عاشقان بقلب واحد ( مكتملة )

الفصل الثامن عشر ( مُراضاة )

في الشركة
مدحت : كريم انت واعي للي بتقوله

كريم : ده الي حصل يا بابا ... ولازم تتقبله .... لان مستحيل أتخلي عن تاليا

مدحت : تمام يا كريم ... وأنا مش هقولك أتخلي عنها ... بكرة تجيبها وتيجي البيت

كريم : مش فاهم ... يعني انت موافق

مدحت : ايه الي مش فاهمه ... ايوه موافق ... انت عارف انا بحب تاليا قد ايه وبعتبرها بنتي ... هستناكم بكره ان شاء الله

كريم : حاضر يا بابا ... بعد إذنك

في مكتب هايدي
هايدي : انت بتقول ايه ... يعني ايه اتجوزوا ... انت اكيد سمعت غلط

حسام : ايه الي سمعته غلط ... بقولك اتجوزا وهي دلوقتي في الشقة عنده لو مش مصدقه

هايدي : كذب ... كل ده كذب ... مستحيل

تركته وتوجهت الي مكتب كريم دخلت بعد ان فتحت الباب بغضب وجدته يجلس علي مكتبه

كريم : فيه ايه يا هايدي

هايدي وهي تقترب وتقف أمامه : الكلام الي سمعته ده بجد

كريم بلامبالاة : ايه الي سمعتيه ....

هايدي : انت اتجوزتها ؟

كريم وهو يقف ويقترب منها : ايوه اتجوزنا ... فيه مشكله

هايدي : معناها كلامي صح ... وقت قلتلك انت سبتني عشانها ... عشان بتحبها صح ... قدرت تضحك عليك مش كده

كريم بلامبالاة : برده مش فاهم انتي عايزه ايه

هايدي وهي تقترب منه وتمسك يده : عايزاك معايا ... وليا ....

كريم وهو يبعد يدها : الي بينا انتهي يا هايدي ... احنا الاتنين اتقبلنا الموضوع ... وفهمنا كويس ان علاقتنا مش هتستمر ... فلو سمحتي متصعبيش الامور

هايدي بغضب : منتهاش يا كريم ... منتهاش ... وقريب اووووي هتعرف حقيقتها ... ووقتها مش هتلاقي غيري يواسيك
ثم تركت المكتب وغادرت الشركة بأكملها

في شقة كريم
تاليا بتوتر : مين ؟
حلا : انا يا تاليا افتحي ...
فتحت تاليا الباب وما ان رأت اختها حتي ارتمت في حضنها
تاليا : حلا الحمد لله انك جيتي ... بجد محتاجاكي اووي
حلا : انا هنا متخافيش ... الشنطة دي فيها هدوم ليكي ماما بعتتها
تاليا : آه كويس ... انا من امبارح بالطقم ده ومش طايقة نفسي

جلست حلا علي الأريكة وجلست تاليا بجوارها
حلا : امته حصل الكلام ده ؟
تاليا : يوم خطوبة جومانة  ... صدقيني انتوا اجبرتوني اعمل كده ... انا بحب كريم اووي يا حلا
حلا : ليه يا تاليا ... ليه تعملي كده ... انتي عارفة بابا بيحب كريم قد ايه ... واكيد مع الوقت هيوافق
تاليا : لا مش هيوافق ... ومش عارفه ليه ..
حلا : ومقولتوش من يومها ليه أنكم اتجوزتم