عاشقان بقلب واحد ( مكتملة )

الفصل الثاني والثلاثون ( غضب وعناد )

امام المستشفي
كريم بسعادة مبالغة :تاليا فين ... هي كويسة
هايدي : ايوه يا كريم كويسه ... تعالي

في احدي الغرف
تاليا بانهيار وبكاء : انا عايزة امشي من هنا ... سيبوني بقي ... أنا بكرهكم كلكم ...
الدكتورة : لو سمحتي يا تاليا هانم مينفعش كده .. اهدي
تاليا وهي تنزل من علي الفراش : مش ههدي ... ابعدي عني

في الخارج
هايدي وهي تقترب من صالح : هااا الدكتورة قالتلك ايه
صالح : منهارة طبعا ... ومصممة تمشي ... وحالتها متسمحش
كريم بخوف عليها : يعني ايه ....
هايدي : انا اسفة يا كريم ... بس البيبي ....
دخل كريم سريعا الغرفة ولم تهدأ حتي بعد ان رأته بالعكس زادت طلب من الدكتورة الخروج وان تتركهم لحالهم

كريم وهو يقترب منها ويحتضنها بقوة : تاليا ... خلاص يا حبيبتي ... عشان خاطري ...
تاليا وهي تدفعه بقوة : ابعد عني ... أوعي تفكر تقرب مني تاني ... انت فاهم ... ابعدوا عني كلكم ... انت السبب في كل ده ... انت السبب ان ابني يروح مني ...
قالتها ثم فقدت وعيها هرول كريم الي الخارج ليحضر الدكتورة

في فيلا توفيق
سوزان وهي تقف : انت بتقولي ايه يا حلا ... بجد ... تاليا كويسه ... طيب هي فين
حلا : ايوه والله يا ماما كويسه ... وكريم راح يجيبها ...
سوزان : انا هروح اشوفها ... لازم اطمن عليها
حلا : بس يا ماما ...
سوزان : مفيش بس ... هروح وأنا الي هجيبها ومش هبعدها عني تاني
حلا : طيب هكلم ادهم ييجي معانا ....
جومانة : خليه معاهم ... يوسف هييجي معانا

في المستشفي
توفيق : ادهم خليك هنا ... انا هروح اشوف تاليا ... تمام
ادهم : متقلقش انا موجود
عمرو : تحب أجي أوصلك ....
توفيق : تعالي .....

في غرفة تاليا
يجلس كريم بجانبها ويحتضن يدها بكلتا يديه ويضع جبهته عليها وهو يبكي علي حالها وما وصلوا اليه وهو يتذكر كلماتها القاسية ولكن هي لم تخطأ فالذنب كله عليه

هايدي وهي تدخل الغرفة : كريم تحب اجيلك حاجة تاكلها
كريم وهو يعتدل ولم يترك يدها للحظة : لأ مش جعان ... بس ممكن قهوة
هايدي بابتسامة : حاضر .... كريم ... متقلقش هتكون كويسه
اكتفي بالابتسامة ورجع الي وضعه مره اخري وهو يقبل يدها

في الخارج
هايدي : انا هروح اجيب قهوة ... اجبلك معانا
صالح : مفيش مشكلة ... حالتها ايه
هايدي : مش هينفع يا صالح تستجوبها دلوقتي خالص لو كنت بتفكر في كده ... حالتها متسمحش ...
صالح : عارف ... بس بحاول انجز عشان نقدر نوصله قبل ما يهرب
هايدي : هنوصله متقلقش ... تيجي معايا ....
صالح بابتسامة : أجي ... يلا بينا
ثم طلب من الشرطي المرافق له ان لا يتحرك من امام الباب ويخبره فورا إذا حدث شئ

امام المستشفي
سوزان وهي تتحرك باتجاه توفيق الذي وصل في نفس الوقت : توفيق ... تاليا
توفيق : تعالي يا حبيبتي ...
دخلوا جميعا المستشفي وتوجهوا الي غرفة تاليا وعندما وجدت سوزان الشرطي امام الباب نظرت الي توفيق بخوف ثم أردفت قائلة : توفيق .... دا بيعمل ايه هنا
توفيق : متخافيش يا حبيبتي ... دا بيحميها مش اكتر
دخلت سريعا الي الغرفة وعندما وجدهم كريم وقف وترك يدها أسرعت باتجاه ابنتها احتضنتها بشدة وهي تبكي ثم وضعت قبلة علي جبينها واردفت قائلة : يا روحي ... يا حبيبة قلبي ... انت اتغيرتي كده ليه يا ماما ... عملوا فيكي ايه
لم يتحمل كريم كلماتها وخرج سريعا من الغرفة وهو يبكي وخرج ورائه توفيق بعد ان املس علي شعر ابنته ووضع قبلة علي جبينها