تعلمت الحب بعيون عمياء

الجزء التاسع والاربعون - حفل زفاف

استمرت الليلة جميلة على الجميع غريبة على حور وفهد فهو لا يعلم هل هى قد قررت منحة فرصة ثانية؟ ام ان هناك خطب ما ؟

فى الصباح الباكر استيقظت حور على صوت طرق على الباب

حور بعد ان اعتدل على فراشها : اتفضل

فهد من خلف الباب : ادخل

حور بهمس وهى تعقد ما بين حاجبيها : فهد ثم اضافت لحظة

قامت من فراشها ارتدت روب على قميص نومها واقتربت من الباب وفتحتة فتحة صغيرة : خير يا سيد فهد

فهد : احم اسف انى ازعجتك

حور : مهو ده العادى فى حاجة

فهد بغيظ : عايز منك خدمة

حور : امم قول

فهد : تحت مسئول البوفية ومسئول التجهيزات وبصراحة انا محتاس وريمى مش فاضية وطبعا انتى عارفة الشباب لا يفقهوا شئ فى اى شئ زى بظبط فبصراحة لقيت ان انتى انسب حل لينا ومنقذتنا

حور : تمام هنزل على طول

فهد : براحتك هم هينتظروكى

حور: مش هتاخر

فهد : تمام عن اذنك

اخذت حور شور سريع وارتدت ترنج سوت كحلى تحتة تى شيرت ابيض قصير على كوتشى كحلى فى ابيض ورفعت خصلات شعرها لاعلى هبطت من غرفتها وهى على السلالم لمحت خديجة

حور : صباح الحلويات يا احلى ديجة

خديجة : يا صباح الورد على احلى ايتن فى الدنيا

قذفت حور قبلة فى الهواء لها وهى تقول : ديجة فين السيد فهد

خديجة : فى مكتبة يا حبيبتى منتظرك

حور : اوك يا قمرايتى فين المكتب ده اشارت لها خديجة على باب ضخم بلون الموجنه وعليه بعض الزخارف بدرجة اغمق من لون الباب

طرقت حور الباب ودخلت عندما سمعت صوت فهد يسمح لها بالدخول

حور : صباح الخير

الحاضرين : صباح الخير

حور : خير يا سيد فهد كنت محتاجنى فى ايه

فهد اشار على الشخص الاول : سيد اندروا مندوب المطاعم المسئولة عن تجهز البوفية

ثم اشار للشخص الثانى : سيد ماك المسئول عن تجهيزات الفرح كده الموضوع بقى فى ايدك اتصرفى

حور : هو احنا فينا من الكلام ده بتخلع من اولها

فهد بابتسامة : بصراحة اذا ماكنتش مش هعرف اساعد فانا باكد لك انى ممكن ابوظ كل حاجة

حور : لا وعلى ايه خاليك مرتاح

اعتدلت حور فى جلستها وبدات فى مناقشة الشخصين الحاضرين والتنسيق معهم كما لو كان هذا هو عملها الاساسى وتخصوصها