معايا كده ليه وعايز مني ايه
حلا : طيب ممكن تفهميني ايه الي حصل
جومانة : انا كنت في المدرج ... كنت بكلم صاحبتي وكنت اخر واحده موجوده بعدين بفتح الباب عشان اخرج لقيته مقفول .... وبع... وبعدين ببص ورأيا لقيت واحد عمري ما شفته قرب مني وقالي هو الباب مش بيفتح قلتله لا مش بيفتح بس والله ما حاول يعمل معايا حاجه وكان محترم جدا وحاول يفتح الباب وبعد كده العميد جه طبعا وخبط علي الباب وفجأة لقيته بيفتح الباب طبعا انا انصدمت
وبعدها العميد أخدنا علي المكتب وهو أتظاهر ان كل حاجه طبيعي وان احنا كنا مع بعض والعميد طبعا فصلنا شهر ... ده الي حصل
أدهم : حلا ... حلاااااااا
حلا بعد ان فاقت من شرودها : نعم ...
ادهم : خديها علي بيتنا ترتاح شويه يعني لحد ما الامور تهدي
حلا : آه تمام اكيد هعمل كده
ثم وجهت نظرها مره اخري الي اختها
: بس مين الي ممكن يعمل معاكي كده
جومانة : مش عارفة مين ... مش قادرة اجمع اساسا
حلا : يلا قومي نروح البيت ... واكيد هنلاقي حل للموضوع دا ان شاء الله