💔មិត្តភក្ដិ💔 [Completed ✅]

ភាគ៦ : ទុកចិត្ត

..........

          "នោះមកហើយ"ហូស៊ុកនិយាយឡើង ពេលរាងតូចកាន់ដបស្រាមកជាច្រើនដប ដាក់ពីមុខចៅហ្វាយរបស់ខ្លួន

    "ចៅហ្វាយត្រូវការអីទៀតទេ?"

    "អត់ទេ ទៅធ្វើការរបស់ឯងចុះ"ជីមីនអោនលារាងក្រាស់បន្ដិច ទើបដើរទៅធ្វើការរបស់ខ្លួន ឯអ្នកនេះក៏អង្គុយផឹកជាមួយមិត្តខ្លះ រហូតដល់គេស្រវឹង ទើបយកគេទៅគេងនៅបន្ទប់ធ្វើការរបស់ខ្លួន ដោយសារគេមិនអាចនាំនាយត្រលប់ទៅនៅពេលនេះបានទេ...

.........

     រៀងយប់បន្កិច ដោយសារតែរវល់ដកខ្លួនមិនបានហូស៊ុកក៏បានអោយបុគ្គលិកជួយនាំមិត្តត្រលប់ទៅផ្ទះវិញ តែចៃដន្យអី គ្មាននរណាចេះបើកឡានទាល់តែសោះ មានតែម្នាក់ប៉ុណ្ណោះដែរចេះ

     "ចៅហ្វាយ"ជីមីនបន្លឺឡើងទាំងភ្ញាក់ ពេលហូស៊ុកមកចាប់ដៃគេអូសទៅរកបន្ទប់ធ្វើការរបស់នាយ

     "បងមានរឿងត្រូវពឹងឯងបន្ដិច" ជីមីនជ្រួញចិញ្ចើមឆ្ងល់ តែក៏សុខចិត្តនៅស្ងៀម ចាំអោយអ្នកជាបងនិយាយ ថានាយចង់ពឹងអីជាមួយគេ

     "ជួយនាំមិត្តបងត្រលប់ទៅផ្ទះបន្ដិចបានទេ?"

     "ហេតុអីជាខ្ញុំ? អ្នកផ្សេងមានច្រើនណាស់ បងទៅពឹងគេទៅ" ជីមីនប្រុងដើរចេញមកវិញ តែហូស៊ុកចាប់ដៃគេជាប់

     "អ្នកផ្សេងបងមិនទុកចិត្ត ឯងជាប្អូនបង ជាមនុស្សដែលបងទុកចិត្ត ឯងជួយយកគេទៅបន្ដិចទៅណា"

     "តែខ្ញុំមិនស្គាល់ផ្ទះមិត្តបងទេ"

     "ចាំបងប្រាប់ទីតាំងណា សម្រេចថា..."

     "ក៏បាន...នេះដោយសារតែបងជាអ្នកសុំទេ"ជីមីនក៏ឆ្លើយយល់ព្រម នេះបើកុំតែបងគេសុំ គេមិនយកទៅ មនុស្សមិនដែលស្គាល់គ្នាផង ហើយអោយនាំគេត្រលប់ទៅផ្ទះគេទៀត នរណាចង់ទៅនោះ?

     "យកឡានបងឬឡានឯង?"

     "ឡានខ្ញុំក៏បាន តែថាទៅហើយខ្ញុំមិនមកវិញទេណា"

     "ក៏បាន ចឹងសម្រេចតាមនឹងចុះ"និយាយត្រូវគ្នារួចហើយ ជីមីនក៏ទៅផ្លាស់សម្លៀកបំពាក់ធ្វើការចេញ ហូស៊ុកគ្រាមិត្តទៅដាក់ក្នុងឡានរបស់ជីមីនរួចស្រេច