عاشقان بقلب واحد ( مكتملة )

الفصل الرابع والثلاثون ( اعشقك من صغري ولكن لم تفهم )

في الكافيه
استغربت تاليا عندما وجدت كريم يقترب منها نظرت الي سارة بغضب

كريم : يلا يا حبيبتي نروح البيت
تاليا : انا هعد هنا شويه ... المكان عاجبني
كريم : طيب اخر كلام مش هتقومي ...
تاليا : اه مش هتحرك من هنا ... روح شغلك
كريم : انتي الي جبتيه لنفسك .....

حملها كريم وخرج بها وهي تحاول ان تخلص نفسها منه وتخجل من نظرات الناس اليها ثم فتح باب السيارة وادخلها واقفل الباب وجلس بجانبها وتحرك بالسيارة

في شقة هايدي
هايدي باستغراب بعد ان فتحت الباب : صالح ....
صالح بابتسامة : ازيك يا هايدي ... مش هتقوليلي اتفضل
هايدي بابتسامة : لا طبعا اتفضل .....

دخل صالح وجلس علي احدي الكراسي وجلست هايدي علي الكرسي المقابل له

هايدي : اعملك ايه تشربه ... انت بتحب عصير الليمون صح ... هعمله واجي ...

صالح وهو يمسك يدها لتجلس مرة اخري : انا مش عايز حاجة ... انا شويه وهمشي ... اتأخرت علي القسم
هايدي وهي تجلس : ماشي براحتك .... صحيح مفيش اخبار عن الي اسمه مهدي ...
صالح : يعني فيه ...  قربنا نوصله .. انا كنت عند مامتك امبارح ... وقالتلي انك كنتي مخطوبة ل.....
هايدي سريعا : ايوه كنت مخطوبه لكريم ... بس كله نصيب ...
صالح : يعني خلاص ... انتوا ...
هايدي : ايوه يا صالح كل شئ بينا انتهي ... هو متجوز دلوقتي ... وطبعا شفت بيحب مراته ازاي ....
صالح بابتسامة : ربنا يسعدك يا هايدي ... واكيد ربنا هيجمعك بواحد يحبك ويقدرك
هايدي بابتسامة ممزوجة بالخجل من نظراته : شكرا يا صالح
صالح : طيب همشي انا بقي ... هبقي أكلمك ... سلام
ثم غادر المكان وتركها في حيرتها فلماذا هذه الأسئلة ايعقل ان يكون .... ؟ ولكن كيف ؟

في السيارة
تاليا وهي تقطع الصمت : انت واخدني علي فين
كريم : علي بيتنا ... لازم نتكلم ...
تاليا : بس دا مش الطريق ....
كريم : ما احنا مش هنروح الفيلا ....

في شقة جومانة
يوسف : يعني ايه تروحي تشتكيني لمامتك ... ممكن افهم ...
جومانة : لأني اتخنقت ... وكمان عايزه اتطلق منك ....
يوسف وهو يمسك ذراعها بقوة آلمتها : انتي شكلك اتجننتي ...
جومانة : شفت بقي ... هو دا أسلوبك ... دايما العنف .. انا مستحيل اكمل معاك ... انا هروح عند ماما وابعتلي ورقة الطلاق ... وإلا انا ....
يوسف بنظراته الثاقبة : انتي ايه يا جومانة ...لسه بتحبيه صح ... ماشي زي ما انتي عايزه هطلقك

في شقة كريم
دخلت تاليا الشقة بضيق وجلست علي احدي الكراسي ونظرت بعيدا عنه

كريم وهو يجلس بجانبها : انا قلت ممكن تحني وتفتكري أيامنا الحلوة مع بعض ...
تاليا : كريم انا تعبانه ومش عايزه نتكلم ....
كريم : لا لازم نتكلم ... قولي كل الي انتي عايزاه ... اتعصبي عليا عيطي ... ممكن ساعتها ترتاحي وترجعي زي الأول ... تاليا انتي وحشتيني ... كفاية كده
تاليا بعصبية وبكاء : وانتوا مش كفايه الي عملتوه فيا ... انا عملت ايه عشان يحصل فيا كل ده ... ابني ذنبه ايه ... وأنا ذنبي ايه اني أتحرم منه ... بابا كان عنده حق ... احنا مكنش ينفع نتجوز ... دي غلطتي وأنا عارفه .... ايوه يا كريم غلطتي ... غلطتي لأن طول عمري بحبك وعمري محبيت غيرك .... رغم ان عمرك ما حبيتني ...
قالتها ثم انهارت علي الأرض وهي تبكي بقوة لم يتحدث كريم بل تركها تقول كل ما بداخلها لعلها ترتاح