تعلمت الحب بعيون عمياء

الجزء السادس والاربعون - باقى الاحجية

كان الجميع مجتمعين داخل جناح حور عندما كشف فهد هذا السر المكنون واتضح ان هناك اربعة اشخاص معهم حل اللغز 

فكان اقتراح عاصم الاشقر اذا كان ليس هناك داعى من وجود حور داخل المستشفى ان يتم التصريح لها بالخروج والعوده لمنزلها وهناك يتم كشف المستور

وبالفعل صرح لها بالخروج وساعدها الفتيات فى تغير ملابسها بعد ان احضرت اولجا بعض الملابس واتجهت جميع السيارات لمنزل حور وجاسر وفى النهاية قرر الجميع التجمع داخل منزل حور حتى تستطيع ان تستريح لو شعرت باى تعب

كان الجميع مجتمعين عند حور فى الصالة الرئيسية للفيلا وكانت هى جالسة على كرسيها الهزاز تمسك بيدها كوب من عصير التفاح وتتابع ما يحدث بعينها

ليبدا فهد :

فهد : اتفضل يا عاصم بيه على ما اعتقد ان بداية الحكاية عندك

عاصم بابتسامة هادئة : بظبط يا فهد الحكاية ابتدت من حوالى 14 سنة كان عز ابنى لسه متوفى بقاله ايام وكانوا عايزنى فى الجهاز لان وفاة عز كانت اغتيال او بالاحرى تصفيه ومن حسن حظى ان اسر واسيل رفضوا السفر معاهم 

والا كانت هتبقى عائلتى كلها انتهت المهم وانا فى طريقى للجهاز بعد لما خرجت من الفيلا فجاه لاقيت السواق وقف ولما استفسرت عن الموضوع قالى ان فى طفلة ماشية فى نص الطريق وبتعيط نزلت من العربية فعلا لاقيت ملاك اقدمى طفلة آية فى الجمال بس مفحومة من العياط بشكل فظيع ولما قربت منها فى الاول خافت منى كانت عايزة تروح لباباها ومامتها بعد شوية من كلامى معاها عرفت الاتى

فلاش باك

ايتن : انكل ونبى عايزة اروح لمامى وبابى

عاصم : طيب انتى اسمك ايه

ايتن : انا ايتن كمال الشاذلى

عاصم : طيب يا ايتن انتى ساكنة فين

ايتن : فى الزمالك يا انكل

عاصم : الزمالك وايه الى جابك مصر الجديدة

ايتن : انكل كرم هو الى قالى انه هيودينى عند مامى وبعدين مشينا كتير كتير كتير وبعدين قالى انزلى مامى اهيه ولما نزلت ملقتش مامى ولا انكل كرم

عاصم شرد للحظات : طيب تعالى معاية

ايتن : انكل هتودينى عند مامى

عاصم : لا يا حبيبتى انا هوديكى عند انكل الى يعرف بابى ومامى

ايتن : ماشى

عاصم : ايتن انتى شيفانى

ايتن : لا يا انكل علشان عمو كرم زعل منى وخبطنى على دماغى ومن ساعتها احنا بالليل

هز كرم راسة بالم : تمام يا ايتن يالة بينا

عودة من الفلاش باك