Boyfriend,not Best friend

04

ZAWGYI

ချန်ယောလ်က ကိုးနှစ်သားအရွယ်မှာ မြန်မြန်ဆန်ဆန်ပဲ အသားကျခဲ့ပါတယ်။ တစ်ခါတလေ သူ့ရဲ့လူကြီးဆန်တဲ့စကားတွေ ထွက်မလာအောင် ထိန်းရတာကလွဲရင် ကျန်တာအကုန်အဆင်ပြေခဲ့တယ်။ ချန်ယောလ်က ရောက်တဲ့အရပ်မှာ အဆင်ပြေအောင် နေတတ်တယ်။ ကံတရားက ချမှတ်ပေးထားတဲ့ လမ်းကြောင်းမှာ သူက ကျကျနနလျှောက်လှမ်းတတ်တယ်။ နေရာတစ်နေရာ၊ အရွယ်တစ်ခုမှာ အသားကျဖို့ဟာ ချန်ယောလ်အတွက် ခက်ခဲတဲ့လုပ်ငန်းစဉ်မဟုတ်ခဲ့ဘူး။

မနက်ဆို မေမေလာနှိုးတဲ့အချိန် အိပ်ချင်မူးတူးနဲ့ မျက်လုံးဖွင့်တယ်။ ပြီးတော့ ထုံးစံအတိုင်း မေမေက ချန်ယောလ်နဖူးလေးကို အနမ်းဖွဖွပေးမှ အိပ်ရာပေါ်က ဆင်းတယ်။ ပြီးရင် ရေချိုး၊ အ၀တ်လဲ၊ မနက်စာစားပြီး ကျောင်းကို ‌သွားတယ်။ ကျောင်းက တစ်ရပ်ကွက်ကျော်ဆိုတော့ လမ်းမှာ တစ်အိမ်ဝင်တစ်အိမ်ထွက်ပြီး သူငယ်ချင်းတွေကို ခေါ်တယ်။ တစ်ရပ်ကွက်လုံးက မူလတန်းကလေးတွေအကုန် ချန်ယောလ်သူငယ်ချင်းတွေချည်းပဲ။ လူချစ်လူခင်‌များလွန်းလှတဲ့ ချန်ယောလ်လေးပေါ့။

ကျောင်းသွားတဲ့ ချန်ယောလ်တို့အုပ်စုက လူတောင့်တယ်။ ချန်ယောလ်မှာ သူငယ်ချင်းအုပ်စုတွေအများကြီးပဲ။ ဘောလုံးကန်တဲ့အုပ်စု၊ ကျောင်းအတူသွားတဲ့ အုပ်စု၊ အတန်းတူသူငယ်ချင်းအုပ်စု၊ ကျောင်းအနုပညာကလပ်က အဖွဲ့ဝင်အုပ်စု စသဖြင့်မျိုးစုံပါပဲ။ ဒါပေမဲ့ ဒီသူငယ်ချင်းအုပ်စုတွေထဲမှာ ဘတ်ဟျွန်းကတော့ ဘယ်အုပ်စုမှာမှ ပါမနေပါဘူး။

'သူငယ်ချင်းလုပ်ကြရအောင်'လို့ ပထမဆုံးကျောင်းတက်ရက်မှာ မိတ်ဆက်သွားတဲ့ ဘတ်ဟျွန်းက ကျောင်းတက်ပြီးလို့ သုံးပတ်ကြာတဲ့အထိ တစ်ယောက်တည်းပဲ။ ဒီလိုဆိုလို့ ဘတ်ဟျွန်းကို တစ်တန်းလုံးက ပယ်ထားကြတာလားလို့ ထင်နေရင် အကြီးအကျယ်မှားမှာပါ။ ဘတ်ဟျွန်းကိုယ်တိုင်ကိုက သူငယ်ချင်းလိုချင်ပေမဲ့ တစ်ယောက်တည်း တသီးတသန့်နေရတာကို ပိုကြိုက်တဲ့သူဖြစ်နေလို့ပါ။ ဒါပေမဲ့ ဒီအကြောင်းရင်းမှန်ကိုတော့ ချန်ယောလ်တစ်ယောက်ပဲ သိပါတယ်။

တခြားအတန်းသားတွေအမြင်မှာတော့ ဘတ်ဟျွန်းက တစ်ယောက်တည်း ဘ၀င်မြင့်ပြီး မာနတံခွန်လွှင့်ထူနေသူပါတဲ့။ စာသင်နှစ်ရဲ့ ပထမဆုံးစာမေးပွဲရလဒ်ထွက်လာပြီးချိန်မှာတော့ အတန်းသားတွေရဲ့ ဘတ်ဟျွန်းအပေါ် ထင်မြင်ချက်က ပိုခိုင်မာသွားခဲ့တယ်။ ဘတ်ဟျွန်းက တစ်ခန်းလုံးမှာ အမှတ်အများဆုံးရရုံမက တစ်ကျောင်းလုံးမှာပါ အမှတ်အမြင့်ဆုံးတဲ့။ အရင်ဘ၀က ဘတ်ဟျွန်း ဘယ်လောက်ထိ စာတော်လဲဆိုတာကို သိထားတဲ့ ချန်ယောလ်အတွက်တော့ ဒီကိစ္စက မထူးဆန်းပါဘူး။ ဘတ်ဟျွန်းက နောက်လည်း ဒီ့ထက် ပိုတော်လာဦးမှာဆိုတာ သူသိနေပြီးသားပဲ။