تعلمت الحب بعيون عمياء

الجزء الثامن عشر - اريد ان اراه

صعدت كل من فهد وباسل لجناح فهد فهو فى اشد الحاجة للراحة وخاصة ان الحركة سوف تبدا فى القصر وهو لا يريد ازعاج احد ولا قلقهم عليه لذلك يجب ان يخلد للنوم والراحة حتى يستيقظ وهو على استعداد للشرح عن اصابتة

دخلت ايتن من التراس واقتربت من باب غرفتها فسمعت صوت فهد وباسل بالجناح المقابل لها ولم تتحرك حتى تأكدت من غلق باسل لباب الجناح تحركت ناحية سريرها ولكن جفاها النوم فكيف تستطيع ان تنام وقطعة من قلبها تتالم بجانبها 

تنهدت بالم واتجهت لصلاة الضحى واخذت تدعوا الله ان تراه سالم معافة ثم اقتربت من الجرس الخاص بالمطبخ ودقت عليه وبعد لحظات تسمع طرق على الباب ويلية دخول ليليان

ليليان : صباح الخير يا توتة عاملة ايه محتاجة حاجة

ايتن: صباح النور ايوة يا ليليان عايزة منك خدمة عمرى ما هنساها لك ابدا طول ما انا عايشة

ليليان : فى اية قلقتينى اؤامرى عايزة ايه

ايتن بتردد: عايزة انهاردة بالليل ادخل جناح فهد

ليليان : ااااااااايه يستحيل انتى بتحلمى السيد فهد مانع دخول اى حد جناجة الا ديجة بس وبيكون معاها واحدة من المسئولين عن التنضيف بتقف تشرف عليها 

وتخرج معها من الجناح مافيش حاجة اسمها حد مننا يدخل لواحدة وانتى تقوليلى ندخل الجناح بالليل دى فيها رقبتى ورقبتك انسى الموضوع ده خالص وبعدين هو انتى عايزة تخشى الجناح بالليل ليه

ايتن وهى تحاول منع دموعها من النزول :عايزة اشوف فهد

ليليان : يا نهار اسود انتى عايزة تدخلى الجناح والسيد فهد فيه لا دى انتى اتجننتى رسمى دى بيسمع دبه النملة ونومه نوم تعالب مغمض عين ومفتح التانية عيزانا ندخل عنده جناحة لا وايه وهو كمان موجود

ايتن : علشان خاطرى يا ليليان واوعدك عمرى ما هطلب منك ايه حاجة تانية بس ساعدينى

ليليان : ايتن انتى عارفة انا بحبك اد ايه بس الى انتى بتطلبية دى صعب جدا لا مش صعب دى مستحيل

ايتن : طيب انا عندى الحل وممكن ندخل من غير ما يحس بينا

ليليان : ازاى بقى

ايتن: هاتى علبة الدواء الى على الكومود الى جنبى

مدت ليليان يدها وامسكت العلبة وهى تقول : اية دة دى منوم

ايتن: ايوة دى المنوم بتاعى هو مش منوم بالمعنى الصحيح هو مهدى خدى منة قرص وحطية لفهد فى العصير الى بيشربة قبل ما ينام وبكده هندخل ونخرج من غير ما حد يحس بينا

ليليان : اممممم والكاميرات هنعمل فيها اية انسى اننا نعيد الكارة

ايتن : لا مش هنحتاج لان مافيش شك فينا اصلا فمحدش هيكون متابع الكاميرات خالص